طريقة لف الشعر بطريقه سهله , أدوات لتسريحات شعر جميلة
الادوات المستخدمه
************
الادوات المستخدمه
************
* بنس الشعر
وفي حاجه مهمه بنس الشعر ياريت يا قمرات تكون شبه دي كده
فيها جزء صغير من تحت ده بيحمي فروه الراس
من الاحتكاك الجامد اللي بيكون حاد في البنس العاديه
طريقه لف الشعر طاقيه او دوامه بالشرح والتفصيل والصور مع ساسو خبيره التجميل
* فرشاه الشعر
الفرشاه دي يا فتوكات ناعمه اوي ومريحه علي الشعر
وهتريحك في التسريح وخصوصا الهيشان هتعرفي
تتحكمي كويس بيها
طريقه لف الشعر طاقيه او دوامه بالشرح والتفصيل والصور مع ساسو خبيره التجميل
* المشط الخشب
بالنسبه للمشط الخشب ناس كتير بتشتكي انه بيقطع ليها شعرها
وده علشان بيكون النوع مش مناسب او اسنانه واسعه جدا مش بتعرفي تسرحي بيه
* ايشارب اسواني
او اي ايشارب قطن عندك
*************************
اولا
بالنسبه للطاقيه
ياريت تلفيها يا قمر وشعرك مندي او ناشف عادي
بلاش وهو مبلول لان اولا
مينفعش تسريح الشعر وهو مبلول لانه بيكون في اضعف حاله له
تاني حاجه انتي كده بتكسريه مش هتفرديه لان البنس هتطبع علي الشعر
تالت حاجه هتكتميه وهو مبلول انتي كده بتئذيه
وكمان ممكن تخلي ريحته مش لطيفه
بانك تلفيه وهو مبلول وتستخدمي الايشارب
*********
ثانيا
بالنسبه للبنس
انتم هتشوفو دلوقتي انا الطريقه الاولي والتانيه استخدمت بنستين فقط
الطريقه التالته استخدمت بنسه واحده
ولو تقدري تتحكمي انك تشيلي البنس قبل وضع الايشارب هيكون كويس جدا
لو شعرك قصير ومقدرتيش سبيهم
بس ياريت بلاش البنس الكتير هي دي اللي ممكن تتعب الشعر وتطبع كسره عليه
ومتنسيش البنس تكون زي الصوره اللي فيها جزء صغير من تحت
ويفضل تكون نوعيه نضيف علشان مش تفضل تنتش باقي الشعر
وتحتك جامد مع الفروه وتتعبها
************
ثالثا
هل الدوامه بتقصف الشعر ؟
ايوه يا قمر هتقصفه لو استخدمتيها وشعرك مبلول
او اذا استخدمتي بنس كتير
علشان زي ما وضحت ليكم الشعر هو مبلول بيكون ضعيف جدا
والبنس الكتير ممكن تشد اجزاء من شعرك وتتقطع وتعمل تقصيف
***************
لو عملتي كل الخطوات والتعليمات دي صح
الحاجه اللي ممكن تسببها الطاقيه
انها تجيبلك صداع او تحسي ان فروه الراس فيها الم بسيط
بعد ما تفكي الطاقيه
ليه !
علشان انتي بتكوني جايبه الشعر عكس اتجاهه
وبتكوني عملاها فتره طووووووووووووووووويله
بمعني شعرنا بيكون علي تحت
انتي بتعكسي اتجاهه بترفعيه لفوق او للجنب
العكسه دي هي اللي ممكن تتعبك شويه
وعلشان كده يا قمر
اعمليها بالكتير نص ساعه او ساعه لكل جنب نص ساعه
وخصوصا اخر طريقه اللي بتقلبي الشعر فيها كله علي ادام
هي حلو وبتفرد بس متزوديش قت كتير
علشان متحسيش ان فروه راسك وجعاكي
واذا حصل معاكي كده
باطراف صوابعك دلكي فروه الراس
هتحسي ان الالم راح علشان بالمساج البسيط ده
نشطتي الدوره الدمويه بتاعه فروه راسك
