طريقه عمل فراخ البيك
التحضير: نشيل جلد الفراخ
وبعدين بالسكينه نعمل فتحات فيها تصل للعظم
في كوبايه الخلاط نحط مكونات التتبيله
وهي لكل فرخه واحده
الطبخ: نصفي التتبيله كويس بالمصفاه وبعدين ننقع الفراخ في الميه اللي نزلت من التصفيه
نسيبها مش اقل من 4 ساعات ويفضل انها تكون قبلها بالليل او ممكن نتبلها ونشيلها
في الفريزر بتبقى حلوه قوي
وبعدين نجيب بيض ونضربه مع نقطه خل
ودقيق وهو اللي هيعمل الطعم والقرمشه
لكل كوبايه دقيق نخلط عليها نص معلقه صغيره ثوم بودره ونص معلقه صغيره بصل بودره
وربع معلقه زعتر وربع معلقه بابريكا ورشه جنزبيل وربع معلقه سكر بني او عادي ورشه
ملح
نغطي قطع الفراخ بالبيض وبعدين بالدقيق المخلوط عليه التوابل ونخلي حركه ايدينا سريعه علشان يكون
التغطيه مش منتظمه
ونكرر الخطوات نغطي بالبيض ثم الدقيق وهكذا مره او اتنين
نجيب حله الضغط ونحط فيها زيت ولو فيه نحط قطعه زبده نباتي معاه للطعم ولما
الزيت يقدح نحط قطع الفراخ
ونقفل الحله ونحط الصفاره .. نخليها على تالت اكبر عين ونهدي لتحت
احسبوا عشر دقايق بالتمام بعد ما الحله تصفر وبعدين طفوا النار وشيلو الصفاره وخلوها تطلع
البخار لوحدها مش هتاخد ثواني
هتفتحوا ان شاء الله تلاقوها اتحمرت وكمان ضامنين انها استوت من جوه
ولو لسه محتاجه لون زياده شيلو الغطا وزودوا النار وهي هتتحمر في ثواني وتبقى مقرمشه
اتفضلوا بالف هنا وشفا
ملاحظات: تحذير: بلاش نفتح الحله بالميه .. ونسيبها تخرج البخار لوحدها بعد ما نشيل الصفاره
