طريقة سلطة ستيك هاوس

هي السلطه اكلتها بمطعم ((ستيك هاوس)) وعجبتني كتير وجربت اعملها بالبيت و زبطت معي…
لما رح تشوفو المكونات رح تسستغربو كتير …
بس صدقوني مافي حدا جربها بالمطعم او دوقتو ياها الا وحبها كتير …
لانها فيها حموضه وحلاوه ….وكتير بتتطلع لذيذة….

المقادير:

1) اربع تفاحات خضراء ( اللي بتكون فيها حموضه شوي ) مقطعه الى مربعات تقريبا
1.5 سم …
2) عودين كرفس مقطعه الى قطع صغيرة
3) نصف كوب جوز(عين الجمل) مقطع الى قطع ناعمة
4) نصف كوب زبيب ابيض
5) اربعه ملاعق مايونيز خفيف الدسم
6) قليل من الملح والفلفل الاسود
7) عصير نصف ليمونه ( حتى يحافظ التفاح على لونه )
طريقه التحضير :
نخلط المكونات كلها مع بعضها عدا المايونيز ….
وبعد ما نتاكد انها انخلطت جيدا منضيف المايونيز بالتدريج لحد ما تنتهي كميه المايونيز …

وبنقدمها فورا حتى مايتغير طعم الكرفس والتفاح….