ماكينة حلاقه نسائيه للمنطقه الحساسه , اسهل طرق ازالة الشعر في منطقة العانة هى الحلق

شلونكم عرايس ان شاء الله بخير ؟

اليوم خطر لي افيدكم بموضوع حلاقه الاماكن الحساسه بالموس

انا كنت اعاني من هالمشكله شخصيا ليما لقيت الحل..
وطبعا ما راح ابخل بالفايده على خواتي عرايس واتمنى انكم تستفيدون مثلي
واتمنى الموضوع مايكون مكرر لانه ناتج عن تجربتي شخصيا..

بصراحه انا كنت من مدمنات شيل المنطقه الحساسه بالشيره (الحلاوة) وكنت ما اقتنع بطريقه ثانيه
.. كنت اشوف ما في طريقه ثانيه تعطيني نظافه على نعمومه .. وطبعا كنت اشيل
بروحي بالبيت وانا قلت بالبيت لان في ناس تروح الصالون :047: يااااااااربي وشلوووووون ؟؟
عني انا مستحيل احد يقرب من هالمنطقه مع اني متزوجه بس ما قدر احسه ماله
داعي ..

انا بصراحه خفت وعلى طول قررت اترك الشيره واتجهت للماكينه اللي تشيل الشعر.. واللي هي

ابشع وابشع مو من ناحيه النتيجه بالعكس كانت النتيجه مرضيه ومقاربه للشيره واللي صارت عندي
احسن من الشيره والسبب اني كنت مع الشيره اخذ وقت طويل ومتعب تقريبا من خمس
واربعين دقيقه لي ساعه بدون الفاصل عكس الماكينه اللي تاخذ بس ربع ساعه بالفاصل لزوم
الالم ..
وما طولت عليها لاني بعد اكتشفت انها مضره وضررها تقريبا نفس مضار الشيره بس اكتشفت
شي يديد وهي انها بتساعد على فقد الاحساس بالمنطقه الشيره بعد لها نفس الضرر
(هام للمتزوجات) بتسالون وشلون صح ؟ انا اقولكم من كثر النتف والشد والالم .. والاخطر
انها مع الوقت تجيب البرود الجنسي للحرمه . . وبصراحه كلام سليم ومنطقي.. يعني اذا
المنطقه تعودت على الالم القوي والشد كيف راح تحس بالدلع بالشي الناعم ياااااي ..انا خفت
من قلب ..وقلت بتركها واشوف لي حل
وطبعا ما في غير الامواس .. والله لا يوريكم .. جربت كل الاانواع
الازرق والوردي والخضر كل الالوان هههههههه . . ما نفع كنت احلق بالموس واذا خلصت
امشي الماكينه عليها لاني تعودت ولاني ماكنت احس اني منظفه .. وكانت الماكينه صج تلقط
عقب الموس وهذا اللي يقهرني ..
لا ومرات تطلع حبوب .. واذا طلع الشعر يطلع خشن الله لا يوريكم ..
المهم ماراح اطول ..
بعد حوسه لقيته .. هذا الموس العجيب .. شاقولكم عنه .. راحه .. غير الامواس

لحظه خلوني اوريكم اياه

هذي صورته
واسمه
فينوس بريز

قدر يخليني اغض النظر عن الماكينه ولو مؤقتا حتى اتعودت عليه ..
من اول استعمال حسيت بنعومه على نظافه .. النظافه اهم شي .. وثاني شي ما
يطلع حرار ولا يجرح المنطقه لان تصميمه مريح .. وبعد شكله بنوتي .. والشعر يا
دوب يالله اقدر الحين اريح يوم يومين .. وان ظهر مو بذيج الخشونه ..
وهو مصمم على انه بس تبلين المكان اللي تبينه وتشيلين على طول لان فيه جل
خاص ومرطب نفس الصابون يقوم بدورجل الحلاقه ..
وانا بعد مره استخدمته للجسم  فيه ميزه تقدرين تغيرين راس الموس .. كان ظرف طارئ
وكانت ا لنتيجه وايد حلوه ما في خشونه ابد والشعر يطلع بس مو من ثاني
يوم..

انتي بس هالله هالله بخلطاتج الحلوه بعد الحلاقه سواء للنعومه اوالتبييض وان شاء الله
راح تشوفي النتيجه الحلوه والمرضيه ..

هذا اللي حبيت افيدكم فيه لكل من تبحث عن حل غير الشيره والمكينة

واذا وحده مجربه هالمنتج الرجاء تتكرم وتخبرنا بتجربتها عشان الكل يستفيد سواء
زينه او موزينة
وانا ما اطلب منكم الا الدعاء اذا استفدتوا من الموضوع

واهم شي لا ننسى السنه المتبعه واللي توصي بنتف الابط وحلق العانة
يعني هالكلام ما صار من عدم .. اكيد في اشياء وحكمه احنا اصلا مو عارفينها
..
بس احنا مانتعظ الا اذا صار شي .