خالد عبد الرحمن كلمات الاغاني فى الالبومات

خالد عبد الرحمن كلمات الاغاني فى الالبومات                
                     

نبدا في البدايه مع البوم (( صارحيني ))والذي يتالف من خمسه اعمال .
1- صارحيني
كلمات : رياض ابراهيم
الحان : خالد عبدالرحمن

كلمات صارحيني

صارحيني ..
منهو انا بدنيتك
جاوبيني ..
ان كنت فعلا منيتك
ما كنت ارضى تزعلين = و انتي بتهديني الزعل
ما اطيق عني تبعدين = في قربي حسيت بملل
محرومه عيني شوفتك = لا تحرميني كلمتك
حتى الصراحه بيننا = صارت صعيبه بدربنا
وان كان ودك تبعدين = صعبه انا انسى حبنا
ما يعني هذا ترجعين = في دنيتي بالقى الهنا

2 – صدقيني
كلمات : خالد عبدالرحمن .
الحان : خالد عبدالرحمن

كلمات صدقيني

صدقيني قلبي يحكي لك حقيقه= صدقيني ما ارى غيرك ملاك
من اجل وصلك باتخذ ايه طريقه= ما ابالي لو طريقي لك هلاك
بعدك ولا غيابك على نفسي ما اطيقه= كيف اجاهد روح تشقى من غلاك
شرع الخطا يا زين عم الخليقه= وان هفا شوقي معك ابغى رضاك
يا زمان اللوم احرق لي وثيقه= طيها دستور بظلمه وطاك
منهو فينا او في البشر ما نشف ريقه= كم قيل عنهم الشقي هذا وذاك
الشك من طبعك وباحساسك رقيقه= مقبوله عندي ولوهذا عطاك
روحي تنادي لك بصرخه غريقه= يا مغرقتها ليش عيني ما تراك
3 – بلا ميعاد
كلمات : خالد عبدالرحمن .
الحان : خالد عبدالرحمن

كلمات بلاميعاد

فجاه طلبتني لها .. بلا ميعاد= طول انتظاري عل حالي بسببها
لبيت وجيت قبالها .. شفتها تزداد= روعه بصوره حسن ربي رسمها
عيني انا بعينها .. والقلوب ابعاد= اخشى هدب عيني يلامس هدبها
ما اقوى الحكي حينها .. والقلب ما اعتاد= على لقى اللي حبها من عرفها
نظره سواد عيونها .. هذا المنى والمراد= لهفه شفايف طولت في عناقها
4 – خذ ماتبي
كلمات : خالد عبدالرحمن .
الحان : خالد عبدالرحمن

كلمات خذ ماتبي

خذ ما تبي بس اترك القلب يرتاح= لا بالموده عطيته لا بالصراحه خذيته
في غايتك تهوى على ملك الارواح= صدق الخيانه جزيته يا كم بغيري نويته
كافي علي اصبحت بالسد فضاح= غصب علي حكيته بكاني حظي وبكيته
قل لي متى ترسم على قلبي جراح= منك الصبر ما قويته افقدتني ما احتويته
املكت كل قلبي الوفي ومعك مفتاح= عقب الندم وش رايته عن حب غيرك عميته
من علمك ترمي بقيعان الارماح= لا بالقتل قد نويته عمري بكفن حي طويته
جذع ذوى عطشان لو ترفعه طاح= تتعب معه لو ركيته ما هو بحي لو سقيته

لا تنتظر رجعه ولا تطري اصفاح= ما اقول حبك وطيته ما اقول حبك نسيته
ابعد عسى في دربك اليوم ترتاح= انت الذي اهتويته ولا .. بالغصيبه مشيته

5 – لاجل حبك
كلمات : رياض ابراهيم .
الحان : خالد عبدالرحمن .

كلمات لاجل حبك

رجعنا بعد ما كنت= بعيد و انتي بعيده
وانا يا منيتي امنت= فراقك قلبي ما يطيقه
قويتي الصبر في فرقاي= وانا في غيبتك ما اقوى
نسيتي يوم كنت معاي= والنسيان بك اتحدى
هل هو شعورك هالغريب= او انا ماني لك حبيب
ثلاث سنين بنا مرت= ولا كنا نحس بخوف
عيوني مني تبرت= قليل النوم فقدها الشوف
لاجل حبك قويت اسهر= الى حتى طلوع الشمس
وهذا لعيني مقدر= يمر اليوم مثل الامس
مدري متى شمسك تغيب= مدري جرحي يطيب                
                   

والان مع البوم (( بقايا جروح ))
والذي يتالف من سته اعمال .

1 – بقايا جروح
كلمات : خالد عبدالرحمن .
الحان : خالد عبدالرحمن .

كلمات بقايا جروح

خذني بقايا جروح= ارجوك داويني
لا تروح الروح
كفا عذابي منك= ليه تشقيني

ما فوق جرحي جرح= وجروحي تاويني
وصبري فقدته بجرح
الموت له حروه= خوفي يمسيني

يا خلي يا مرتاح= ليتك تواسيني
لا تنوي المرواح
ملامحي جروح= وش منك يشفيني

ما بين عصف وريح=الهم طاويني
وانت لاهي مريح
ابيك لعمري يوم= بالوجد تعطيني

– ضويتي
كلمات : خالد عبدالرحمن .
الحان : خالد عبدالرحمن
كلمات ضويتي

ضويتي بخاطري شمعة= نسيت اني بوسط الناس
عيونك هلت الدمعة= دلايل رهفه الاحساس
صمتك حديث عيونك= همس الحكي بشفاتك
شفت الحياه من دونك= مخلوقه في همساتك
عيني على ما تنظره= فيك اشغلتني نظرتك
شوقي ترى ما اقدره= ساقني في طاعتك
وقت مضى لا يهمك= انتهى مع ناسه
واللي جذبني يمك= يصعب علي قياسه
تذكري بكره وبعد= للقى وش ننتظر
ننتظر حلو الوعد= وبسعاده نستمر

3 – يالايمتني
كلمات : خالد عبدالرحمن .
الحان : خالد عبدالرحمن

كلمات يالايمتني

يا لا يمتني ما بقى لي شفاعه= ساد الشكل وتغيرت كل الاوضاع
ما عاد لك مني ولا حرف طاعه= حل الفراق اللي على الوصل قطاع
في طي لحظه افترقنا بساعه= ماني على فرقاك يا بنت جزاع
ما يمنعك خافق يعرف المناعه= لو للهوى في خاطري حمل ووضاع
اغواك ومن هو ساعي بالقطاعه= وشلون تفكيرك على الذم ينصاع
تعطيه للهرجات واهل الاشاعه= لولا بني جنسك على الغيره جياع
للصدق في نفسي بحفظه وداعه= وللفكر بخصال الموازين جماع
اقدم جميل العطا باستطاعه= قدمت ما عندي ومنك العطا ضاع

4 – لالا تناجي
كلمات : خالد عبدالرحمن .
الحان : خالد عبدالرحمن .

كلمات لا لا تناجي

لا لا تناجي كفاك نضال= دع لي غرامي واجد لك امل
لا لم اراك يوما حفظت الوصال= ادفع ثمن هزلك بهذا الجهل
اجعل من الماضي ذكرى تقال= واعرض عن الحاضر كفاك جدل
انا لست هيمانا بذاك الجمال= ذهب الجمال منك ام لا يزل
اسالك يوم غدري اجبني السؤال= ام للغرام شرعك حب الهزل
لك تجدني قريبا بعيد المنال= قلبي بهيمانه وضع ما حمل
انصحك لا تعايش ذميم الخصال= تغدو الى دنيا تعاني الفشل
ضع للغرام قدرا كفاك احتيال= واعدل بحق غيرك كما لك عدل

5 – تروعني
كلمات : خالد المجاهد .
الحان : خالد عبدالرحمن .

كلمات تروعني

تروعني لواحظها الجميله= الا سلهم ولي بالعين سلم
يغض الطرف عن غيري واجي له= واسولف له واعاتب واتكلم
صدوق الود لعيونه نشيله=على كفي خفوقي له مقدم
اعرف الزين وعيوني تخيله= عسى عذب اللي ما يعطف ويرحم
على هاك النحر شوف الجديله= يزم شفاه موقه ويتبسم
عديل الروح روحي له عديله= على صوته صدى وجدي ترنم

6 – طرف جفن عيني
كلمات : خالد عبدالرحمن .
الحان : خالد عبدالرحمن .
كلمات طرف جفن عيني

طرف جفن عيني لمكحوله العين= عيني ايقضت فيني من الشوق ما كان
خيط الولع خلاني اتبعك يا زين= خيط جذب في خاطري حر وجدان
راح الفكر ينظم من الشعر بيتين= شاقه بنظم الشعر مرسوم الاعيان
شفت الحلى فيها يوصف بوصفين= وصف الحسن و وصف يبين لها شان
يا ظالمه غضي من الطرف تكفين= لا تودعين النفس لبيض الاكفان
يا ماخذه بلا عطا للبعد وين= توني معك شفق ما ذقت سلوان
الله واكبر ليتني معك وقتين= وقت تعيش النفس بك حلو الازمان
وقت نهاره ليل والعين بالعين= اسهر ونومي ما يعارض لي اجفان
اسهر بليلي والقمر وجهك الزين= منور حلو يكسف حياء غادي الوان
فيني من الوجدان والشوق حملين= عسى خفوقي يشمله منك الاحسان

البوم (( افراق ))والذي يحتوي على سته اعمال .
1 – دق البخت
كلمات : خالد عبدالرحمن .
الحان : خالد عبدالرحمن + مساعد العيسى
كلمات دق البخت

دق البخت بابي= من عقب طول غياب
الزين وافاني
حملته عتابي= ومهما افترقنا احباب
اهواه ويهواني
ادمعت عينه .. وادمعت عيني= كفانا من زود الفرح هلت دموع

عمري ابتدا لي اليوم= ما للي فات حساب
من عقب ما جاني
وقلت كل اللوم= في كلمتين عتاب
بالطيب يلقاني
ادمعت عينه .. وادمعت عيني= كفانا من زود الفرح هلت دموع

حبيبي وادري به= والظن به ما خاب
عود علي عاني
قدر لي الطيبة= وطاب الهوى له طاب
في مرتع احضاني
ادمعت عينه .. وادمعت عيني= كفانا من زود الفرح هله دموع
2 – الله اقوى
كلمات : خالد المجاهد .
الحان : خالد عبدالرحمن .
كلمات الله اقوى

الله اقوى ليه خانتني الظروف= ماهقيت الليل ما يوفي الوعد
ماتت الفرحه وانا بعيني اشوف= حارت اقداري وقلبي في جلد
هي وانا في ظلمه الليل ووقوف= القمر شاهد ولا غيره احد
وقتنا قاسي وفينا ما يرووف= تساله عيني وعينه ما ترد
لهفته لي مثل قلبي له شغوف= له عنيت واوفيت انا له بالوعد
سلهمت عيني بها رجوى وخوف= ليلنا جانا بعكس اللي نود
منوه الظامي مناها الرشوف= يا بخت من شاف ووافاه السعد
يا سراب ولو مسكتك بالكفوف= لو شربت اظمى وهي تظمى بعد
3 – افراق
كلمات : خالد عبدالرحمن .
الحان : خالد عبدالرحمن .
كلمات افراق

افراق على حروه افراق
ليلي ونهاري ما ينطاق
وش بيدي …
ما دام هذا اختيارك
فوق خدي …
دمعه تقبل اعتذارك
خنتي عهدي …
ورديت لك اعتبارك
قسوى ضدي …
يا راميتني في نارك
اخشى اكره …
والقلب يرفض عطاه
ودمعه تشره …
ليه حبيبي ذا قساه
طول عمره …
ماحسه قلبي وعصاه
صان قدره …
ولا مره شكاه
ما اطلبك ليه تردين
مالك غلى يا مرخصتني
دنيا تتوه بها العناوين
بدال ما اتيه احضنتني
لكني باقول لك
مني انا اشرهت
عليك دمعه

4 – فكري وروحي
كلمات : رياض ابراهيم .
الحان : خالد عبدالرحمن .
كلمات فكري وروحي

فكري وروحي يمك قريبه= ما تبتعد عنك ولو صرت انا بعيد
اشواقي لي زادت ما هي غريبه= فرض الا غبتي اشواقي تزيد
الوقت ما هو شيء بدون شوفك= وادري ان حبي حي في وسط جوفك
يكفي انك تحس بعذابي وشكواي= راضي بحبك لو هو همي وبلواي
عندي امل بنلتقي يا حبيبه= صدفه بتجمعنا بليا مواعيد
قلبي معك لا شك بياخذ نصيبه= لقيا برضى الخاطر عسى ايامنا عيد
انسى الالم والكي.. تنسين خوفك= قدرك اللي ما هو شوي والله ما اعوفك
انتي السعاده لي وانتي سبب شكواي= وانتي فرح ودموع رسمه بدنياي
5 – لي متى
كلمات : فهد بن مشعل .
الحان : العاشق

كلمات لي متى

لي متى قلبي اسيرك = لي متى عيني تهل
لي متى ابكي هجيرك = وانت يمي لك محل
ارتعش الله يجيرك = قلبي اللي ما يمل
يشتكي قسوه ضميرك = كيف تخدعني وتحل
ما عطيت الحب غيرك = وانت تجرح ما تمل
لا تقول لي ما ابي غيرك = الكذب ما يكتمل
عاذل موت ضميرك = مبعد عنه الخجل
ما له الا في عشيرك = طعن وسيوف تسل
وانت راضي به يشيرك = كيف دربك ما يزل
يا حسافه طار طيرك = مدمي جرحه يهل
وانطفى نجم ينيرك = وانا بي حل الاجل
كثر الله الف خيرك = تهدي الموت بعجل
6 – تقوى الهجر
كلمات : الامل المجروح .
الحان : خالد عبدالرحمن
كلمات تقوى الهجر

تقوى الهجر ..
وش لي بقى عندك ..
تدور لي عذر .. لا تعتذر ..
تقوى الهجر ..
ما نجبره ..
من عافنا ما ينجبر .. لا تعتذر ..
زاح الصبر ..
لا لا تعنى لي وتمر ..
و تبغى الصبر .. وين الصبر ..
جرحي عميق ..
والقلب في دمه غريق ..
و تبغى الصبر ..
ويلاه من وين الصبر ..
مهما تقول لا تعتذر ..
مهما تقول .. من الاغاني والجمل ..
ما يحتمل .. قلبي فديا جبر الالم ..
يمشي معك درب الندم .. ما يحتمل ..
يكفي عليه .. منك احتمل كذب وغدر ..
حبك سراب .. ضيعت وقتي اتبعه ..
وسط الضباب ..
وصوتك ينادي اسمعه .. صرت اتبعه ..
واليوم في صحراء الظما ..
ترمي فؤادي وتحرقه ..
ترجع تقول ..
ابعتذر .. ليه العذر ..
دام الهوى .. ما له على قولك عذر ..
والجرح يا جرحي يداويه الصبر ..
ليه العذر ؟؟
الله كريم .. الله عليم ..
هو عالم بالحال .. ولا يمكن يظيم ..
عزاه لك .. يا قلب يا احلى نديم ..
عزتي .. للحب لو يصبح يتيم ..
حبك يتيم .. وكلك ندم ..
وين الندم بين السطور .. عمر العدم ماله ظهور ..
ترى هذا غرور .. هذا غرور ..
تمشي بطريق ..
و انا بطريق ..
اللي يوديني لبعيد ..
عنك يا اول رفيق ..
البعد يعفيني المزيد ..
وين الوفى والتضحيه .. وينك رفيق ..
وبتجمع اوراق السنين ..
لا تنسى تجمع جروحي .. ودمعي .. واهاتي معك ..
وقلبي بعد ما قتلته ..
يا رفيقي .. ما عاد يقدر يمنعك ..
كل الامر .. عاد بيديك ..
يا خل يا هاجر ..
ما عندك عذر …
البوم (( انتظرته ))
ويحتوي على سته اعمال .

1 – لك خافقي
كلمئت : خالد عبدالرحمن .
الحان : مساعد العيسى

كلمات لك خافقي

ليتك لعيني قريبه= كان ابسهر ونومي لجفني حرام
عمري عطابه صخيبه= ما يضيع العمر ودامك له غرام
انتظر متى على الفرحه تجين= ودنيتي في ناظري بقربك تزين
طرفي اشتكى لي شوق= بالله شسوي به
ما بقى من هالعمر كثر اللي راح= وشوفتك يا شوق تبري الجراح
لك خافقي شراي= بموانسك تطري به
عشت لك وغير احساسي ما اقول= وبانتظر لو غيابك لي يطول
ردي على الولهان= لا يهون بك تعذيبه
كلمات اغاني خالد عبد الرحمن – جميع كلمات اغاني خالد عبد الرحمن القديمه والجديدة

2 – يا شوق
كلمات : فهد بن خالد .
الحان : خالد عبدالرحمن .

كلمات ياشوق

ماني على فرقاك يا شوق ناوي= مير الزمن له وقفه بين الاحباب
يشهد على ما اقول قلب شقاوي= دمع نثرته بان من بين الاهداب
كانك على ذبح الوفى فيني قاوي= تذبح خفوق اللي يحبك ولا تاب
واللي بقى من وقتنا ما يساوي= لحظه نعانيها من البعد اغراب
لا يا نجوم الليل ماني بهاوي= فرقى مناه الروح ولو طالت اسباب
يا ناصحين القلب ما له مداوي= غير الحبيب اللي له القلب طلاب
3 – حقيقة
كلمات : خالد عبدالرحمن .
الحان : خالد عبدالرحمن .

كلمات اغاني خالد عبد الرحمن – جميع كلمات اغاني خالد عبد الرحمن القديمه والجديدة
كلمات حقيقة

حقيقه فعلك ما يطاق= ومن يستحق فينا العتب
وان كان تنوين الفراق = سهله عليك بلا سبب
قليل احس بطيبتك = كثير منك اللوم
لا تتعبيني وش بقى = مرض الشقا لي دوم
ما بيننا دار الزعل = ما اظلمك في كل الخطا
والجد ابقى من الهزل = والتضحيه اصل العطا
وشلون ابمشي بطاعتك= وانتي علي تقسين
اخذي القرار براحتك = ما اسالك زين او شين
من كثر خوفي والالم = ما عاد احس باي خوف
سرت الخطا بليل الظلم = عرفت حالك سمع وشوف
ان كان لي حق ابيه = وان كان ما لي انسحب
واللي تبينه اتبعيه= قلبك يبي منهو يحب
4 – اهلا هلا بك
كلمات : سعود بن عبدالله .
الحان : خالد عبدالرحمن .

كلمات اهلا هلابك

اهلا هلا بك يا بعد كل من لي= يا اغلى من الغالين يا روح روحي

يفز لك قلبي وارحب واهلي= تطيب في قربك جميع الجروحي
لك طلعه مثل القمر يوم هلي= خلا سواد الليل نور يلوحي
يمك دعاني زايد الشوق كلي= جيتك وانا قلبي بحبك يبوحي
تعال نحكي عن مشاعرك قل لي= واحكي لك همومي وجرحي ونوحي
هاج الغرام وتله الود تلي= قلب قبل عرفك حياته مزوحي
5 – انتظرته
كلمات : رياض ابراهيم .
الحان : خالد عبدالرحمن .

كلمات انتظرته
انتظرته وقلبي احساسه يققول= صوت خلي اليوم ما اظن اسمعه
الخبر عندي وغيبته بتطول= وقتي من اليوم حسابه باجمعه
ضاق بي صدري وادور له حلول= في ضميري نار شوقي مولعه
عشت في دنيا ادور بها واحول= عشت فيها بضيق وعايشت السعه
ما لقيت اللي على دربي صمول= كود بعض الناس وقته يمنعه
روضتي جفت وانا خلي سيول= مبعد عني وقلبي يتبعه
طبعها اللي يوصف بالطبع الخجول= بين كل الناس عندي ارفعه
الغريب اللي اسولف له واقول= عن هوى نفسي كلامي اقنعه
ما يلام اللي مثل حالي ينول= لو قضى ليله يساهر مدمعه
لي على الغالي وشوفاته ميول= زود شوقي له غرامي اصنعه
لو حصل لي شوفته همي يزول= وقتها انسى البشر واجلس معه
اذكر اني بغيبته دايم اقول= هو حياه القلب هو له مطمعه
فرحتي يا خالد بيوم الوصول= با فرح لقلبي بهم ودعه

6 – من دلعك
كلمات : خالد عبدالرحمن .
الحن : خالد عبدالرحمن .
كلمات من دلعك
من دلعك .. خلاك تختال= عز الله انه بدلاله متعك
من صورك .. سبحانه اختار= بالزين احلاها صوره شرعك
منك اغتذى الشوف = وانا اغتذت روحي
دونك بحر خوف= وسلاحي جروحي
وقتي معك .. نظره وترحال= صدفه تبين لي مشارف مطلعك
ما اروعك .. يا ملفت انظار= خليت كل الخلق خلفك تتبعك
منك اغتذى الشوف= وانا اغتذت روحي
دونك بحر خوف= وسلاحي جروحي
ليته معك .. وقت اللقا طال= شفيتها نفسي قبل ما اودعك
من يمنعك .. تمشي وتختال= ولا ترى بالخلق منهو يمنعك
منك اغتذى الشوف= وانا اغتذت روحي
دونك بحر خوف= وسلاحي جروحي

البوم (( رساله من معاق ))
والذي يحتوي على عمل واحد . خاصه بالمعاقين واكبر دليل على حزن خالد الصوره
كلمات في ضحكتي

في ضحكتي تاهت الاحزان
في اهتي رجاء وامل لاخي الانسان
لك انادي هذه يدي ممدوده = نشيد حب لا نمل ترديده

للخير فيك يسمو يد
تواسي …
تمسح الدمعه ترسم البسمه
في عيون ان ان نواسيها

انا للذي في اهاتي عبرات = لصداها باعماقي الم السؤال

ابي اين انت الان ..
امي اين انتي الان ..
انا في ظلمه الليل اسهرني بكائي = رجائي انت يا ربي رجائي
لست منسيا ..
احضن الدنيا ربيعا = في رياض الخيرين
اقطف الورد حبا = فوداعا للانين

كلمات اغاني خالد عبد الرحمن – جميع كلمات اغاني خالد عبد الرحمن القديمه والجديدة

كلمات اغاني خالد الرحمن جميع

البوم (( لو بكيت ))
والذي يحتوي على اربعه اعمال .
1 – لو بكيت
كلمات : غيوض .
الحان : سمير مبروك
كلمات لو بكيت

لو بكيت دموع عيني ما تفيد= وان شكيت الشكوى ما فيها مسد
كل يوم يذوب في قلبي وريد= اتصبر مير ما عندي جلد
نار شوقي لك يذوب لها الحديد= وانتثر دمعي على خدي بدد
دايم يا شوق شوقي لك جديد = وان سالت العين لك فيها مرد
دمعتي تنبيك عن حب اكيد= غيرها يا روح روحي وش بعد
كان قلبي قبل عرفي لك عنيد= ما يحن ولا رمى غيرك لاحد
لين طوعته بحبك يا وحيد= والمحب يطيع محبوبه وحد
يا حبيبي غير شوفك لا ما اريد= دوك طرفي طاير فيه السهد
يا حبيبي فيك يا حلو القصيد= لو كتبت الشعر في غيرك شرد
اتغنى فيك باشواقي نشيد= باصدق اللي قيل من بنت لولد
2 – حروف الحب
كلمات : غيوض .
الحان : سمير مبروك
كلمات حروف الحب

اكتب حروف الحب حبس برجليك= قيد يقيد خطوتك لا تروحي
اقعد معي وان رحت خذني مخاويك= ان لا تروح ان كان قفيت روحي
ريظ خطا رجلك شوي لغاليك= خله عليك بسر حبه يبوحي
يا واحد مالك شبيه لك يحاليك= نفس بحبك من ظماها شحوحي
اغليك واللي كون الكون انا اغليك= حب الغلا ماهو بمثل حب المزوحي
يا غالي دمعات عيني تناجيك= بعباير من فوق خدي تفوحي
حتى وانا في غفوه النوم اناديك= وطيفك على شاشه خيالي يلوحي
ارجع علي وضمني بين اياديك= ضمه غلا تحيي بها ميت روحي

3 – ياحبنيلك
كلمات : غيوض .
الحان : سمير مبروك
كلمات ياحبنيلك

يا حبنيلك دون كل المخاليق= ياللي تساوي كل شيء بحياتي
لا شفت زولك ينجلي عني الضيق= وان غبت عن عيني تزيد عبراتي
دايم عيوني من فراقك غواريق= وطلعتك ترسم بسمتي في شفاتي
الحب مفتاح القفول المغاليق= وحبك دواي وفرحتي يا غناتي
اغليك واللي بل اشافيك بالريق= يا منوتي دايم محقق مناتي
غلاك ساقه رامعي في المعاليق= ولولاه عيني ما تعدت وطاتي
4 – وين انت
كلمات : غيوض .
الحان : خالد عبدالرحمن
كلمات وين انت

وين انت قبل اللي مضى سنيني= يا مسعد باقي حياتي بالافراح
ما قول قبلك في حياتي ضنيني= ولا نيب مع غيرك من الناس مرتاح
حتى فرحك ارهب شقاي الدفيني= ومنك السعاده بددت هاك الاشباح
يا غالي قرت بلاماك عيني= حبي وحبك هن سبب ربط الارواح
كاس الهنا تو اقضبنه ايديني= واروى ظما وقتي هذاك اللذي راح
والله ما لك في حياتي وزيني= برق الفرح قبلك على العين ما لاح

البوم (( موادع ))
ويحتوي على خمسه اعمال .
1 – موادع
كلمات : العاشق .
الحان : سمير مبروك
كلمات موادع
موادع وكل خل جاك= بيجيه وقت ويوادع
موادع وكم خل قال= بعد فرقاه راجع موادع
اعد الوقت بحسابي ليالي= واشوف حساب غيري له ثواني
غريب الوقت في طبعه يعاند= ابي اطويه ولكنه طواني
حبيبي فارق عيوني ولاجه= تقلب صورته فيني مواجع
غريب الوقت يا ليته يطاوع= يمر يمكن يجي منهو موادع
دموعي تطلب عيوني نهاية= وجرحي ينزف المعنى قصايد
موادع صارت بعمري حكاية= وعمري ماخذ احزاني عوايد
حبيبي يقبل وقلبي يهلي= يمد ايديه يطلبني اجي له
والا من جيته ودمعي يهلي= لقيته هاجس ما ينراح له
عجايب كل هالدنيا عجايب= دموع وحزن ومفارق حبايب
تسلي خاطر المحبوب لحظة= ويرجع عاشق الاحلام خايب
يروح العاشق المجروح يبكي= ويشكي وقته في طبعه مخادع
صحيح الحب في الدنيا ولكن= يعيب الوقت في حبه مخادع
2 – ياضامية
كلمات : العاشق .
الحان : سمير مبروك
كلمات ياضامية

يا ظاميه
يبس شفايفك العطش
غير ملامحك الوله
وانتي وانا شمس وقمر
ما نلتقي لو نحتظر .. يا ضاميه
اشتاق لك وانتي بعيد
ويزيد حبي لك يزيد
ياضامية
اموت بعيونك اموت
والحب يغنيه السكوت
الى متى بسكت
والى متى ببكي
يا ليت ادري قبل اموت
ودي اعيش الليل
واقول احبك حيل
ودي اقول الاااه
وانتي معي تبكين
يا ظاميه ببعد
عزمت انا ببعد
يا ظاميه ببعد
حلفت انا ببعد
يا ظاميه يمكن
بعد الهجر لقياك
3 – لا لا تهز الراس
كلمات : العاشق .
الحان : سمير مبروك .

كلمات لا لا تهز الراس

لا لا تهز الراس وتنثر غرتك= عيني يجرحها سل لون الخضير
لون الذهب صنعه يقلد صورتك= بس اعجز الصانع شعاع بك يثير
لا خير في دنيا اذا ما سرتك= لا خير بارض ما تجي تحتك حرير
الجرح يا جرحي سبايب نظرتك= والدمع من صدك وجفني يستجير
لو ترحم العاشق وتطفي جمرتك= والا تفك قيود جنحاني واطير
كم مره روحي بالقلب طرتك= تحالفوا يوفون لك حق العشير
4 – فزولها
كلمات : العاشق .
الحان : خالد عبدالرحمن
كلمات فزولها

فزوا لها لين اقبلت فزوا لها= حبيبتي في حسنها من مثلها
لين اقبلت ريم الفلا = ومن وجهها شاع الحلى
فزوا لها حبيبتي = ومع فزكم قولوا هلا
غنوا لها يا اهل الطرب غنوا لها= خلوا السهر يا اهل السهريحلى لها
خلوا الشعر لين انتثر يرجع لها= حبيبتي كل الطرب غني لها
لين اوقفت حبيبتي قولوا لها= بوصولها تم الفرح بوصولها
واهدوا لها سلام وعشق اهدوا لها= من روض نجد والهوى ومعشوقها

5 – كنك وكني
كلمات : العاشق .
الحان : خالد عبدالرحمن

كلمات كنك وكني

لا تحسب ان النور يا زين مني= وجهي ترى يعكس لك النور منك
مثل القمر والشمس كنك وكني= اعكس شعاعك واسهر الليل عنك
مدامعي تشهد غرامك سكني= والقلب قبل الروح والعين حنك
انا اعترف لك كل ما بك فتني= لو تطلب عيوني حبيبي يجينك
قصيدتي توج بها القلب فني= نظرتك مع ضحكتك اهم تاج فنك
وعسى الوفى بالحب ظنك وظني= واعيش طول العمر في حسن ظنك        
    

كلمات اغاني خالد الرحمن جميع
البوم (( سامريات – من يسد بمكانه ))
ويحتوي على سته اعمال .

1 – من يسد بمكانه
كلمات : عبدالله الفيصل .
الحان : خالد عبدالرحمن
كلمات من يسد بمكانه

قرب الرحيل وخاطري منك ما طاب= يا واحد عندك حياتي رهانه
تدري بعله واحد منك منصاب= اللي بقلبه لك يقوله لسانه
بك طيب لو ما حط بك زين الاطياب= يا غصن بان ناعم به ليانه
يا ليتهم سموك يا زين معطاب= حيث ان حبك بالضماير مكانه
كل عذلني فيك عدوان واصحاب= واقول خلوني وكل وشانه
وان قيل والا بدل احباب باحباب= قلت اه لكن من يسد بمكانه
2 – سمرت
كلمات : خالد الفيصل .
الحان : مساعد العيسى .

كلمات سمرت

سمرت بصحبه حروف القوافي= احملها تناهيت خوافي
اشكل بالحروف الوان صورة= احركها من المعنى بصافي
اشيل الحرف من معنى لمعنى= واداري ما ظهر واظهر بخافي
والا مني عطيت الحرف ونة= بها حرفي على النجمات طافي
يقوم كل نجم من منامه= انا ما نيب اسامر نجم غافي
يجيني كل نجم منه معنى= ولا قد قلت للنجمات كافي
تصورلي دموع وابتسامه= من عيون تقصوت ما تشافي
الا يا نجم يا عالي تبصر= شف بعين المحبه عين وافي
وخبرني عن علومه وحاله= عسى قلبه مع الاشواق دافي
وخبر صاحبي عن حال خله= ترى يمشي على الاشواك حافي
ولو ممشاي في جمر يفيده= مشيت بجمرها كنه عوافي
ولكن وش يفيده لو ذبحني= ومن يوصف جماله عقب قافي

3 – دقات قلبي
كلمات : غيوض .
الحان : خالد عبدالرحمن
كلمات دقات قلبي

دقات قلبي من عناي اعبثت بي= تزود بين الثانيه و الدقيقة
راحت بي افكاري بعيد وجت بي= واهداب عيني في دموعي غريقة
اكتب وتقرا ريشه العود كتبي= شعري سلس ينساب على السليقة
مشاعري يا شوق يمك جرت بي= من مرهف احساسي بيوت رقيقة
احن واشواق الغرام اعصفت بي= وقلبي فراقك ساعه ما يطيقه
محبتك يا روح روحي سطت بي= والدمع في عيني من اجلك غريقه
4 – سلمولي
كلمات : سعود بن محمد .
الحان : خالد عبدالرحمن

كلمات سلمولي

سلمولي على الغالي سلام كثير= واخبروه اني اسهر لين يبدا الصباح
دمعه العين عقبه بالمحاجر تحير= ما تجيه عيوني كود عند المراح
ليت لي يا هوا بالي جناح واطير= البلى اني عليك اكفخ بليا جناح
حارب النوم عيني ما يطب النظير= من سبايب غرامك جوهر العقل راح
شالك الزين عيني يوم مالك خشير= والله اللي بلاني بك بليا صلاح
كن وجهك قمر خمسه عشر مستدير= ليت منه بلغ بك غايته واستراح
صد عني ترى عينك سهمها خطير= ما خبرت احد قبلك عيونه رماح
مثلما كنت باقدامك تدوس الحرير= انت يا زين باقدامك تدوس الملاح
– صمت البوح
كلمات : السامر .
الحان : فلكلور
كلمات صمت البوح

منك وعليك الهم من وين ما اروح = يمشي معي يا شاغلي مثل ظلي
انا حياتي بالهوى كلها نوح = تشرب ظنوني هم واقول علي
اغلى الجروح اللي بها منك مجروح= الله يا حبي لجرح التغلي
لي في عذاب الحب رحمه ومصلوح= عذابك ارحم من نعيم مولي
حبك عذاب الروح ويونس الروح= مستولي حبك على كل كلي
اصمت ويظهر منك في صمتي البوح= ملامحي منها جليس فطن لي

6 – في غربتي
كلمات : خالد عبدالرحمن .
الحان : خالد عبدالرحمن
كلمات في غربتي

في غربتي تغرب النور عن عيني = وش حاجتي في نور عين غاب غاليها
امر السفر يا نظر عيني قضى فيني = نفسي على ما تعاف امر الله حاديها

يمك حبيبي عظيم الشوق يدعيني= يسري بعروقي كما تسري الدما فيها
علي خطرها حياتي يا معنيني= بعدك عطبها وشوفك حيل يشفيها
اخاوي الليل وهاجس ليلي يخاويني= يمك سرابي داعي الذكرى بحاليها
اقضي بدنيا لعيني شوف اهم شيني= الى متى عيني على شوفك تمنيها

كلمات اغاني خالد الرحمن جميع

البوم (( اهات ))
ويحتوي على اغنيه واحده فقط .

كلمات اهات

اهات من طول العنا طاولتني= ونفسي من الفرقا وحالي صخيفه
جارت علي من الفراق وقصتني= غزت ولكن مانوت بالنكيفه
بهمومها اللي شفت منها كوتني= هذا الذي خلى حياتي مخيفه
باكر يروعني وانا فيه فتني= واقول ليت الغيب يبخل بحيفه
خيل السعاده بالهوى خالفتني= خالفت معها عيد قلبي وريفه
هبت هبوب بالنيا عطشتني= وكم غالي قبلي ظما من وليفه
ليت الليالي عن غرامي نهتني= ولا بدا زرع الامل منك هيفه
والا انها في غايتي خيرتني= واختار انا مرباع قلبي وصيفه
خل جيوشه بالمحبه غزتني= وانا اسير للعيون العفيفه
اغلى هجوس طول الايام جتني=هاك الهجوس اللي تجيني بطيفه
الماضيات بغيبها مانصفتني= والمقبله ترجي عدلها خليفه
اتبع ظنون بالهوى ما شفتني= احسب حمولي بالمحبه خفيفه
واليوم ظالمت المحبه طوتني= طي الورق يوم انطوى به خريفه
واشباح ياسي بالهموم اعترتني= وانا علي اسباب صدك كليفه
اشيل حتفي راضي فوق متني= وابوح نفسي من حياتي معيفه
واقول للي بالجفا عذبتني= عسا الشقا من بيننا بالنصيفه
شربت من فيض الشقا واشبعتني= دنيا مع الاحزان ضدي حليفه

كلمات اغاني خالد الرحمن جميع

البوم (( ودي تشوف الهم ))
ويحتوي على سته اعمال .
1 – ودي تشوف الهم
كلمات : السامر .
الحان : صالح الشهري

كلمات ودي تشوف الهم

ودي تشوف الهم وشلون سوى= بحال من حبك على غير مصلوح
جرحتني جرح جديد تلوى= على خفوق منك بالحيل مجروح
سويت فيني شئ ما ينتسوى= واقول يا سيد المماليح مسموح
ليتك بزلاتك عليه تروى= يوم ان حبي لك من الروح للروح
ان كان حبل وصالنا ما تقوى= فالله يعين عيون سامر على النوح
لا يا بعد من جابوا ادم وحوى= خطاك مهما صار منسي ومدموح
2 – العطا
كلمات : خالد عبدالرحمن .
الحان : خالد عبدالرحمن .
كلمات العطا

العطا ..
ما تبادلنا العطا
والخطا ..
لا حشا ما اخطي عليك
بي سطا ..
جرحك باحساسي سطا
يا عطا ..
اول عطا منك الخطا
احبك لو تجافيني ..
وعلى كل الخطى مسامح
احبك يا نظر عيني ..
ورضاك الزم ..
ولكني فقير الحظ ..
انا لك اكثري تجريح
ترى حبك ..
بيشفعلك .. احبك
ذوب خفوقي الشوق
و انتي معي يا شوق
يحلى لحياتي الذوق
طعم السعاده بك
لك خفوقي ..
اشتقى ..
ثم اهتنابك ..
في عروقي ..
دمي الجاري اغتذابك ..
ولاح شوفي ..
في سما كل البشر
غير زولك ..
ماملى احد النظر
جددي فيني ..
حياتي باللقى
3 – هاتيها
كلمات : خالد المجاهد .
الحان : خالد عبدالرحمن
كلمات هاتيها

هاتيها .. روحي خذيتيها
يا مايقه بالزين
لمتيها .. يوم ملكتيها
كل الملا دارين
داريها .. من سيره العشاق
انتي وانا اثنين
يا فيها .. شهد العسل والزين
مياسه وتدرين
يا احلى قصيدي
من غيرك بعد
يا حبي الحقيقي
يا عز الطلب
في مجرى وريدي
وبالقلب انكتب
اسمك انت سيدي
وانت اللي احب
ينتشي من يسمع ابيات الغرام
ما يجر الاااه من قلبه خلي
عمري اللي به غدا حبك وسام
حظي اللي قام يومك صرت لي
4 – ليل التجافي
كلمات : بدر بن عبدالمحسن .
الحان : خالد عبدالرحمن

كلمات ليل التجافي

اه من ليل التجافي ما اطوله= ليله العاشق ثوانيها ليال
من يقول الشمس باكر مقبله= كل شمس مالها وجهك ظلال
اسالك باللي اخذ منك الوله= حطه بصدري واعطاك الجمال
حاكني لاجل الليالي الاوله= ااه انا بموت من ذل السؤال
هو صحيح انك حبيبي لي دله= و استوى عنده فراقي والوصال
كل جرح غير جرحك باقبله= كل ظلم غير ظلمك لي عدال
5 – تذكار
كلمات : خالد عبدالرحمن .
الحان : خالد عبدالرحمن
كلمات تذكار
تذكار عيشي على التذكار= وان كان يحصل لك تناسيها
بفراق تالي انتهت الاخبار= عشره حياتي اليوم ماضيها
لا تحسبي سرك من الاسرار= اللي على الجنسين تفشيها
منك الخطايا انتهت باعذار= وعيونك النكران معميها
قلبك من احداث الفشل محتار= تستخسري خطوه مشيتيها
ما يهتني منهو غريب الدار= مثلك غريبه وسط اهاليها
وانا اللي فيني من الجروح كثار= لا انتي ولا غيرك يداويها
الله حسيبك كيف قلبك صار= باع المحبه واشترى فيها
صرنا على هذي السوايا كبار= قبلك عذارى ما مشوا فيها
هل هي عطش هل هي تسالي صغار= هذي السوايا من يسويها

6 – يا عذابي
كلمات : خالد عبدالرحمن .
الحان : خالد عبدالرحمن

كلمات ياعذابي

يا عذابي ..
كيف انا بقوى عذابك
لا صار في بعدك عذاب
وفي قربك عذاب
يا شبابي ..
زينه ايامي شبابك
لك في حياتي حساب
ونسيانك حساب
ما تصدق لو اقول انك حياتي
في كل شئ
سمعي وشوفي انت
دمي واحساسي
باسم الهوى لازلت
فكري وهوجاسي
وتدري علي .. بعدك عذاب
وفي قربك عذاب
يا حب ..
مالي فيك غير الشقى
يا حب ..
اخذ من حياتي ما بقى
عشته باحساسي ولا به شك
يبدل شعوري
حبك جرى بدمي وذاب

كلمات اغاني خالد الرحمن جميع

البوم (( امر تدلل ))
ويحتوي على سبعه اعمال .

1- امر تدلل
كلمات : غيوض .
الحان : خالد عبدالرحمن .

كلمات امر تدلل

حبي لك اكبر من جميع التواصيف= حبي لك اكبر من كلام يقالي
غلاي لك صافي ولا فيه تزييف= اصفى من المي القراح الزلالي
الحب ما بين القلوب المواليف= سعاده ما بين غالي وغالي
ان غبت جابك في حلى نومي الطيف= وان شفت زولك كل شيء صفا لي
من غيرك الايام يا صاحبي صيف= انت الربيع اللي بنبته زهالي
دايم وانا امشي لك حبيبي على الكيف= امر تدلل لك علي الدلالي
2 – يامهاجرة
كلمات : خالد عبدالرحمن .
الحان : خالد عبدالرحمن

كلمات يامهاجرة

يا مهاجره باحساس ..
اغلى من الروح ..
ودعتها ذ**** ..
على امل لقياك ..
وعشقتها ديره يوم وطتها خطاك ..
وجدي على نظره ..
يا مهاجره باحساس ..
اشري بها عمري ..
وانسى حديث الناس ..
ويوم انك اقفيتي ..
من في الهوى لايم اقدر اطيع امره ..
مني رساله حرف شوقي لها معنى ..
ودنياي انا صوره ..
وجهك ملامحها ..
ولا زلت ابحكي لك يا مبعده عني ..
ومناي انا احكي لك يا مبعده عني ..
بشوقي اسولف لك ..
ادري حياتي هم تعبت اباصلك ..
وهمي تراه انتي ..
يا مهاجره باحساس ..
يا مهاجره غبتي ..
واخذتيني رقيق احساس ..
والروح في وصلك ..
لا ما تعرف الياس ..
عشتك معي ايام ..
يا كل تفكيري ..
ليله قمرها انتي ..

3 – من نشدني
كلمات : السامر .
الحان : خالد عبدالرحمن
كلمات من نشدني

ودي اشبع منك شوف وما حصل لي= كل ما ناظرتني ضاعت علومي
في عيونك للغلا حب يهلي= ناظر لحبك على خدي وسومي
طحت في حب العيون السود كلي= ومن عثر في رمش عينك ما يقومي
خدره تشرب ظما حسنك رضا لي= كنها في صحوه من عقب نومي
انشرح صدري بشوفك واسفهلي= خافق ماله على وصلك سلومي
من نشدني قلت انا مجروح خلي= في حياه للخلايق ما تدومي
4 – بنساك
كلمات : شيمه .
الحان : خالد عبدالرحمن
كلمات بنساك

بانساك .. لاني لك
البس ملبس النسيان
ما ابغاك .. لاني الان
ارفض عيشه الحرمان
ما ابغاك يكفيني تعب
ما ابغاك لو انك ذهب
كانك قدرت تجمع سنيني اللي مضت
كانك قدرت تسقيها روحي اللي ضمت
حتى لو انك قدرت
لا تطري الرجعه على لسانك ابد
وما اظن لي قلب بيرقص لك طرب
ولا عاد لي نفس تناديلك محب
حبك رماد
حبك ذرى ذاك المهب
حبك رميته واتبعه
حبك طويته وانتهى
باودعك على امل انساك
ويا ليتني صدفه ابد ما القاك
بانساك وانسى ما مضى
وبشوف بعيوني الفرح
بانسى الندم وجرح الهوى
عله يطيب قلب انجرح
ثغري لقى الضحكه ونيس
من قلبي علمني الصبر
حاضر حياتي لك يقيس
كيف اثر بالغدر
5 – بادلي قلبي
كلمات : مجازف .
الحان : خالد عبدالرحمن
كلمات بادلي قلبي

صدقيني لو ابين لك غلاك= ما تصدق اذنك اللي تسمعه
طال عمري او قصر محد سواك= يفرح بشوق فؤادي يجمعه
بادلي قلبي شعوره في هواك= حسسيه انك معه يا مطمعه
ما اعتقد ان فيه بالدنيا ملاك= تشبه لزولك تصور باجمعه
حار تفكير المولع في رضاك= مستريح البال لا صرتي معه
من سبب صدك معرض للهلاك= ناجي دموع عيوني تدمعه

6 – خبروه
كلمات : خالد عبدالرحمن .
الحان : خالد عبدالرحمن

كلمات خبروه

خبروه اني على وصله حييت= و ان تفارقنا ترى موتي دنا
لي حبيب يوم روح ما سليت= يعلم الله تو ما ذقت العنا
عبرتي هليتها حزن وبكيت= يا ردى عمر الحسوفه ما جنا
ذقت من دنيا حبيبي وما ارتويت= جنه الدنيا حبيبي والمنا
عشت باحلام الهوى ليل وبنيت= كل امالي تداركها الفنا
في حياتي ما ذكرت اني شكيت= في هوانا ضحكت الدنيا لنا
لا حياه عقب محبوبي رايت= والممات ارحم ولا فرقا السنا
هو سنا شمسي وغيره ماهقيت= يفرح بوصلي ولو موته دنا
7 – علمتني حبك
كلمات : مخاوي الليل .
الحان : خالد عبدالرحمن

كلمات علمتني حبك

وشلون ما اغليك ..
وانت الذي علمتني حبك ..
يا هاجسي ..
عشقي عيونك ..
اسال ..
وتلقى الجواب ..
في ناظر عيوني ..
تصوير لاجمل عذاب ..
حبك يا مفتوني ..
تلقى حياتي كلها لذه غرام ..
مهما سهر طرفي ..
او جارت ظروفي ..
او عشت انا الحرمان ..
تلقى حياتي كلها لذه غرام ..
يا عذب الصفات ..
يا كل الحياه ..
صبرك علي ..
هذا قليل ..
مهما ترى من تضحيات ..
هذا قليل ..
خل السهر لعيون من حبك ..
خل العيون اللي لها عشقي تبات ..