طريقه الحصول علي بشره نضره وصافية
الماسك الاول
معلقه دقيق ابيض ومعلقه زيت زيتون ومعلقه لبن ونص ليمونه ويتم فرده على الوجه والرقبه
لمده 20 دقيقه وبعدين نشطفه بالماء الدافى ثم البارد
الماسك الثانى
برغم انه بسيط جدا الا ان نتيجته تحفه جدا معلقتين لبن بودره اى نوع ومعلقتين
لبن سايل نخلطهم كويس ونفرده على الوجه والرقبه نصف ساعه ونغسله بالماء الدافئ ثم البارد
الماسك الثالت
2 معلقه بودره جونسون لاطفال ومعلقه مويه ورد ومعلقه لبن الماسك هذا غير انه بيبيض
كمان بينور وينعم ويعطي ريحه حلوه ونفرده نصف ساعه ونشطفه بنفس الطريقة
الماسك الرابع
خياره ومعلقتين نشا ونص كوب مويه ورد ونضربه فى الخلاط ونفرده على الوجه والرقبه نصف
ساعه ونشطفه بنفس الطريقة
الماسك الخامس
بطاطس مسلوقه بقشرها ونص كوب لبن ونضربهم كويس فى الخلاط ويفرد على الوجه بالاضافه لمنطقه
تحت العين تحفه بيبيضها والباقى بيتحط فى التلاجه عادى ويشطف بنفس الطريقة
الماسك السادس
نص خياره مبشوره ناخد عصيرها ونص عصير لمونه و2 معلقه دقيق ابيض ويفرد على البشره
ويشطف بنفس الطريقة
الماسك السابع
معلقه نشا ومعلقه زبادى بايت ونص عصير ليمونه ونص معلقه زيت زيتون ونحطه 20 دقيقه
ونشطفه بنفس الطريقة
الماسك الثامن
معلقه دقيق ومعلقه نشا ومعلقه ميه ورد ومعلقه زيت زيتون ومعلقه لبن ونص ليمونه الماسك
هذا تحفه للجسم واى منطقه غامقه نصف ساعه ونشطفه بنفس الطريقة
