سكيتش مغربي مضحك مكتوب

سكيتش مغربي مضحك مكتوب

هادي واحد المرا كبيره وحشوميه بزاف مشات تقرا ف محو الامية
وكان العنوان ديال الدرس : دخل احمد، خرج احمد
ملي تقول المعلمة: دخل احمد، كدير المرا الزيف على راسها
وملي تقول المعلمة: خرج احمد، كتحيد المرا الزيف على راسها
ملي مشات للدار، قال ليها راجلها: اشنو قريتو اليوم؟
قالت ليه: علاه احمد خلانا نقراو؟ ها هو داخل، ها هو خارج

واحد مبوق قاعد قدام التلفزه وكيضحك
قال ليه صاحبو: مالك؟
قال ليه المبوق: دابا هادي تلفزة، و ملي كنسد عيني، كتولي راديو

هادا واحد المبوق عينيه خارجة
قال ليه واحد الراجل : مال عينيك خارجه ؟
قال ليه المبوق : لا غير انا اللي راجع اللور

هادا فروج كيودن فوق الشجرة، وواحد الديب واقف تحت الشجرة

ملي سالى الفروج، قال ليه الديب : فعلا لا اله الا الله. اش بان ليك
تنزل نصليو جماعة؟

هادا واحد خينا مكلخ كان غادي ف السوق مع مرتو
شويه تودرات عليه مرتو وبدى كيقلب عليها
مشى كيدور ف السوق وكيسول الناس: ما بانتش ليكم واحد المرا انا ما غاديش معاها؟

هادا واحد مكلخ ضرباتو طوموبيل، ناضو عطاوه ميه الف ريال تعويض
من بعد، مشى للمحطه ووقف ف السكه ديال التران، و قال: اراااااااااااااااااااااك للملايين

واحد السيده حطات ثوب عند الخياط باش يصوب ليها جلابة
ملي جات تاخذها، قيساتها قدامو وجاتها قصيرة
الخياط عرف راسو قفرها، قال ليها: طواليتي يا العفريتة

واحد قال لصاحبو مبوق : عرفتي انا ايلا شربت القهوه ما كنقدرش ننعس
قال ليه المبوق : انا العكس ديالك، ايلا نعست ما كنقدرش نشرب القهوة

هادا واحد مبوق غادي ف الزنقه ف نصاصات الليل
وقفو البوليسي وسولو : فين غادي؟
قال ليه المبوق : غادي لواحد المحاضرة
قال ليه البوليسي: علاش كاين شي واحد كيعطي محاضره ف هاد الوقت؟
قال ليه المبوق: اه، مرتي

قال ليك هادا واحد مشى عند مول المحلبه وقال ليه: بشحال التفرتيت؟ قال ليه مول
المحلبة: فابور
قال ليه خينا: ايوا فرتت ليا عافاك واحد تلاته ديال ميل فوي

واحد المكلخ سول صاحبو : بغيت نبيع الطوموبيل ديالي 205 بشي ثمن غالي، اش ندير؟؟
قال ليه صاحبو : مسح ديك 205 و كتب مرسيدس و لا بي ام دازت
مدة، سوله صاحبو : ايوا، بعتي الطوموبيل ؟؟ قال ليه المكلخ : واش تسطيتي؟ كاين
شي واحد كيبيع البي ام ؟؟!!

هادو جوج دودات مشاو للحمام، وخرج ليهوم لوسخ بزاف واحد الدوده قالت لصاحبتها: ناري ياختي،
كون بقينا شويا كون دودنا

هادوا جوج مكلخين ف الحبس، تفقوا يهرسوا الباب و يضربوا العساس و يهربوا. مللي هرسوا
الباب، ما بانش ليهم العساس و هوما نيت يجلسوا يتسناو فيه
واحد الولد قال لامه: مي، محتاجك تمشي معايا غدا للمدرسة
قالت ليه امه: علاش اولدي؟
قال ليها الولد: قال لينا الاستاد اليوما، اللي ما جاش داير التمارين غدا غادي نضرب
مو

واحد المعلم عرض على صحابو يجيو عندو للدار
ملي جلسو شويه هدروا، قال ليهم: شنو نسبقو اتاي ولا العشا؟
قالوا ليه: العشا !
هو يقول ليهم: توكلنا على الله نوضو تصليو

واحد المسموم عندو طاكسي. طلق مرتو، و مللي مشى يوصلها لدار باها خدم ليها الكونتور

الولد: بابا بغيت ناخد كيري الاب: والله ماتاخد غير بنت عمك طاموالولد: بابا راه كيري
فرماج الاب: حتى طامو راها زبده اش كتعرفو فالزين

هادا واحد ماعمرو ما مشى للرباط… نهار مشى ليها، لقا ف الدخله ديالها بلاكه مكتوب
عليها ” الرباط سلا”… هو يقول لصاحبو: هاد الرباط ما لقي ايمتا يسالي حتا جينا
ليه حنا

هادا واحد المعلم تعين ف واحد لقريه ف لعروبية. واحد النهار دا الكاشير للقسم و
سول التلاميد: ما هذا؟
حتى واحد ما قشع اشنو داكشي. شويه و هو يهز واحد التلميد صبعو: هاديك ممحاه
ديال ستاشرمي

واحد مشى عند مول الشفنج، قال ليه: عطيني كيلو ديال الشفنج. كلاه وما شبعش، قال
ليه: زيد نص كيلو. كلاه وما شبعش، قال ليه: زيد رابعة. كلاه وهو يشبع، وقال
تفوووووووو من اللول كنت ناخد رابعة.

واهد الراجل مخاصم مع مرتو. عيط ليها من الخدمه وقال ليها: اشنو دايره للعشا؟ المرا
كاعية، قالت ليه: السم قال ليها: مزيان، ايوا غير تعشاي ونعسي راني غادي نتعطل اليوم
ف الخدمة