وصفة الكيراتين الطبيعي للشعر , احصلي على شعر سايح مثل الزبدة

وصفة الكيراتين الطبيعي للشعر , احصلي على شعر سايح مثل الزبدة

عزيزاتي هذ طريقتي الشخصيه في العنايه بشعري وطريقه تحوله من خشن مجعد الى ناعم سايح
, اولا بقولكم اني من يوم كنت صغيره كانت امي تصبغ شعري دوووم حتى اصبح
تالف وناشف ومنفوش ومجعد وهو اصلا مايبي زود خلقه كان مجعد ومعلول المهم كبرت وكبر
اهتمامي بمظهري ………. اهتميت بشعري ورحت لكل العيادات المختصه بالعنايه بالشعر وقابلت الاخصائيه وقلت لها
“ابي شعري ينعم” تدروووون شنو ردت علي هه قالت بالحرف الواحد ” حبيبتي شعرك ماله
علاج ” تقول مممم ممكن نخفف من خشونته شوي بس ما راح يتغير >>>>>> بنت
اللذينا لو تشوف شعري اللحين قدمت استقالتها للمركز , المهم انا فعليا ما اصابني احباط
الا مؤقت كنت اعرف ان لكل داء دواء وان اسرار الكون غير مكشوفه وكان عندي
احساس ان يوم بالايام شعري بيصير مثل ما احب , بعد مايئست من العيادات والطب
قررت اني الجئ لاسرار الحريم >>>>>> وما احلاها

ومر على هالكلام يمكن اربع سنوات وانا على نفس الوضع والحال كنت مرات اطنش ومرات
ادور واجرب والنتايج كلها سلبيه وما فادني شيء يذكر ,
.
.
وقبل ثلاثه اشهر بالضبط (حصلت المطلوب واكتفيت) >>>>>>> هيه يا حريم بالله اذكرو الله ترى
العين حق وترى اللي تعطي عين تعتبر من الحساد والاهم انها تاثم وحسناتها كلها تروح
وتكون يوم القيامه من الخاسرين .^
قبل ثلاثه اشهر حصلت خلطه واستنتجت خلطه ثانيه والثنتين هذيلا كان لهم مفعول معالج الكيراتين-لكن
الكيراتين تدفعين فيه الوووف وهاذا مجانا بالاظافه ان هذا يدوم للابد والكيراتين اربع شهوور بالكثير
ويرد شعرك مثل اول …
طيب الان نجي للخلطه الاولى معروفه والكل يعرفها مثلي قبل اجربها >>> لاحظو شيء مهم
انا بقولكم النتايج بكل امانه واخلاص على كل الخلطتين ……. وطريقه استخدامي لها

الخلطه الاولى خلطه الزبادي :
مقاديرها اربع سهله وموجوده بكل بقاله
– زبادي
-مايونيز
-زبده مذوبه
-عسل
* تخلطين المقادير مع بعضها حتى يكون قوامها كريمي
* الكميه على حسب كثافه وطول شعرك – واما كميتها على شعرك انا اغرق شعري
فيها اكثرها والف شعري بكيس هذا حق الساندويش والبس طاقيه شتويه والف راسي بشال من
الاطراف حتى ماتسيح الخلطه احطها على شعري وانام فيها .
………………………… ……..
الخلطه الثانيه من استنتاجي ونتايجها احلى من الاولى
المقادير :
– حنا
-سمسم محموس ومطحون
-املج مطحون
-زيت “انا استخدم زيت النارجيل الاخضر
– ماء دافي
وطبعا تخلط في الخلاط وقوامها لابد يكون كريمي .
برضو الكميه حسب طول شعرك وكثافته
ونفس طريقه الخلطه الاولى …
الان بقولكم النتايج :
خلطه الزبادي مفعولها مذهل وتاثيرها ع الشعر ترطبه وتعطيه لمعه خيااااليه وتبعد عنه الخشونه وتغذيه
بشكل مذهل >>>>> طبعا مع الاستمرار
– ومن ناحيه متى تظهر النتيجه ومرضيه يمكن من ثالث مره او رابع مره
……………………
نتايج الخلطه الثانيه خلطه الاملج المذهله
تزيل كل الطعجات اللي بالشعر وتكثر الشعر بقوووووه وتطوله بسرررعه وتعطيه مظهر شعور الهنديات >>>>
كلامي والله خالي من المبالغه اي وحده تجربه تقول للبقيه …
والاهمممممممممممممممم الاهم ثم الاهم تتبعين هذه الخطوات وغير كذا انسي كلامي كله
– تحطين اليوم خلطه الزبادي

-تصحين من النوم تغسلين شعرك بشامبو (اللي يناسبك)
– اذا كان شعرك جاااف مره حطي زيت او كريم للترطيب ضروري واذا لا مايحتاج

-اليوووووم عندك اجازه اتركي شعرك يرتاح
-اليوم الثالث من بدايه البرنامج تستخدمين خلطه الاملج >>>>> خلطه الاملج بسبب الزيت ماتجفف الشعر
ولو انها بدون زيت راح تجفف لك شعرك لان الحنا يجفف الشعر “لذا ضروري الزيت
في الخلطه
-نفس الشي اليوم الثاني اذا كان شعرك جاف حطي زيت او كريم واذا لا مايحتاج

(ملاحظه لازم تتركين شعرك يوم يرتاح فيه من الزيوت والخلطات)
-ثم اليوم الثالث ارجعي لخلطه الزبادي
وكرري الخطوات ..

وصدقيني راح تلاحظين النتيجه من اول مره بس يعني شي بسيط – لكن الاهم والاروع
هو يوم تشوفين شعرك سايح بعد ثلاثه شهور واذا حافظتي عليه جد وماتركتي البرنامج ولا
مره يمكن في شهرين يبهرك .
.
.
.
وطبعا كل وحده ادرى بنوع شعرها يمكن فيه شعور تحتاج فتره اطول وفيه اللي ماتحتاج
الا لفتره اقل .
.
.

• جلب شعره سايح
• هل الاملج يزيل الطعجات اللي في الشعر