طريقه عمل حشوه التورتيلا
جيبي دجاج فيليه وقطعيه شرحات رفيعه وطويله وقطعي معه بصل + فلفل رومي اي لون
اولا الدجاج اذا قطعتيه تبليه في ( ليمون + ثوم + ملح وفلفل اسود )
تقريبا نص ساعه اوربع اذا كنتي مستعجله يكفي
بعدين حطيه بالمقلاه وابدي حركيه الين تنشف مويته بعدين ضيفي عليه قطعه زبده صغيره مع
شويه زيت وحركي وضيفي البصل
واضيفي عليهم اثناء التحريك صلصه الصويا وحركي لحد ما يتروح نكهه البصل ويذبل شوي بعدين
اضيفي الفلفل الرومي وحركي معهم شوي
لحد ما يلين شوي وبهريها شوي بفلفل اسود وشوي ملح لاننا تبلناها في البدايه بملح
وبعدين فيها صويا يعني لاتكثرين الملح في الاخير
بعد ما زانت الحشوه نجي للفها الحين .
اول شي حطي شوي من الحشوه وبعدين تكوني مجهزه مجموعه جبن تكوني باشرته
(جبن كرافت + جبن شرائح البرتقالي +شوي جبن مموزاريلا ) تبشرينهم وتخلطينهم مع بعض
وتحطين منها شوي مع حشوه الدجاج وتلفي الخبزة
ولا تنسين تحمرين الخبز بالاخر على المقلا او الصاجه او الشوايه الكهربائيه عشان يذوب الجبن
بالداخل ويطلع طعمها لذيذ
