طريقه عمل الجناش لتزيين التورتات والكيكات
اول و اهم حاجه فى نجاح جناش الشيكولاته هو استخدام نوع شيكولاته جيد سواء كانت
شيكولاته خام او بالحليب و اللى بيفرق فى الاتنين فى عمل الجناش هو ان الشيكولاته
اللى بالحليب بتكون اصلا بطبعها كريمى لما بتسيح مش بترجع تنشف و تمسكتانى زى الخام
لان الخام مفهاش سكر ولا حليب فعشان كدا لما بتسيح بعد شويه بلاقيها بتجمد و
تتكسر
الشيكولاته بالحليب بيكون فيها سكر اساسى فلو هنعمل الجناش بشيكولاته بالحليب مش بنحط سكر
الشيكولاته الخام لازم طبعا نحط فيها سكر و يكون سكر بودر
لو عاوزين الجناش خفيف ليه طريقه و لو عاوزين تقيل و كريمى عشان الحشو ليه
طريقه الاتنين مختلفين و هقولكم الطرقيتين دلوقت
نوع الزبده المستخدم فى الجناش يفضل انه يكون نوع معروف زى زبده لورباك لان نسبه
الحليب فيها بتساعد على ان الشيكولاته مترجع
طريقه عمل الصوص الخفيف
200 جرام شيكولاته خام
من ربع الى نصف كوب سكر بودر حسب الذوق
3 ملاعق كبيره زبده لورباك
كوب كريمه خفق سائله ( كريمه خفق جهينه للحلويات الحجم الصغير اللى هو ربع كيلو)
ملعقه صغيره عسل نحل
الطريقة
نسيح الشيكولاته الخام على حمام بخار مائى مع الزبده و ملعقتين فقط من الحليب السائل
فى كسارولا على نار هادئه نضع الكريمه والسكر و نقلب جيداا واول ما الشيكولاته تسيح
نضيفها للكريمه و نقلب 5 دقايق او لحد ما نلاحظ ان الصوص بدا يتقل قليلا
و اخر شىء نضع العسل و بس خلاص نرفع الصوص من على النار و نصبه
فى بوله و نضعه فى التلاجه لحين الاستخدام
ملحوظه لو هنستخدم شيكولاته بالحليب بنعمل نفس الخطوات بالظبط بس زى ما قولت مش بنحط
سكر و لا زبده ولا حليب يعنى بنسيح الشكيولاته علطول لوحدها على حمام بخار مائى
و نضيفها للكريمه و العسل
طريقه عمل جناش الشيكولاته الكريمى لحشو التورتات
200 جرام شيكولاته خام
من ربع الى نصف كوب سكر بودر حسب الذوق
ربع كيلو كريمه شانته بودر
كوب حليب سائل
الطريقة
نسيح الشيكولاته الخام على حمام بخار مائى مع ملعقتين فقط من الحليب السائل
نيجى بقى لطريقه عمل الكريمه شانتيه البودر (انا بجيب السايب من محلات بيع مستلومات الحلوانى
و الربع كيلو بيكفى لحشو وتزيين تورته مقاس 24 )
(ناخد بالنا ان فى كريمه شانيته بيكون بودر خام و فى بيكون بالسكر انا اديما
بيجب الخام عشان اتحكم فى مذاق الحلاوه براحتى و حسب ما بنحب)
اهم حاجه اول ما نشترى الكريمه البودر نحطها فى التلاجه ليله كامله فى الرف اللى
تحت الفريزر علطول)
الحليب المستخدم لخفق الكريمه لازم يكون ساااااااااقع جدا
الربع كيلو بياخد كوب حليب
السكر لازم يكون بودر و باكد تانى لان مهم جداا
نخفق الكريمه طبعا عادى و بعدين نضيف ليها الشيكولاته بع ما تكون ساحت و بعدين
نخفق تانى و نضعها فى الفريزر ترتاح حاولى ساعة
و بس كدا و نستخدماها عادى للحشو و للتزيين
