طرق لتنويم طفلك مع رولا القطامي
اول نصيحه :
اول مايبدا الطلق متذهبيش فورا للمستشفى افضل حاجه انك تتمشى او لو مش قادره خالص
تجلسى بس اهم حاجه بلاش تنامى على ظهرك عشان الجاذبيه الارضيه تستمر ف جذب البيبى
لتحت .
ثانى نصيحه :
لو حبيتى تاكلى كلى اول مالطلق يبدا والافضل تكون خضروات او فاكهه او حتى وجبه
بس تكون خفيفه بلاش دهون .
ثالث نصيحه :
لو حابه تشربى حاجه اشربى اللى انتى عايزاه ماعدا عصير البرتقال عشان لو خدتى ادويه
معينه ساعات الولاده ميبقاش فيه ضرر .
رابع نصيحه :
حاولى تشربى ميه باستمرار مش كتير بس باستمرار لترطيب وتوصيل الاكسجين لعضله الرحم .
خامس نصيحه:
التنفس المنتظم ومعناه (انك تاخدى اكبر نفس عميق من مناخيرك وتخرجيه من فمك)دا بيساعد جدا
على توسيع عضله الرحم . واوعى تنفخى عشان النفخ بيطلع كل الاكسجين من الجسم وبيعمل
دوخه .
سادس نصيحه :
البعد عن التوتر وتريحى نفسيتك خااااااااالص.
سابع نصيحه :
هى قالت كلمه كده بس انا مفهمتش معناها بس تقريبا والله اعلم انك متحزقيييش (سورى
يعنى مش لاقيالها مسمى تانى الصراحه) الا لما يكون الرحم فتح 10 سم عشان ميحصلش
مضاعفات تانيه .
حاجه مهمه برده :
هتعرفى ازاى تروحى امتا المستشفى ؟
قالت الطلق ممكن يستمر من 4ساعات : 12 ساعه او حد اقصى 24 ساعه .
تروحى المستشفى امتا لما تلاقى بين كل طلقه وطلقه 10 دقايق والطلقه تستمر لمده دقيقه
وده يتكرر لمده ساعه يعنى لو اتكرر الموضوع ده 6 مرات ورا بعض نتكل على
الله ونروح المستشفى وده معناه ان الرحم فتح على الاقل 4سم .
