طريقة كنافة سعد الدين بالصور , تشيز كيك لا تقاومي الطعم

طريقة كنافة سعد الدين بالصور , تشيز كيك لا تقاومي الطعم

هنحتاج لكنافه خصل مجمده او فريش و سمنه او زبده مذابه و3/4 كوب شربات (شيره)

استخدمت الكنافه المجمده وخليتها تفك ساعتين فى حراره المطبخ
♥ كنافه تشيز كيك كب كيك ♥ لا تقاوم شكل وطعم ♥
فى قوالب الكب كيك اى نوع معدنى او سيليكون او الومنيوم كله ينفع ان شاء
الله –
نحط خصله الكنافه بدوران زى العش ونرش معلقه او اتنين سمنه او زبده مذابه وهتلاقيها
منكوشه كده – نضغط عليها بالكوب كويس اوى وهتلاقيها بقت طبقه رقيقه 1سم

على فكره يا بنات الموضوع سهل جدا بس الشرح كتير لانى باحب اقول الوصفه بحذافيرها
عشان الافاده

عملتها باحجام مختلفه والكميه اللى استعملتها اقل من ربع كيلو كنافه
والباقى من العلبه فرمته وشيلته فى الفريزر فى كيس محكم الغلق

ندخل الصوانى الفرن الساخن 10 دقايق ولما تبقى دهبى نطلعها تبرد
انا عملتها الصبح وكنت مشغوله وسيبتهم كده وعليهم فوطه نضيفه واخر النهار لما فضيت كملت

ندخل بقا على الحشوه :
دايما بافضل التشيز كيك البارد واهم المكونات هى الكريمه سواء بودره او سائله والجبنه والسكر
والقشطه والجيلاتين وليكى الاختيار فى اى اضافات او تعملى الحشوه المخبوزه اللى فيها بيض او
اى طريقه تفضليها وطبعا بتزودى وتقللى الكميه حسب العدد

المكونات :
3 مغلفات دريم ويب +علبه قشطه فريش+ ربع كوب سكر بودره + 200 : 250
جم جبنه كريمى (تقريبا 12 مكعب كيرى) + 1/2 كوب حليب بارد +1 م ك
جيلاتين بودره وربع كوب ماء مغلى + فانليا

اول خطوه نحط ربع كوب ماء مغلى فى طبق ونرش الجيلاتين على سطحه بالراحه وعشان
تضمنى ذوبانه تماما تحطى الطبق ده على حمام مائى وتحركيه لغايه ما يختفى تماما

نخفق كل المكونات مع بعضها فى بوله كبيره وممكن تزودى قشطه اكتر

اثناء الخفق فى النهايه نضيف الجيلاتين بالتدريج مع استمرار الخفق ونضيف الفانليا ونخفق وكده بقت
الحشوه جاهزة
لو عاوزه تعمليها ف صينيه تشيز كيك كبيره اوك
عاوزاها تشيز كب كيك اوك
الاتنين نفس الطريقه بس بدل ما تحطى الكنافه ف قالب الكب كيك اعمليها ف صينيه
تشيز كيك او اى صينيه على مرتين بحيث يبقى عندك طبقتين كنافه 2 ديسك بينهم
الحشوه ..

فيه اكتر من طريقه عملتها فى التقديم
الاولى : غسلت قالب الكب كيك بعد الكنافه وحطيت الحشوة

التانيه :حطيت قوالب سيليكون مزخرفه من الجوانب ووزعت الحشوة
التالته : حطيت الحشوه ف القالب المعدن مباشره وبمجرد ما تحطيه ف ميه دافيه هيخلع
فورا ان شاء الله وتحددى الجوانب بطرف سكينه وتقلبيه على طبق او على راق الكنافه
الاول

الرابعه : حطيت الحشوه على الكنافه بحيث تبقى متلاصقه فيها لما تجمد واقلبها بسهوله لان
الكنافه خلعت من الاول ومفيش الا تحديد الجوانب بطرف سكينه رفيعه
كده خلصنا الحشوه وندخل الصوانى ف التلاجه ليله كامله او الفريزر لو مستعجله

حشوه الفراوله البيتى :
دى عملتها الصبح وانا باعمل الكنافه عشان الوقت
نحط 1ونص كوب فراوله مجمده او فريش فى حله ونرش عليها نصف كوب سكر او
اكتر حسب ذوقك ونغطيها ونركنها على الرخامه ساعتين
هنلاقيها نزلت سائل زى الصوره كده- نرفعها على النار ولما تغلى نهدى شويه ونقلب لغايه
ماتلاقى الفراوله غمقت وتقلت شويه نطفى النار ونخليها تبرد وممكن تعمليها قبلها بيوم او تستغنى
عنها براحتك

• طريقة تشيز كنافة سعد الدين
• طريقة عمل كنافة سعد الدين
• طريقة كنافة ف قوالب بالصور