تجربتي مع الرياضه وفوائدها
السلام عليكم
انا هاكتب تجربتي مع السمنه والريجيم والرياضه لان فيه اكتر من بنت طلبوا مني هذا
الشئ
وباتمنى ان الكل يستفيد من هذه التجربة
صلوا على النبي عليه افضل صلاه وتسليم
انا وزني قبل سنه وشوي وتحديدا اخر شهر يوليو كان 102 كيلو
وما كنت قادره استمر على اي ريجيم واللي بنزلو متل كتير منا برجعو وبرجع اكتر
منه كمان
شو التغير الفاصل اللي صار بشهر 7 ؟؟؟؟؟؟
الاول حابه اخبركم اني كنت كل يوم بزن على راس زوجي عشان نصير نمشي كرياضه
وما كان يقبل .
وسافر جوزي بشهر 7 اجازه لحاله ورجع وساعتها كانت نقطه التحول
شو هالتحول ليييييش شو اللي صار بالسفريه؟؟؟؟
اللي صار انه لما سافر لاقى اغلب قرايبنا
اللي عنه ضغط واللي عنده سكر واللي مشقادر يتحرك واللي واللي ……………الله يشفيهم كلهم ويشفي
مرضى المسلمين يارب
فهو لاقى ان الحل للحفاظ عالصحه قبل ما توقع الفاس بالراس هو الرياضه والحمد لله
هاي الاجازه اجت لصالحي
وعلى طول من تاني يوم بدت رحلتي مع المشي وتنزيل الوزن
بدينا نمشي 30 دقيقه بس ما اقوللكم كانو 30 دقيقه عذاااااااااااب . ااااه نسيت اقوللكم
انا كنت باعاني من الم شديد في الظهر بعد اي وقوف لوقت متواصل ان شاالله
نص ساعه ولازم بعدها اتمدد لمده ربع ساعه عشان يخف الالم اللي فظهري
وكمان كان عندي فقردم فكنت باعاني من تسارع نبضات القلب مع اي مجهود وابسط مجهود
وما كنت باقدر القط نفسي
المهم نيجي للعذاب قصدي الرياضه فاول ايامي
انا لما بدات المشي ما كنت حاطه فبالي اني اعمل اي ريجيم لا سعيت للرياضه
لاني عارفه فايدتها حتى لو كنت سمينه لكن من اول يوم رجعت من المشي كتييييير
تعبانه ولان الجو عنا كتير حر فشهر 7 يمكن شربت ليترين مي اول ما رجعت
ولاقيت نفسي طبعا ما الي شهيه للعشا
وتاني يوم بدات اخفف غدايا
كنت باكل عالغدا رغيف واكتر غير الرز مع الاكل وما كان يهمني اطبخ اي شي
قلي او بطريقه غير صحيه وباكل بدون سلطة
فبدات بتخفيف كميه الخبز الى النصف ويوم بعد يوم لغيت الخبز من اكلي وصرت اطبخ
بطريقه صحيه اكثر وصحن السلطه كان شيء اساسي يومي لازم املا فيه بطني مع الاكل
وطبعا ما فيه عشا ومنعت الحلويات والشيبس والشوكولاته مش من البيت لا لان الاولاد ما
لهمش ذنب بس منعتهم من دخول بطني
نرجع للمشي والله اني ما كانت تخلص النص ساعه الا وانا روحي طالعه من الحر
والرطوبه والتعب
وبالتدريج صرنا نزود مده المشي لحد ما وصلنا 45 دقيقه في اول شهر وطبعا كنت
باعاني من وجع في الساق بسبب المشي اللي مش متعوده عليه وجع الساق هذا استمر
شهر كامل ولما بدا يخف واتعود عالمشي ……………………..
بداشهر رمضان وزوجي وقف المشي لان مع الصيام والتراويح ما في وقت ولا طاقه للمشي
بس انا طبعا رفضت لاني قلت يادوبك اول ما بدات رجلي اتخف من الوجع هارجع
اريح تاني وابدا بعد شهر من اول وجديد وكنك يا ابو زيد ما غزيت
نسيت اقولكم انه مع المشي والتخفيف نزل وزني 10 كيلو اول شهر
واستمريت عالمشي مع انه كتير صعب بسبب اني لحالي ومنطقتنا مش اامنه كتير وبسبب شهر
رمضان وضيق الوقت لكن الحمدلله قاومت كل الوساوس اللي بتقلي اوقف واستمريت
وطبعا كل كلمه كانت تشجيع اكتر الي اني استمر وبعد العيد رجعنا نمشي انا وزوجي
وكملت ريجيمي اللي هو التخفيف
وخلال شهرين يعني للعيد اللي بعده كان وزني نزل كمان 10 كيلو وصار وزني 80
ورده فعل الاهل كانت اقوى من الاول بكتيير لان شكلي اتغير 180 درجة
والحمد لله بعدها استمريت ووصلت في شهر5 لوزن 68 كيلو
وما تتخيلو كيف صار شكلي كنت باعمل فحوصات كل فتره والحمد لله دمي كتير اتحسن
الام الظهر رااحت صرت اوقف ساعتين وثلاثه بدون اي الم صرت امشي ايام ساعتين بدون
ما احس بالوقت او التعب
ولاني منعزله عن الناس شوي فاللي كان يشوفني ما كان يصدق انه هاي انا اللي
شافها من كام شهر
والله انه في وحده قالتلي مالك مريضه شو كل هدا >>>>>
مش عارفه ان هاي صحه مش مرض
واحلى احلى شي لما الناس اللي مابعرفوني منيح ايشوفوني مع بنتي اللي عمرها 17 سنه
وما يصدقوا انها بنتي ما تتخيلو المفاجاه اللي بشوفها عوجوه الناس وهم بيرجعوا يسالو بنتك
ولا اختك هههههههه ؟
وفيه كمان وحده ما شفتها من سنه لما شافتني نسيت اتسلم علي هههههه ضلت تحكي
عني وعن شكلي الجديد وتسالني شو هذا ؟؟ يمكن نص ساعه وكل ما نفتح موضوع
تاني ترجع اتلف وتحكي عني وعن ضعفي وقديش مبينه اصغر… هاي كمان بحياتي ما بنساها
وهاخليها فذاكرتي عطول عشان ما ارجع ابدا .
بس للاسف صابتني فشهر 5 صدمه عاطفيه تركت فيها الريجيم والمشي لفتره ورجع زاد وزني
لاني كنت باكل متل المجنونة
والحين بعد تحسن نفسيتي ارجعت للمشي والريجيم وان شاء الله هنزل الوزن اللي زدته وناويه
اوصل 60 كيلو ان شاء الله
من تلات اسابيع للحين نزلت تقريبا 5 كيلو والله يوفقني واكمل
وانزل بصحه وعافية
وفي شي مهم حابه اقوله لكل وحده نالويه تبداريجيم
ان اهم شيء هو الدعااااااااء
ادعو الله دايما ان يكون عندكم اراده للاستمرار
وادعوه انه بنزل وزنكم بصحه وعافية
وكونوا موقنين ان الله بيستجيب الكم
انا ما راح اتصدقوا الظروف اللي كنت بامشي فيها حر كتير ورطوبه وبرد
وامتحانات الاولاد والظروف العائلية
لكن دايما كنت حاسه انه في شيء بيدفعني دفع للاستمرار وبيطوعلي الظروف مهما اتكون وانا
متاكده انه هذا ربنا استجابه لدعائي .
وكمان وقت الرياضه املوه بشيء ينفعكم متل التسبيح وسماع القران .
اي وحده تستفيد من حكايتي الطويله الممله البايخه تدعيلي دعوه بظاهر الغيب .
نسيت احكيلكم عن زوجي
بتعرفوا انه وزنه نزل 15 كيلو عالمشي وتقليل العشا بس
يعني بيفطر عادي وبيتغدا عادي ما شاء الله عليه .
