طريقة استخدام كركم الجسم

طريقه استخدام كركم الجسم

كلنا نتساءل هل في فرق بين كركم الجسم والكركم المخصص للاكل .. واغلبيه البنات افتوا
وقالوا لاا .. وان هو نفسه كركم الاكل بس قديم ومافيه لون عشان كدا سموه
كركم الجسم ..

وانا اقول لكم لا يا حلوات كركم الجسم مختلف كليا عن كركم الاكل
والي حابه تعرف الاصلي من التقليد تتابع الموضوع ..
الي حابه تعرف الجواب الحقيقي وترتكز على قاعده معلوماتيه لعنايتها وما تستعمل كل
شيء والسلام .. تتابع موضوعي ..

معي رح تعرفون الفرق بين الكركم المخصص للاكل والكركم المخصص للجسم
رح تعرفوا شكل كركم الجسم اذا حابين تشتروه طبيعي وتطحنون بدل البهدله حقت كركم الاكل
بدون فايده تذكر ..
الفرق بين الانواع الجاهزه والمغلفه والي نشتريها ع انها كركم جسم وهي لا كركم جسم
ولا هم يحزنون .. وكركم الجسم الحقيقي الوحيد الاصلي الجاهز والمغلف هو صناعه هنديه
ويختلف جدا عن الانواع التجاريه الاخرى ..

مره من المرات وانا رايحه العطار سالته عن كركم جاف ، ورد علي العطار بسؤال
غريب
تبين كركم عادي او ام الكركم ..

ام الكركم ——؟ ، اول مره اسمع فيها وقلت له ممكن اشوف ام الكركم هذا
..
ام الكركم هو كركم لونه اصفر بس دائري غير عن الكركم العادي الطويل
قلت لا ما اعرفه هذا عطني الكركم العادي .. ومرت الايام ..

انا دايما احوس وافتش ومصره ان كركم الجسم مختلف لاني استعمل نوع كركم بودره اسمه

بياري .. وريحه هالكركم مختلفه جدا عن الكركم العادي عشان كذا انا مو مصدقه ان
كركم الجسم هو نفسه الكركم العادي ..

واعرف ان كركم الجسم هو الكركم العطري او ما يسمى كركم الاروماتيكا .. وكركم الاروماتيكا
نوع من انواع الكركم لان اساسا الكركم له انواع مختلفه ..
المهم ان هالكركم بعد البحث في الويكابيديا هو النوع المخصص للاستخدامات التجميليه ويدخل في صناعه
العطور ..

طبعا احنا عندنا ماشاء الله تقليد بكل شيء والشركات العربيه عندنا والمخصصه بالعطاره
اول ما دخل الكركم في مجال العنايه البشره ما كلفوا نفسهم يبحثوا عن الكركم الاساسي

المستخدم للتجميل ، واساسا هالوصفه هنديه بحته من قلب الهند ، والدول الاسيويه الاخرى القريبه
منها ، لذا قامت هالشركات بانتاج كركمها الخاص ايضا ..

والي جربها يعرف الفرق بينها وبين الكركم الهندي التجميلي المسمى بقشده الكركم وهو بياري

اولا : هما استخدموا الكركم العادي لاكل ، وخلطوا معاه نشا وما اعرف ايش عشان
يخف اللون ، والريحته ويصير لونه افتح .. واي وحده عندها كركم جسم من الصناعه
العربيه
تروح تشمه وتشم الكركم العادي .. مافي فرق بس ريحه اخف ولون افتح
طبعا انا جربت النوعين المختلفين الهندي والعربي وفرق كبيييير وواضح في المواصفات والنتائج ..

الكركم الهندي ماركه بياري ريحته عطريه قوووويه ولونه غير مختلف غامق
ونتائجه واضحه جدا .. واصلا ريحته رائعه ولما تحطيه بتحسي فيه مطهر للبشره فعلا
وهذا السبب ان نتائجه ممتازه للدهون والحبوب الي بالبشره

الان :

كركم الجسم مختلف جدا عن كركم الاكل ، ولو تبون تشترونه من العطار اسالوا عن

ام الكركم وهذا شكلها
وهذا صوره لزيت كركم الاروماتيكا المستخدم للتجميل وصناعه المواد التجميليه
وموضح بالصوره نوع الكركم العطري

وهذا النوع من الكركم المعلب والجاهز الي يباع في العطارين وانتاج الهند شركه بياري
هذا الاصلي اما الانواع الثانيه فانا متاكده انها مخلوطه بنشا وغيره واساسا
هي الكركم العادي مش التجميلي او العطري

بعد الان لا تجي وحده تقول كركم الجسم هو نفسه كركم الاكل ،، لان المعلومه
وااضحه جدا الان .. وتقدروا تفرقوا بدال الخبصه الي صايره واستخدام البعض كركم الاكل من
غير فايده تذكر ..

نستنتج ان لو نبي نشتري الكركم المخصص للتبيض والتجميل نجيب كركم بياري الماركه هذه اكرر
هي الاصليه وهي الكركم لحقيقي للتجميل وريحته تفرق كثير
لو تبي الكركم خام وانتي تطحنينه بالبيت اسالي العطار عن ام الكركم وجيبيه واطحنيه بالبيت

وانا افضل الجاهز لانه اريح