من زمان على بالي انزل لكم هالحلى بس والله مافي وقت عندي
بس اليوم قررت اعطيكم طريقته والله والله انه يجنن بيعجب زوجك لاني اعرف ذوق الرجال
وبيعجب عيالك وبيفيدهم وغير كذا مافيه دسامه يعني مافيه دريم ويب وجبن كيري وحليب نستله
والخرابيط ذي اكرهها
يالله نجي للطريقه :
اولا : سوي على النار 2 كريم كراميل (كاسين كبيره ونص ماء و10 ملاعق حليب
بودره,اول مايبدابالغليان اضيفي 2الكريم كراميل )وخليه يغلي شوي مع التحريك وسكري النار ,بسرعه حطي بالخلاط
باكيت كامل بسكويت شاي اللي حجمه صغير واذا ماعندك عادي حطي ثلاث ارباع الكبير ,وحطي
عليه علبه قشطه وفنجان قهوه سكر وملعقه صغيره نسكافيه و(كريم الكراميل اللي سويتيه حطيه مع
المقادير بالخلاط وهو حار) اخلطيهم زيييين ,جيبي صينيه بايركس وسط رصي في القاع طبقتين او
ثلاث بسكوت شاي جاف(بدون ماتشربينه بحليب) وجيبي اللي بالخلاط وكبيه على البسكويت اللي بالصينيه ودخليه
الفريزر (ربع ساعه) وبعد ربع ساعه اذا تاكدتي انه جمد
على طول سوي كريم كراميل ثاني بس هالمره بحليب صافيو الشوكولاته
حطي 3حبات حليب صافيو على النار واول مايغلي اضيفي له 2م كبيره سكر واضيفي له
2 كريم كراميل وخليه يغلي شوي وخذيه وصبيه فوق الطبقه الاولى ودخليه الثلاجه وبسسسسسسسسسسس
والله والله جناااان كانه دانيت واحلى بعد لو كل يوم صينيه بنخلصها ,يموووت عليه زوجي
وعيالي ,ويالله جربوه ولاتنسون تبشروني بالنتايج
