كيفية التخلص من الالتهابات الفطرية المهبلية

كيفيه التخلص من الالتهابات الفطريه المهبلية

لتهاب .. نفهم اول يعني ايه كلمه التهاب دي او inflammation : كلمه التهاب دي
يعني تغير في كمياء الجلد بتعمل خلل مؤقت فيه تغير لونه او تؤدي لظهور بعض
العلامات المختلف اشكلها وانواعها ممكن افرازات برائحه او غير وممكن كمان يصاحب الالتهاب دا حكه
شديده او بسيطه بردو على حسب درجه الاصابه ..

التهاب المهبل : التهاب المهبل دا كلنا بنتعرضله و حاجه متخوفش ولا تخليكي تقلقي بس
تخليكي تخدي بالك ازاي متعرضيش نفسك لاسباب الاصابه بتاعته تاني
التهاب المهبل ممكن يبقى نوعين التهاب بكتيري والتهاب فطري

هنكلم عن اتهاب المهبل الفطري دلوقتي وهرد على اي حاجه محدش فاهمها و بعدين هنكلم
عن التهاب المهبل البكتيري

ايه هو التهاب المهبل الفطري :
اول حاجه نفهم يعني ايه فطر زي مفهمنا يعني ايه التهاب الفطر دا كائن ممكن
يبقى وحيد الخليه وممكن يبقى متعدد الخلايا وطريقه التكاثر بتاعتها مبتعتمدش على ان الفطر دا
مذكر او مؤنث لا شكل الجاميتات ( زي الحيوانات المنويه والبويضات عندنا ) هيا الي
بتبقى مذكره ومؤنثه ودا بيديها تنوع وراثي او جيني كتير وفي فطريات ممرضه وفطريات غير
ممرضه وفطريات نافعه وبنقدر نستخرج منها علاج كمان زي البنسيلين

المرض اسمه التهاب مهبلي فطري او التهاب المبيضات البيض او القلاع الفرجي او التهاب الفرجيه
المهبليه المبيضات او التهاب فرجي فطري

داء يصيب معظم النساء من فطر اسمه الكانديدا واسمه العلمي Candida albicans ( مبيضات البيض
) او فطر الكانديدا ودا فطر خميري باللغه الدارجه
الاصابه بالفطر دا لو اتعالجت صح لا تؤدي الى مضاعفات خطيره وبتتعالج بردو بسرعه يعني
مبتاخديش وقت طويل فالعلاج
طبعا الفطر دا عايش بكميات قليله غير ضاره في بعض مناطق الجسم زي الفم والامعاء
والجلد والمستقيم و فالمناطق التناسليه عند النساء بكميات اكثر من الرجال وبتعيش متحوصله ( لا
ضرر ولا ضرار ) وبتتحكم في عدم تحولها الى كائنات ضاره هي المناعه لكن اول
ما مناعه الجسم تقل بطريقه كافيه لتحولها لكائنات ضاره تصيب الكنديدا المنطقه الي موجوده فيها
ومناعتها ضعيفه وتزيد اعدادها وتبدا اعراض الاصابه بالمرض او الفطر خاصا تظهر
طيب حضرتك بقى عملتي ايه عشان تصيبي نفسك بالفطر دا ؟؟

1- كان عندك ميكروب معين رحتي اخدتيله مضاد حيوي للقضاء على العدوى الميكروبيه دي قتلتي
الميكروب الي سببلك العدوى و في اوقات كتير من قوه المضاد الحيوي دا بتاثري على
البكتريا النافعه عندنا والي بتكون وظيفتها انها تسيطر على اعداد فطر الكانديدا عندنا فتزيد اعداد
الفطر وتصيب المكان الي زادت اعدادها فيه وغالبا بيبقى اغشيه المهبل المخاطيه

2- استخدامك لحبوب منع الحمل بكثره ( ايوا متستغربيش الحبوب دي ليها عيوبها بردو )
لان حبوب منع الحمل بتزود عندك هرمون الاستروجين ودا بيزود نوع معين من السكر (
الكربوهيدرات ) و الي بتتغذى عليها الكنديدا فيساهم في تنشيط نمو الفطر دا .. ناخد
بالنا ليه بقى البنات معظم الوقت تعاني من حكه او افرازات مهبليه بسيطه قبل الدوره
مباشرا ( لان قبل الدوره بتزيد نسبه هرمون الاستروجين وخلاص احنا فهمنا ايه علاقته بالكنديدا
) وبردوا المدامات الحوامل عرضه جد للاصابه بالكنديدا لان بردو الحمل بيرفع نسبه هرمون الاستروجين
فالدم تقريبا بنفس نسبته في الايام الي بتسبق الدوره الشهريه مباشرا

3- السيدات والبنات الي بيعانوا برده من داء السكري وعندهم مستوى السكر عالى على طوول
فالدم هيصابوا كتير بالكنديدا

4- اي سبب بيؤدي لتمزق الاغشيه المخاطيه للمهبل زي الولاده والجماع بدون ترطيب كافي واللولب
والتامبون كل دي اشياء بتؤدي للاصابه بالفطر دا

5- الكورتيزون والي بيستخدم كلنا عارفين في علاج السرطان دي مواد مثبطه للمناعه طبعا زي
مقولنا اي حاجه بتقلل المناعه ممكن تسبب في الاصابه بالفطر دا

6- اختلال التوازن الحمضي في المهبل او الوسط الي بتعيش فيه الفطر دا بيؤدي لزيادتها
ولاصابه بيها
ممكن واحده تيجي تسال نفسها انا مبعملش كل الكلام دا ومبتعرضلوش لكن بردو عندي حكه
او افرازات زياده ياترى ممكن من قله نضافتي ؟؟ هقولها لا انتي نضيفه زياده اووووي
وبتخطي معطرات و صابون محاليل معقمه وغسولات مهبليه ممكن تاثر على الافرازات وتزودها ( اختلال
حمضي يا بنوته او للوسط بتاع الفطريات خلي بالك )

طيب ايه هيا بقى الاعراض : حكه يعني احساس شديد بالرغبه فالهرش فالمنطقه دي
الم شديد وحرقان اثناء عمليه التبول او عمليه الجماع
التهاب واحمرار الشفرتين وانتفاخهم وتورمهم
افرازات صفراء او بيضاء وممكن ان تكون مصاحبه برائحه كريهه

طيب عرفنا الاعراض وازاي ممكن نصاب بالفطر دا اوعي اوعي تحذير الدكتوره الي هتروحلها تقولك
دا فطر بسيط هتاخدي العلاج دا وتبقى زي الفل اوعي توافقي لازم تعملي مزرعه من
المنطقه دي المصابه وتتاكدي بردو انه فطر و تعرفي المضاد الحيوي المناسب الي ممكن تاخديه
او الدكتوره هتاخد كشطه بسيطه وتبص عليها تحت الميكروسكوب

طبعا الالتهاب الفطري دا ممكن يصيب زوجك اثناء الجماع فمن المفضل انك تبعدي عنه حتى
يتم شفاءك تماماااااااااا
طيب هنيجي بقى للجزء الاخير من الموضوع بتاعنا ازاي ناخد احتياطتنا حتى لا نصاب بالفطر
دا ؟؟ طيب الاكل ممكن يبقى ليه تاثير ؟؟

اول حاجه ازاي نتجنب الاصابه بالفطر دا ؟؟

1- ابعدي عن استخدام النايلون في الملابس الداخليه .. ابعدي عن الهدوم الضيقه من ملابس
داخليه او بناطيل والي ممكن تسببلك ارتفاع فدرجه حراره جسمك و تنشط نمو الفطريات دي
واستبدليها طبعا بملابس قطن فضفاضه

2- متستعمليش الدش المهبلي اكتر من مره او اتنين في الاسبوع لان دا طبعا بياثر
جامد على الكائنات المجهريه او البكتريا النافعه الي هتحميكي زي ما هو بياثر على الكائنات
الضاره و (كانك يا ابو زيد ما غزيت وهتفضلي بتعاني من الفطريات دي )

3- ابعدي عن استخدام الصابون المعطر او الشاور جيل الي بتعملي بيه رغوه فالبانيو يعني
متمنعيش نفسك عن الترفيه بس متبقاش عاده وطول الوقت تبقى مبلبطه فالبانيو وتعملي رغوه تلعبي
بيها

4- خليكي حريصه ونضيفه بعد متخلصي حاجتك يعني بعد التبول نشفي كويس جدا بعد التشطيف
و بعد التغوط او التبرز خليكي حريصه انك تتشطفي من ادام لورا عشان متنقليش ميكروبات
الامعاء المنطقه التناسليه دي

5- ابعدي عن استخدام المناديل المعطره فالمنطقه دي خاصا وانتي مصابه ( هتولعي ) و
خليكي حريصه على نضافه المكان دا وجففيها ديما بفوطه تغيريها باستمرار ( وتغليها بعد متغيريها
) و متبقاش جافه او فوطه ناشفه واتشطفي بماء فاتر وابعدي عن الماء السخن او
الدافئ ومتدعكيش نفسك بقوه طبعا دي اكتر منطقه حساسه فجسمك ..

6- المضاد الحيوي الي بنبلبعه عمال على بطال دا لا

الاكل بقى معقول الاكل ممكن كمان نتجنب بيه الاصابه اه طبعا تعالي شوفي :

1- تجنبي السكريات زي ( الذره وشراب القيقب، السكر وسكر الفواكه وسكر القصب ) اي
حاجه فيها سكريات دول مثال بسيط .
2- تقليل او تجنب الكحول. الكحول يتحول الى السكر ويساعد على نمو المبيضات .
3- ابتلاع كميات كبيره من الثوم. (ويعتبر افضل الطازجه – اللحم المفروم ووضعها في كبسولات
الجيلاتين الفارغة، تصل الى سته فصوص في اليوم.) الثوم ويعتقد ان يكون بعض الطبيعيه خصائص
مضاده للفطريات )
4-شرب الحليب او اللبن تناول الطعام الذي يحتوي على بكتيريا اسيدوفيلوس. اسيدوفيلوس هو “ودية” البكتيريا
التي تساعد على ابقاء جسمك في الميزان.