مواقف محرجه للبنات فقط “

نذكر المواقف اللي صارت لك بالغلط مع رجل غريب ..

يعني دخلتي على رجال وظنيتي ان اللي بالمكان هو خالك..

والا فتحتي الباب على رجال غريب وظنيتي بالصوت انه احد محارمك..

والا بالغلط دخلتي غرفه او سياره ولقيت فيها رجل غريب ..

او اي شي المهم انه شي في صلب الموضوع ..

اوكي ..

يالله خوذووو راحتكم حبايب قلبي ..

مره كنت طالعه من المدرسه وادور على اخوي واشوف سياره كانها سياره اخوي والا البنت
طيراااان على السياره ماصدقت القى السياره من الزحمه والا اركب قدام واقوله يلا بسرررررررعه تراااااني
واصله حدي بسرعه الا هو ساكت وينزل من السياره وانا اقوله هيه يلله ومايرد علي
وانزل ورااااااااه الا الخو مو اخوي والله وجهي صار الوان قوز قوزح والرجال قاعد يضحك
واروح لاخوي وانا معصبه واعطيه تهزئى محترم

وهذه مواقف ثاني

كانوا الرجال في صلاه المغرب في رمضان اللي فات
وقت الصلاه نمد سفره الفطر

لابسه بلوزه كت خفيفه وتنوره مشمره لين تحت الركب
والشعر الله لا يوريك الا قايمه فيه معارك طاحنة
المهم فرشت السفرة
وحطيت الصحون عليها
تقريبا شبه منتهيه باقيلها زبادي الشوربة
في هذا الوقت جا واحد منهم مع اخواني
وانا مو منتبهه الا ودخله مستعجلة
الا احس بشئ غريب جالس
هو من شافني نزل اعيونه
وانا متجمده مكاني
خرجت برا واخاصم اخواني اقولهم ليش ماقلتولي
واعطيهم كلام محترم يليق بالمقام

وبعض مواقف بنات

اما انا الله لا يبلانا مره كنت بالاستراحه ويوم جاء الليل قالت امي خلاص بنرجع
للبيت وطبعا كنا جالسين بالثيل ورحت انا واختي الاكبر مني نجيب عباياتنا المهم هي داريه
ان داخل فيه ولد خالتي عشان كذا قالت وش رايك نتسابق وانا على نياتي قلت
okوهي خلتني اسبقها عشان القى المفاجاه العظيمه ولا تسالوني عن الاحراااااااااج الله يهديها بس
وياما انحجرت بالمخزن بسبه هالعيال بس ع الاقل ما اشوفهم انحجر ولا انحرج قدامهم

كنا مره طالعين من استراحه وانواع الحوسه ومحمله عفشي معي..شناط واكياس وكل شي..(مستغليني اهلي)واركب في
سياره واحد من الجماعه على بالي سياره خالي واهاوش واسب في فلانه وعلانه واهاوشه هو
بعد وهو اخينا في الله ساكت واجي واضرب على كتفه واقول(وش فيك ما ترد علي
انا احكي مع جدار>>>>ياعيني على الاسلوب)يوم التفت لي لينه مب خاااالي………….تفشلت ونزلت اركض انا وعفشي
كني مهبوله والرجال اللي برا يضحكون علي وادخل الاستراحه وانا ابكي…..وبس

انا مره كنت رايحه لمكه بناخذ عمره كنت واقفه استنى اهلى ينزلون من السياره اثرهم
نزلوا ومشوا وانا
ما انتبهت اللى بعد ما شفتهم ابعدوا عنا كان فيه ولد قدامى خبطت على كتفه
وقلت لهامش ما تشوف
اهلنا راحوا (( التفت الولد متخرع شكله )) يوم شفت وجهه تخرعت ونحشت كنت احسبه
اخوى

دائما المطفوقات ينشافون كثير انا مره ينقال لي بتغطى عن ولد خالتي كنت في ثاني
متوسط ويوم سمعت صوته واروح طيران للمجلس واسكر الباب واجلس عند التلفزيون على بالي انه
بيروح لامه وخالاتي الا الاخ ماقصر صار مايبغى يقومني من عندهم جا للمجلس ودخل وسكر
الباب يوم التفت الا انا واقفه قدامه لا والباب مسكر علينا تعالوا شوفوا شكلي امشي
طايح وجهي لين طلعت حتى هو ماقال بطلع عنها جلس

موقف..قبل كم يوم ..زوج اختي كان قاعد في الصاله وانا ما ادري عاد انا كنت
قاعده اركض ((اتذكر الطفوله)) ودخلت الصاله بالركض الا اشوفه في وجهي ومن كثر فشلتي ما
وقفت كملت حتى وصلت المجلس ..دخلت وسكرت علي خخخخخخخخخخخ

انا صار لي موقف من 4 سنين تقريبا
كانت الدنيا تمطر وبغزاره والمطر دخل لين الغرف ولعدين البيت كله قايم ونحن ندور ونسكر
الابواب والنوافذ المهم كنا حريم ورجال والبنات والعيال المهم وانا كنت فاتحه شعري وما لقيت
شي مع الربشه اتغطى به غير منشفتي اللي استحم بها الله يكرمكم المهم اخذتها وحطيتها
على وجهي ومشيت الا واحس نفسي انصدمت بشي افتح عيني الاقيه ابن عمي وكنت لسى
بنت المهم استحييييييت خصوصا انه كان يطالعني وهومستغرب ويقول من هذي وانا ركضت،،
والان هذا ابن عمي صار زوجي ودائما اتذكر هذ ا الموقف واموووووت ضحك

يوم من الايام قالت امي شيلي السفره كان وقت عشاء
والسفره كانت عند مجلس الرجال ….ما كنت ادري انه في ولد عمي …..و الاخت شاد
حيله رااااايحه
الا ولقاه بوجهي…..وشوفي اش صار !!!! شهقت ذيك الشهقه انا تيبست مكاني ما تحركت …..هو
استحا عرف اني انفجعت وهو ورااااح …..وانا الاخت قاعده مكانها ما تحركت من الخرعه ههههههههه