افكار لترتيب وتنظيم المنزل
المطبخ من اكثر غرف المنزل ازدحاما بالادوات والاوعيه والمواد الغذائيه وترتيبه يعتبر مهمه شاقه لكن
نعرض هنا بعض الافكار الذكيه لترتيب المطبخ وتيسير العمل فيه
السر عباره عن خطوات بسيطه …بس خلت العالم يجننوني بالاسئله ..
مثلا بالنسبه للحمام وانتو بكرامه … شتسوين ؟؟؟؟؟
اخذي علبه اللينور او اي علبه فاضيه عندك ..وحطي فيها ..( ديتول ..كلوركس ..معقم برائحه
زكيه ..ومويه ) ومكنسه صغيره وخليها بالحمام اذا دخلتيه الصباح اشطفيه عالسريع وصبي من الخلطه
فالكرسي والاركان والغساله …
وبكذا حمامي دائم صحي ونظيف ((( ومعقم )))
وكمان حطيت بالحمام سله ملابس مثل اللي بالصوره مغلفه بشكل حلو وكل مانزلت لبس يحتاج
غسيل رميتو فيها وبعدين اخذها لحمام الغسيل واغسلها طبعا حددت يوم الخميس للملابس
المطبخ …
:30: لو تراكم فيه الشغل راح يطلع لك قرون ..ههههههاي
الفرن ..حطي عليه قصدير ..وغيريه وقت الحاجه …ولما يجيك ضيوف يصير ماعليك الا تشيلي القصدير
..
المجلى …حطي فيه مويه وفيري وخليها جاهزه ..وكل ماستخدمتي شي غسليه لو حتى ملعقه ..وربي
هالحركه تريح بشكل مو طبيعي …
حطي في علبه الفيري كلوووووووركس وخل ابيض مع بعض وكل ماتستخدميها رجيها …
ترى الخل مثل السحر في ازاله الدهووووون …
الارضيه …سوي نفس خلطه المنظفات حقت الحمام وكل مايطيح ولا ينكب شي شيليه فورا لايطول
..وبكذا ماراح تحتاجي تشطفيها الا مره اسبوعيا ..
الدواليب كذلك ..اول باول
والغبار خلي الريش تبع التنظيف بمكان واضح واذا جلستي تتفرجي بالتي في نفضي ع الطاير
غرفه الاطفال …
نصيحه لوجه الله علميهم ع الترتيب والتنظيم …مثلا اذا صحوا الصبااااح يطبقوا مفارش اسرتهم والباقي
يكملوه بعد العصر اذا صحوا
غرفه النوم
مستحيل طبعا ماتكوووون نظيفه دايم ومعطره
الصاله وباقي البيت كل مامريتي ولقيتي …شي مو معدل عدليه والارضيات نفس المطبخ او حتى
مره كل اسبوعين ..
هذا بالنسبه للتنظيف
الروائح والبخووووووور
انا من النووووع اللي انسى كثير ..اش صلحت ؟؟؟
حطيت بكل ركن بالبيت وانتو بكرامه فواحه + زيت عطري + ولاعه + شمووووع بشكل
حلو ومرتب ..
فصرت كل ما امر اشغلها حتى الفجر وانا قايمه للدووووام والله يابنات لما يصحى زوجي
احسه شوي وياكلني من
فرحته فالبيت وريحت الفواحات ..
على فكره حتى بركن الحمام وانتو بكرامه حطيت فواحه …
والبخور فحم سريع الاشتعال رهيب مااستغني عنه اولعه وبثواني جاهز وابخر البيت مره يوميا
