علاج البرد القديم في الجسم
وصفه فعاله لعلاج البرد في جميع اماكن الجسم
هاد الوصفه خديتها من عند عشاب كبير حيت كنت امريضه دخلني البرد ملي اجهضت ومادرني
الحال حتى دازت واحد ثلاثه ثهور ابدالي الالم افرجلي اليسرى وظهري وملي قتلو راني عايشه
برا لبلاد قالي اتبعي هاد الصفه وخاتبقى عندك فالدار ابحال الخبز راه داويك وعمر البرد
ماباقي يعرف ليك اطريق انا استعملت الوصفه غي شهرين والله الا عطات افضل النتائج ولكين
كانت عندي شي ظروف مرضيه واقطعتها ولكين حاليا ملي ابريت امعوله انبداها يله على بركه
الله اولا غتشري كيلو تمر رابعه حلبه رابعه حب الرشاد وثمن ١٦٠ اديال السانوج وثلاثه
اديال الكيسان اكبار زيت العود الحره وثلاثه اديال الكيسان العسل الحر ماشي لمزور الحر ودابه
غنكوليكم الطريقه واخا فيها اشويه الشرح والخدمه اولا كتقبضي الثمر واتحيديلو العلفه وتاخدي السانوج والحلبه
وحب الرشاد واتخلطيهم ومن بعد اتعمري بيهم التمر وحتى الا شاط لك الخليط تاع الحلبه
والسانوج وحب الرشاد غي خليه غنكولك اشديري ليه المهم كتاخدي ثوب اديال حياتي وافرشيه وسط
الكسكاس واتحطي فيه التمر وداكشي لشاطلك من لعماره تاع التمر دردريها فوق التمر وديري فالكدره
لتر ونصف من الماء وتغطي الكسكاس من الفوق ابميكه واتزيري مزيان حيت هداك البخار لي
غيتلع مخصوش اضيع فالهوا واتخليهم اتفورو اشويه من بعد اتحيدي الخليط واتحطيه فشي كصعه ولكين
متكونش حديد واتخوي على الخليط زيت العود واتعجنيه مزيان واترجعي الخليط عاوتلني لوسط الكسكاس اتفور
اتفويره الثانيه وانفس الطريقه الاولى ومن بعد مايتفور اتحطيه عوتاني فالكصعه واتخوي اعليه العسل الحر
واتعجنيه مزيان واترجعيه عاوتاني يتفور بنفس الطريقه الاولى والثانيه وفالاخير ملي اتفور اتحطيه افشي ابلاستيكه
ويبقى ديما فالثلاجه تاكلي منو يوميا فالصباح على الريق وفالعشا اقبل النعاس مقدار جوج معلقات
فكل مره وقبل ماانسى المراه الحامله ماتصلحش ليها هاد الوصفه ومعلومه اخيره ديما قبل ماتكال
هاد الوصفه خصنا انبدوها من الثلا`جه قبل باش اتسخن اشويه وفالاخير كنتمنى اتجربوها وراه مغديش
اتندموا وفي امان الله
