كلمات قصيده يا بحر
يا بحر بسالك ليش امواجك الليله تعاني
……………… ا نت مثلي يا بحر قبل امس فاقد لك حبيبه
انت متضايق عشانك ولا متضايق عشاني
……………………. اسالك بالله قلي يا بحر ايش المصيبه ؟
ولا اقول : اسكت وانا بحكي عن اللي لك خذاني
…………………. ببتدي معك الكلام وكل ما عندي بجيبه
تذكر اللي لا لفتني بشر القلب المعاني
…………………… تذكر اللي كلها حب وغرام ونهر طيبة
تذكر اللي صوتها تشتاق له حتى المواني
……………………….. كل ميناء يسال الثاني اذا طول مغيبه
تذكر اللي في كفوفي تشعل الدنيا اماني
………………………. تذكر اللي نورها سود الليالي تقتدي به
تذكر اللي سلهمتها تقلب الساعه ثواني
…………………….. تذكر اللي عطرها حتى طيورك تحتفي به
تذكر اللي علمتني كيف اروض هالمعاني
………………………. كل ما مرت علي رخت للشعر انتخي به
تذكر اللي كل صبح تمرني باحلى تهاني
…………………… صار كل العمر عيد وصارت اقرب من قريبة
قبل يومين تركتني ورحلت مع شخص ثاني
……………………. شخص ما كانت تحبه بس ما ادري وش تبي به
ادري اني من سببها كاسر خاطر زماني
………………………… و ادري اني اول انسان كسر خاطر نصيبه
وادري ان الله خذى مني مثل ما هو عطاني
…………………….. وادري ان الغاليه راحت رضى ماهي غصيبة
بس اقول الله كريم وعمر كل الناس فاني
……………………….. والمكان اللي خلا من زولها وش ينبغي به
مدخلك بالله قلي حط نفسك في مكاني
……………………… وش تسوي يا بحر لا صارت فاقد لك حبيبة
