ابكي وعيني تسهر الليل ياريم كلمات
ابكي وعيني تسهر الليل ياريم
مدري بلاها الشوق ولا الظليمه
ياريم دمع العين ماادري على الريم
ولاعلى قلب تواكل صميمه
تقول لاطمني على نونها سيم
ابكي وعندي لزرق الدمع قيمه
يمكن يكون الدمع للعين تكريم
ويمكن يكون لها عذاب وجريمه
والله يلولا دمعه كانها الديم
راحت ضلوعي من عذابي حطيمه
دام البكا ياريم مافيه تحريم
يعنك والله لرخص الدمع شيمه
وابكي على حالي من الوجد واهيم
لين الزمن يخلف علي نسيمه
ابكي حياته صافيه مابها غيم
وين المحبه والقلوب والسليمه
ابكي قهر وابكي من الغبن والظيم
وابكي من طعون (ن) بقلبي قديمه
اثر الزمن خلاه وجهي مراسيم
ومايذبح الرجال مثل الهزيمه
بعض المصايب شرها ياكل الهيم
وشلون بسبود الرجال الكريمه
وبعض المصايب يخلفن المفاهيم
تبقى على ماقيل صبر وعزيمه
مظلوم بالدينا وغيري مظاليم
من عرض ناس لبوسهم جريمه
ماعاد ابي من سود الايام تعليم
عقب العذاب اللي كلاني جحيمه
لو تصفي الدنيا عليا الملازيم
ماعاد ادور من وراها غنيمه
