طريقة تحضير محشي ورق عنب , اطعم حلة محشي ورق عنب مصري

طريقه تحضير محشي ورق عنب

المقادير

نحتاج الى اربع بصلات متوسطات .. وقرنين فلفل اخضر لان نكهته فالطبخ جدا رائعه ..

واربع طماطات .. متوسطات بعد .. مفرومين ناعم ..

علبه صلصل الربيع المتوسطه كلها ..

كزبره حزمتين وشبت 3 حزمات .. مفرومين ناعم ..

ملح + فلفل اسود + كمون مطحون + كركم شوي ..

رز باي كميه مغسول ومنقوع

الطريقه : ونقول بسم الله ..

نفرم البصل والفلفل جيه

ونفرم الطماط بهالطريقه

ونفرم الكزبره والشبت بهالطريقه

نقلي البصل والفلفل الاخضر فالزيت مع الكركم لان الكركم يروح ريحه البصل وقت القلي ..
لحد ما يصير لونه شويه اصفر ..
.

فهالاثناء نضيف على الطماطم .. ملعقه طعام ملح .. كمون .. وشويه فلفل اسود
.

بعد ما يتحمر البصل شوي نضيف له الطماطم لحد ما يذبل ..

بعدين نحط الصلصل ..

بعدين الشبت والكزبره .. ونخلطهم

بعد ما نخلص من الخلط .. نضيف الرز المصري المغسول والمنقوع فالماي لمده نص ساعه
تقريبا .. ونخلطهم ..

وهذا شكلهم بعد ما خلصنا الحشوة

لورق العنب .. نغلي ماي .. ونحط فيه ورق العنب عشان ينغسل ويلين وكل ورقه
تطلع من الالثانيه بكل سهوله ..
نصفيها

ونحشي ورق العنب بكميه الحشو ونصفهم في قدر الضغط ..
القدر يكون في قاعته بطاطس .. وبصل للي يحب نكهته حلوه مع المحشي .. او
بطاطس ولحم ريش او لحم بالعظم او قطع لحم للي يحب اللحم وياه ..
بعد ما صفيناه فالقدر ..

نحط على النار ماي ..
كرتونه ماجي اللي فيها حبتين .. وعلبه صلصل هذا حجمها ..

ونخلهم على النار لين ما يغلي ويذوب الماجي .. بعدها نصبه على المحشي شوفن مستوى
الماي على المحشي لانه بالاخير بينضغط فما يبي ماي وايد
وعشان ما يتبطل مع الطبخ

.. ونخليه يغلي على النار .. واول ما يغلي نسكر عليه بالغطا ونوطي على النار
بنسبه
قليله يعني النار اقرب للهاديه منها للعاليه ولا تكون هاديه كثير عشان ما يستوي وايد
ويتم فيه ماي
ونخليها بالضبط .. ساعه الا ربع ..بعد هالوقت نفتح عنه طبعا بعد ما نخلي القدر
يصفر ويخلص من الهوا المضغوط ..
ونضيف له .. شوفن مقدار الكوب .. نصه ليمون بدل الحامض انا استعمل .. وزيت
زيتون ..

نصبه على المحشي ونرجع نضغطه 10 دقايق ونبند عنه

وهني شكله من داخل .. ونسيت اصور الطبق بالاخير لاني كنت جدا مشغوله متؤسفه يا
رب يعجبكم