طريقه عمل الكيك بالكريمه بالصور
كيك الكريم كراميل او قدره قادر هى سهله قوى وبتدى فى الاخر نتيجه تحفه وطعم
جميل للى مجربهاش قبل كده ندخل بقى فى التفاصيل
اولا طبقه الكراميل ودى مقادرها 1/2 كوب سكر فى طاسه على النار لغايه ما يدوب
ويتكون الكراميل بس خلى بالك لحسن يتحرق ودى صورته ويتصب فى قالب الكيكة
ثانيا طبقه الكريمة
دى لها كذا طريقه ممكن تجيبى الكريم كراميل الجاهز وتدوبيه مع اللبن وتحطيه على طول
فوق الكراميل
او تعميله وده مقاديره
3 بيض
1 و 1/2 كوب لبن
1 كوب سكر
فانليا
والطريقه انك تضربى البيض مع السكر والفانليا وبعدين تضيفى اللبن
وطبقه الكريم دى نحطها فوق الكراميل اللى احنا صبناه من قبل
ثالثا طبقه الكيك ودى سهله جدا مقاديرها
2 بيض
1/2 كوب سكر
فانيليا
1 و 1/4 كوب دقيق
1/2 كوب زيت
1/2 كوب لبن
ذره ملح
1 و 1/2 ملعقه صغيره بيكنج بودر
3 ملاعق صغيره كاكاو خام
الطريقة
نضرب السكر واللبن والزيت
نضيف البيض والفانليا
ثم الدقيق والبيكنج بودر والكاكاو وذره الملح
نصب الخليط فوق الكريمه وحنلاحظ ان الكيك نزل والكريمه فوق بس ده قبل الخبز بعد
الخبز الكيك حيبقى فوق
يتم الخبز فى فرق سابق التسخين فى حمام ماء ساخن على درجه 190 او180لمده ساعه
تقريبا او حتى ينضج تماما
بعد الخبز يترك خارج الفرن ساعه ثم توضع فى الثلاجه من 3 الى 4 ساعات
وتوضع الكيك فى صانيه بها ماء دافئ لمده ثوانى وتقلب فى طبق التقديم
وبالهنا والشفا
اسبكم مع الصور
