مسكات للعروسه قبل الفرح
احنا طبعا دلوقتى يا بنات كل واحده بتهتم بنفسها بطريفتها يعنى اللى بيعمل ماسكات واللى
بيعمل حمام مغربى وهكذا فى اوقات مختلفه …
طيب قبل الزواج باسبوع تقريبا بيبقى فيه اساسيات بتتعمل لكل عروسه بس اوقات بنلخبط ايه
اللى يتعمل وايه اللى مش مهم دلوقتى خصوصا ان الاسبوع اللى قبل الفرح بيبقى عندك
مليون حاجه من فرش وتجهيزات والفستان عشان كدا ياقمرات عايزين نبقى عارفين من دلوقتى حنعمل
ايه فى الاسبوع ده عشان نعرف نهتم بنفسنا من غير تقصير وفى نفس الوقت نشوف
التجهيزات والفستان وكل حاجه من غير ما ننسى اهتمامنا بنفسنا
طيب تعالوا الاول نقول هو المفروض يتعمل فى الاسبوع ده وبعد كدا نرتبه بالموقت المناسب
::: السويت
::: حمام مغربى
::: ماسكات للبشرة
::: بديكير
::: حمام بخار للوجه
::: نعومه الجسم
::: ماسكات للشعر
دول يا بنات الاساسى اللى بيتعمل قبل الفرح وليه قولنا اسبوع عشان النتيجه تبقى واضحه
ان شاء الله يوم الفرح
نتكلم بقى على الترتيب
خلينا نتفقين ان اليوم اللى قبل الفرح مفروض نكون خلصنا كل حاجه مطلوبه مننا سواء
فى التجهيز او فى الاهتمام بنفسنا .. عشان مفروض اليوم ده اما انتى حتعملى حفله
لاصحابك زى ما بنسميها ” حفله حناء ” او لو مش عملتى مفروض بتنامى وتريحى
او تقعدى مع اهلك
من بدايه الاسبوع اللى قبل الفرح حنبتدى بصنفره بسيطه للجسم وللوجه عشان لما نحط اى
ماسكات نستفاد بالنتيجه وابسط صنفره او سكراب زى ما قولت فى اول الموضوع
ملح + ليمون
ارز مطحون + جلسرين + ماء ورد + حليب
الطريقه سهله انك تغسلى جسمك بمياه وتبدى تحطى السكراب وتفركى كويس وبعد تغسلى جسمك كويس
وتحطى زيت لوز مر او لوشن كريمى بيرطب
خلصتى سكراب تعالى بقى نعمل ماسك للوجه مش حاقولك تعملى ماسك ايه انتى اختارى اللى
بتحبيه وجربتيه بلاش يا بنات نجرب حاجه جديده فى الوقت ده عشان لاقدر الله ميحصلش
مفاجات احنا مش عاملين حسابها او يكون ماسك مش مناسب يعمل مشاكل ..
عملتى ماسك للوجه ونفس الماسك يكون الرقبه وتحطى على جسمك زى ماقولنا زيت لوز مر
اشمعنى زيت اللوز ؟؟
اولا انه مغذى جامد للبشره كمان بيدى نعومه جامده للجسم وكمان هو طبيعى يعنى تغذيه
ونعومه طبيعية
وده كان اول يوم فى الاسبوع:::: ” سكراب للجسم والوجه + ماسك للوجه والجسم ”
تانى يوم:::: اعملى ماسك لشعرك وبردو حاقولك اختارى الحاجه اللى جربتيها وعملت معاكى نتيجه حلوه
بلاش تقولى صاحبتى قالتلى ان طريقه كذا حلوه اجربها .. مش وقت تجارب خليكى فى
المضمون وبردو خلى كل حاجه فى اسبوع ده طبييعيه عشان بشرتنا تستفاد
ثالت يوم :::: حتعملى بديكير لرجلك وايدك وانتى فى البيت حتقولى مبعرفش حاقولك مش مطلوب
منك باديكير بشكل موسع لان باديكير حتعمليه عند كوافير بس اللى مطلوب منك انك حتحطى
رجلك فى مياه دافيه فيها شويه ملح . الملح طبعا بيطرى جدا الجلد وتسبي رجلك
لمده ربع ساعه فى المياه وفى نفس الوقت تحطى ايدك فى مياه دافيه فيها زيت
لافندر او كاموميل عشان بيطرى جدا الايد بعد كدا تنسفيهم كويس جدا وتجيبى حجر الرجل
الاسود واعملى رجلك بيه وحطى بعد كدا على ايدك ورجلك كريم مناسب مرطب والبسى شراب
لرجلك حتى لو كنا فى الصيف عشان الرجل تستفاد
رابع يوم ::::حتعملى حمام مغربى .. طبعا الحمام المغربى لازم يكون قبل السويت ليه ؟؟اولا
عشان تفتحى كل المسام وتشيلى كل خلايا ميته فلما تيجى تعملى سويت ميظهرش شعر تحت
الجلد لانك خلاص فتحتى المسام .. كمان انتى بعد السويت الجسم مش حيستحمل حمام مغربى
الجلد حيبقى تعب هعشان كدا بنخليه قبل السويت بيوم عشان الجلد يرتاح
طبعا فيه بنات بتقول انا بروح اعمل حمام مغربى فى بيوتى سنتر او عند كوافير
.. تسمحولى اقول رايى الشخصى ؟؟ بصوا يا بنات انا مش بحب ابدا ان حد
يشوف جسمك وعورتك خاصه اذا كان موضوع تقدرى تعمليه خاصه انك بتروحى مكتان غريب حد
يعملك طيب انتى اتعلمى تعمليه لنفسك والطريقه معروفه ..
وابسط طريقه تعمليها انك تفتحى السخان وتخلى الحمام كله بخار وتغسلى جسمك بمياه دافيه وتحطى
على جسمك صابونه مغربيه وديه موجوده عند اى عطار يكون مضمون لو مش عندك صابونه
مغربيه مفيش مشكله هاتى صابونه ديرماكير اللى بطين البحر الميت مش عندك مفيش مشكله هاتى
صابونه نابلسى او الغار يعنى اى صابونه طبيعيه مش دوف ولوكس وتسبيها على جسمك 5
او 10 دقايق المهم جسمك يتشربها بعدها اعسلى جسمك تانى بمباه دافيه واشطفيه كويس وتكون
وقتها حاطه ليفه مغربيه اللى بيتبقى شبه الجوانتى فى طبق بيه مياه سخنه عشان متبقاش
ناشفه عليكى وتبداى بقى تفركى بيها كل جسمك من اول الرقبه لغايه صوابع رجلك حتلاقى
بلاوى بتطلع على شكل خيوط اعملى لغايه ما تخلصى واغسلى جسمك كويس ونشفى وحطى بردو
اى لوشن مرطب او زيت لوز او حتى بيبى جونسون عشان ترطبى الجسم وده ضروروى
خامس يوم “” السويت ياقمرات بصى حبيابى لو انتى متعوده تعملى ببروان او موس او
كريم اى حاجه الغيها اليوم ده واعملى بسويت اولا حتنظف بشكل افضل من اى حاجه
وتخلصك من اى جلد ميت والاهم انك حتفضلى مده اطول اشعر مش بيظهر عشان كدا
لو انتى مش متعوده تعملى اصلا سويت ياريت ابداى من دلوقتى عشان جسمك يتعود ومش
تيجى يومها يطلع حبوب والتهابات بالنسبه بقى للسويت انتى بتعمليها قبل الفرح بيومين عشان جلدك
يرتاح خلال اليومين ..السويت لو انتى بتعرفى تعملى لنفسك حلو اوى لو لا حتخلى حد
يعملك يكون انتى عارفه كويس ويياريت تبقى اختك او مامتك او حتى صاحبتك مقربه حلصتى
سويت تحطى حبيبى زيت زيتون بجد بيقلل اشعر وعن تجربه وبيدى لمعه للجسم ويطريه لو
مش بيناسبك حطى نبات السعد تمام ؟؟؟
كدا خلصنا من اهم حاجات مطلوبه منننا نيجى بقى اليوم السادس
ده حتروحى فيه للكوافيره تعملى حمام بخار للوجه وتعملك ماسك للبشره وتعملك باديكير وتعملى شعرك
هناك سواء استشوار او بيبى ليس
يبقى انتى كدا يوم السابع خلاص بقيتى زى القمر جسم نظيف ومفيش شعر ايدك ورجلك
ناعمين وشعرك مستشور بشرتك مرتاحة
طيب فيه بنات بتسال هو انا مفروض اعمل سويت قبل الفرح بمده اد ايه عشان
يلحق يطلع تانى ؟؟
بصوا ياقمرات انتى شوفى من دلوقتى اشعر عندك بيطلع كل اد ايه يعنى مثلا لو
الشعر بيطلع كل شهر يبقى انتى قبل الفرح بتاعك بشهر متعمليش سويت عشان يوم الفرح
لما تيجى تعملى يبقى الشعر مش صغير ومش يتعبك فى ازالته …
بالنسبه منطقه حساسه تجنبا للحبوب والحكه استخدمى مرهم مضاد حيوى للحبوب زى فيوسيدين عشان يمنع
طلوع الحبوب
بالسنه للوجه شوفى من دلوقتى طريقه منسابه ليكى واعمليها وشوفى انتى بيطلعك بعدها اى حبوب
وان بشرتك بيتبقى محتاجه اد ايه عشان ترتاح بعد ما تشيلى شعر الوجه
كل ده حيريحك فى الاسيوع اللى قبل الفرح لانك مش حتتفاجى بمشاكل فى بشرتك لانك
عارفه من الاول ايه المفيد ليكى وايه المضر عشان كدا رلازم تكونى مجربه كل حاجه
من قبلها .. ختى نوع السويت بلاش يومها لو انتى متعوده على نوع معين انك
تغيره بنوع تانى
بردو بالنسه للاسنان .. حاولى دايما كل يومين فى الاسبوع وده سواء قبل الفرح او
بعد الفرح انك تعملى وصفه السريعه ديه عشان تبيضى اسنانك
احطى عسل نحل شويه صغيره على فرشاه الاسنان وحطى عليها معجونك اللى بتستخدميه واغسلى اسنانك
عادى بتبيض الاسنان وتنظفها وتدى ريحه حلوه للفم
ممكن لو فيه جير كتير على اسنانك تروحى قبل فرجك باسبوعين وتعملى تنظيف الاسنان وازاله
الجير
