رواية ريما ونواف , قصة إعجاب حقيقية مدهشة
راح ابو ريما وقال لامها ورجع للرجال صعدت ام ريما عندها وطقت باب غرفتها ودخلت
ام ريما:ريما ممكن ادخل
ريما:ايه تفضلي
ام ريما:ريما تعالي اجلسي جنبي ابي اقولك كلمتين
ريما جت وجلست جنبها
ام ريما:ريما حبيبتي انتي اللحين بنت حلوه وكبرتي والكل حاط عينه عليك..ومن كنتي صغيره وعمك
كان يبيك لولده نواف ..ونواف ولد ماشاء الله عليه متعلم ومثقف وخير ويعرف ربه زين
وتربيه عمك ..اليوم جايين يطلبون يدك له…
ريما قامت من مكانها
ام ريما:اجلسي مابعد خلصت كلامي
ريما طاحت على رجول امها وجلست تبكي مثل الاطفال
ام ريما كسرت خاطرها :ريوم حبيبتي نواف ولد عمك وعمك يتمناك تتزوجينه وبعدين كلنا عارفين
ان نواف ولد ماعليه اخلاق وطيب هاه يمه احنا مانبيك تستعجلين بالرد خذي راحتك لان
هذا زواج مو لعبه يعني بتقضين العمر كله وياه
ريوم يالله قومي مسحي دموعك وحطي ميك اب ثاني
ريما:ليش يمة؟
ام ريما:هاه (ارتبكت)يمه ريومه نواف طالب يشوفك اللحين وابوك اعطاهم كلمه انك بتنزلين لهم بعد
شوي
ريما:طيب ليش ماخذتوا رايي..ماراح انزل لهم ابي اجلس بغرفتي
ام ريما:لايابنيتي تكفين لاتفشلين ابوك قومي يالله انزلي الولد يستناك
ريما تذكرت كلام خالتها ندى انها لازم تتمسك بنواف ولازم تخليه يحبها وهي تفكر وتقول(هذي
فرصه اشوف نواف واعرف اذا هو صدق يبيني او لا)
ريما:يمه خلاص دقايق وراح انزل
ام ريما:عشتي والله ايوه كذا ابي بنتي قوية
ريما راحت وعدلت نفسها ونزلت ابو ريما كان يستناها عند الدرج يوم شافت ابوها خافت
وصارت ترتجف وحست ان الموضوع خلاص واقع وصار جد..
طبعا فيصل ومحمد وابو نواف وابو عبد الرحمن كلهم طلعوا بالحديقه علشان نواف وريما..
ريما تهمس في اذن ابوها قبل تدخل المجلس:يبه تكفى لاتخليني ترى اذا طلعت بطلع وياك
ابو ريما:خلاص ياريومه انتي ادخلي واوعدك اني ماراح اطلع الا وانتي في يدي
ريما ابتسمت ابتسامه صفرا وكانت ميته من الخوف
ونواف جلس يعدل شماغه ويتضبط ويفكر كيف راح يكون اللقاء الاول بينه وبين ريما!!
ابو ريما وريما دخلوا المجلس..ابو ريما جلس عند باب المجلس وريما جلست قبال نواف بالكنبه
اللي قبالة
ريما:السلام عليكم
نواف اعجبته نعومه ريما وهدوئها:وعليكم السلام…شخبارك ريما؟
ريما بصوت مو مسموع:تمام..
نواف جلس يطالع ريما من فوق لتحت اعجبته مره كان شكلها كيوووت
ابو ريما:جلس يطالع فيهم وحس انهم متربكين ثنيناتهم
بعد دقاي ق..
ريما قامت:عن اذنك
ابو ريما:وين يبه اجلسي شويه مابعد شافك ولد عمك
ريما كانت بتصيح ودموعها في عيونها..نواف رحمها شكلها واضح خايفة
نواف:خلها عمي على راحتها..الله معاك ريما
ريما طلعت وصعدت غرفتها وجلست تبكي..وامها صعدت عندها ودخلت عليها لقتها تبكي
ام ريما:وش فيك؟وراك تبكين؟ وش صار؟
ريما:لا مافيني شي ..بس يمه احس تونى على الزواج
ام ريما:لا وش تونى الولد مايتفوت وانا اتمنى افرح فيك واشوفك عروس
ريما راحت حضن امها وجلست تبكي
ام ريما:يالله ياريما كبرتي وصرتي عروس..يوم كنتي صغيره كنت اتمنى اشوفك وانتي تمشين ويوم مشيتي
كنت اتمنى اشوفك تدرسين و درستي وبعدها كنت اتمنى اشوفك عروس واللحين عروس نزلت من
عيونها دموع لاشعوريا وهي تقوول: راح تتركيني ياريما انا وابوك وتروحين بيت زوجك ان شاء
الله
ريما جلست تبكي هي وامها ..
عند الرجال رجعوا للمجلس وكان نواف مبسوط مره انه شاف ريما واعجبته ملامحها الناعمه ومحمد
وفيصل جلسوا عند نواف بعيد عن الرجال..و نشبوا في حلقه وش صار ؟وش قالت ؟وش
قلت؟ كم جلست ؟
نواف:ههههههههه كل هذا بجاوبه عليكم
فيصل:ياحركات انت ..عساها اعجبتك
نواف بيقهرة:مش بطاله حليلة
فيصل: افا ريما ماعبجتك اللحين الكل معجبته وانت ماتعجبك الا انت وش يعجبك بالله مايعجبك
العجب ولاالصيام برجب
نواف:هههههههههههههههههههه� �هه
ابو عبد الرحمن:الله يوفقكم ويتمم لكم على خير
ابو نواف:ان شاء الله
تعشوا الرجال وطلعوا نواف وفيصل راحوا مع بعض وابو نواف وابو عبد الرحمن ومحمد راحوا
سوى ..نواف اعجبته ريما بس كان يكابر عليهم….
