طريقه عمل عجينه الكنافه في المنزل
معشوقه الجماهير الكنافه احلي حلي شرقي
وطريقتي سهله وبسيطه ومع ذلك اتحدي بيها كل محلات الحلويات (ثقة)
المقادير
نصف كيلو كنافه انا استخدمت الجاهزه اللي ف السوبر ماركت(السنبله او الكرامة) كلهم حلوين
حوالي نصف كوب سمن انا زودت شويه صغيرة
الحشو
نفس الحشو اللي استخدمته ف البسبوسة
وهي للتذكرة
2 كوب حليب
2 م ك نشا
2 م ك سكر
بيضة
علبه قشطة
الطريقة
نغلي الحليب مع السكر ع النار ثم نخلط البيض والنشا ف شويه حليب بارد
ثم نضيفه للحليب مع التقليب المستمر ثم نضيف القشطه ونقلب ونتركه ع جنب حتي يبرد
مع مراعاه تغطيه الوجه
بالنايلون عشان مش ينشف الوجه
نيجي للكنافة
نقطعها كويس جدا بايدك او بمقص المطبخ
ثم نضيف السمن بعد ماقدحتها ع النار
ثم نفرك الكنافه مع السمن كويس جدا حتي يتجانس الخليط
ثم ناخذ نصف الكميه ونفرشها ف الصينيه ونضغط عليها بايدينا جامد عشان مش تفك معاكي
وتصبح كانها قرص متماسك
ثم نضيف الحشو
وانا الحقيقه وشيت فوق الحشو شويه من الجبنه الموزاريلا
بعد ماحطينا الحشو نحط باقي الكنافه ع الوجه ونضغط بالايد ع خفيف
ثم تخبز ف الفرن وتسقي بالشيرة
ونغطيها شويه حوالي عشر دقائق ثم تقلب
نيجي بقي للسر
اولا: بحط علبه قشطه ع الكنافه وقلبها كويس مع السمن ودا ف حاله اذا كنت
هااحشيها مكسرات
عشان تطلع معاكي طرية
ثانيا: بحط 2 م ك سكر بودره للكنافه اللي بحشو القشطة
لييه ليه؟؟
عشان تطلع معاكي متماسكه ولما تيجي تقطعيها تكون قطعه واحدة
وبكده قولت كل اللي عندي بس انتوا اوعوا تقولوا لحد( ههه)
