طريقة تحضير وعمل حلي السبايا اليمنية , عيش يظهر وكأنه مسوس
مقادير
1- اربعه اكواب طحين ابيض
2- ملعقه ملح
3-ملعقه خميره تخلطيها مع ملعقه سكر وملعقتين حليب دافى عشان تسرع عملها
4- كوبان ونصف حليب فرش ملك سخنيه شوى يستوي دافى مب تغلينه
5- كوب ونص زبده
6- ملعقه حبه سودا اوسمسم حسب الطلب
7- حبه بيض
8- اربع ملاعق سكر
الطريقه
يوضع الطحين في وعاء العجن او العجانه ويضاف الحليب الدافى والملح والخميره والبيض والسكر
والزبده تباعا يعني جميع المقادير تعجن الين تصبح العجينه لينه وملمسها ياعينى عليه
سيبيها ترتاح عشر دقايق الى ان تجهزي اغراضج الباقيه
تقطع العجينه الى قطع صغيره بحجم البيضه تقريبا عشرين قطعه ونتركها ترتاح
نجيب سمن ونسيحه نخلطه مع زيت نباتي بس كميه السمن اكثر ونجيب كمان صحن يكون
محترم وقاعه دائري مع الانتباه عدم وجود زوائد
الحين نفرش القطع حبه حبه على الصحن وبين كل حبه وحبه نحط السمن ونمدها اقصى
مساحه
وبعدين نقوم بقلبها لصينيه الفرن وقبل هذا ندهن صينيه الفرن بشويه زيت ونرش بنت الصحن
او السبايا بالحبه السودا او السمسم
نسخن الفرن في نص الشغل 350 درجه ونضع الصينيه في الفرن الين يحمر وجهها
البعض يحب ياكلها بالعسل مثل ما هو حاصل في بيتنا
بس حلاوتها تتلذذ بطعمها بدون شى كفايه كوب شاى
يلا سووها وخبروني
انا اخذت مني تقريبا ساعه ونص من الاول الى الاخير توقعت اكثر
بالعافيه على قلبوكن
وهذي طريقه ثانيه في المقادير ولك الحريه
المقادير :
1 ونص كيلوا طحين ابيض
3 ملاعق كبيره سكر
1 ملعقه كبيره حبه سوداء
ربع ملعقه خميرة
1ملاعق حليب بودرة
2 ونص ملاعق صغيره ملح
نحط هذي المقادير على بعضها
نضيف بعدين
2 بيض
ثلاثه ارباع الكوب زبده سايحه ,, عسل للتزيين
ونعجنها تمام ونضيف ماء كل ماحتاجت العجينه ونخليها ترتاح شوي
بعد ماترتاح العجين نقطعها دوائر متساويه قد ماتقدر ونغطيها ونخليها ترتاح شوية
بعد ماترتاح نفردها شوي بالشوبك او باليد
بعدين ناخذها بيدنا ونقلبها مره يمين ومره شمال عشان تتمدد ونحطها بالصينه ونفردها بايدينا يعني
نمدها بالصحن كله والاطراف تكون خارج الصحن
لم نخلص فردها نحط زيت ووزبده نخلطهم مع بعص ونرجع نرشه عليها
طبعا بين كل طبقه وطبقه نرش الزبده مع الزيت لين ماتكمل العجين ونخلص ونكون حصلنا
على اكثر من طبقة
نخلط بيض مع حليب وندهن الوجه ونخليها عشر دقايق ترتاح وندخلها الفرن لين تتحمر وتستوي
الطبقات في بنت الصحن على حسب الرغبه قد تكون 20 او 25 او 30 او
40
وبالعافيه عليكم
