منيو تشيز كيك فاكتوري, أحلى يوم ممكن تقضيه مع صديقاتك
باين من العنوان انه عن شي مره دسم ..
في ضجه حصلت من اسبوع او 10 ايام عن مجمع مطاعم الشايع الي فتح مكان
لو مول في جدة..
من ضمنهم تشيز كيك فاكرتي .. طبعا انا احب اشياء معينه عنده وجربته قبل كدا
في دبي .. وصحبتي في يوم حمستني ورحنا وكان وقت المغرب..
وقفنا بره نص ساعه طابور الين يفتح!! ولما دخلنا انتظرنا 10 دقايق كمان!!! هتقولو الموضوع
مو مستاهل .. بصراحه ايوه ماني من النوع الي ممكن اوقف دا كولو عشان اكل!
بس صحبتي مره كان نفسها وما رضيت ازعلها :))
احب اقلكم .. لما تدخلو هتحسو دخلتو امريكا .. كل شي في المكان امريكي الا
العملاء ! اغلب المدرا والويتيرز والطباخين من امريكا ( طبعا لفتره مؤقته بس عشان يتاكدو
ان الجوده نفسها)!
بعدها بكام يوم ماما قالت خلونا نروح غدا .. وكان الموضوع كليا مختلف !! لا
كان في انتظار والاضاءه افضل بكتيررررررر داخل المحل .. ودحين هتلاحظو دا الشي مع الصور
..
اتكلمت كتير .. خلينا نشوف الصور..
