طريقه عمل الكيكه المجنونة
دي كيكه بيسموها crazy cake او “الكيكه المجنونة” لان مافيهاش بيض او لبن ومعموله للي
عندهم حساسيه وبتتخلط في صينيه الفرن..
مقاديرها:
كبايه ونص دقيق وكبايه سكر و3معالق كاكاو ومعلقه بيكينج باودر ورشه ملح نخلطهم مع بعض
في الصينيه اللي هاتستوي فيها وتكون مرشوشه زيت..ونحط عليهم معلقه صغيره خل ومعلقه صغيره فانيليا
و5معالق كبيره زيت ونقلب ونزود ميه بالتدريج لحد ماتبقى متماسكة.. وندخلها فرن سخن على حراره
180 لمده 30-35 دقيقه لحد ماتستوي.
اما الكريمه بنعملها بكبايتين “لبن جوزهند” وكبايه شرايح شوكلاتة..نسيحهم مع بعض في حمام ميه سخنه
وبعدها ندخلها التلاجه تجمد قبل مانفردها عالكيكة.
جربوها..سهله وسريعه واخف من الكيكه العاديه كمان
