استغفري يابنت يام العشاشيق يقولون المسولفين
استغفري يابنت يام العشاشيق
يقولون المسولفين ان هذي القصه حصلت بين بنت اسمها سعدى والفارس المشهور خلف بن دعيجا(مهودي
على روس الفطر) ,من شيوخ قبيله الشرارات .وسعدى تسمع عن غزوات خلف وبطولاته , فا
اعجبه به من صيته الطيب وشجاعته وكرمه , وتمنت انه تشوفه وفى يوم من الايام
شافته واعجبتها هيئته وشكله زياده على طيبه وكرمه و فروسيته رغم كثره مغازيه ومايلحق الفارس
فى المغازى من تعب وشموس , وهى شافته عن بعد وهو ماشافها ولايدري عن غلاها
له .و فى يوم من الايام غزى خلف بن دعيجا , على قبيله البنت ,
المهم , حاصرو اهل البنت القوم وكسروهم , و خلف ابن دعيجا اسر بدون منع!
والاسر بدون منع يحق للاسر في هذه الحاله اما قتله او العفو ..
او طلب فديه , كلن وشيمته!وكان خلف دايم يغزيهم وياخذ منهم , ويتمنون الخلاص منه
على شان يرتاحون منه ,لكنهم يوم طرحوه , مايعرفون شكله!؟وناويين اذا كان خلف انهم يذبحونه
لانهم ولوه بدون منع!واذا هو من عرض هالناس يتركونه .. لانهم قبل يكرهونه بسبب شراسته
في قتالهم ,لاكن الجماعه مايعرفون شكله وشكوا انه خلف لانهم شافوا منه فعل عظيم قبل
الاسر , لكنه انكر انه خلف بعد ماتمكنوا منه. واحتاروا فيه , وتذكرو ان سعدى
تعرف شكله , بس مايدرون انها تعزه وتوده !قالوا نسال سعدى لانها هي الوحيده اللي
شافته؟!ويوم جتهم قالوا لها هذا خلف؟وهي عرفت انهم يبون يذبحونه.وهو عارف ان مصيره القتل اذا
قالت هذا خلف!والرجال محاوطينه يبون ياخذون راسه وهو وجهه اسمر من كثر المغازي ..ضحكت وقالت
: تحسبون هذا خلف! . لا هذا عبد من عبيده؟!قال اخوها : خلوا هالعبد يولي
…
قال خلف على هونكم مانى عبد وقال هذه االابيات :-
سن بدالي ذوق سكر ولاذيق
……………………. وعين قزت من عقب ماهي قبالي
وابدت علي بريطم به زواريق
……………………….. وبمفرق القذله سواه الهلالي
استغفري يابنت يام العشاشيق
………………………. عن قولك اني من عبيد الموالي
حنا عبيد الرب سيد المخاليق
………………………….. ومماجرى يابنت هذي فعالي
انا خلف زبن العيال المشافيق
………………………….. لياحل في تال الركايب جفالي
يابنت حماي النضا ساعه الضيق
………………………… شيخ تخضع له سباع الرجالي
حمايهن في ساعه ييبس الريق
…………………………. ومن دورن يلقان عندالتوالى؟!
انتم خزايزكم طوال السماحيق
……………………….. وخزايزي شمط اللحى والعيالي ..!!
فلماسمعوا قصيدته عرفوا بانه (خلف) فاعجبتهم شجاعته واطلقوا سراحه وخرج منهم معززا …
ارجو ان تنال استحسان الجميع ,والمعذره عن كل نقص او تقصير …و وبركاته ،،
