شعر ليبي رائع عن الاخ
مازلت نا القديم صاحب جفا نقدر عليها انصيم
لاعيب لاسيات لاتحريم لامعاتبه لاحس لاضوضاء
لاليش لاكنك ولاتكليم كثر الحديث ايصير فيه اخطاء
لاانريد نفتح امعاك سين وجيم ولاخيرفي صاحب ان كان شكا
ومازلت نا القديم
خليك بين الناس فاعل خير والعمر مهما طال راه قصير
خليك ديمه صافي كيف العسل للناس حلو وشافي
لا تهين غيرك ولا بشر تكافي مهما حصلك من قلال الخير
ولا تخون من خانك وخلك وافي ولا تبيع حق الناس بالتزوير
لا تكون شين طبايع ولا تكون مرخي في كلامك مايع
ولا تعيش بين الناس حقك ضايع ولا تكون قاسي على الضعيف تغير
وارحم اللي محتاج واللي جايع وازرع الفرحه في قلوب الغير
خلك عادي مهما علا شانك جميلك بادي
راها الدنيا مالها ودادي ولا يهمها كناس ولا وزير
تبرم بعد زهوات جاي وغادي بعد العلاوي تحذفك في البير
خلي كلامك ديمه للناس خير والعدو تبسيمة
والحق ما يحتاج للتلويمه واللي ظلم ما ينفعه تبرير
ولا تعاتب الصاحب انكان حتى اكليمه ومهما جرالك ما العيب اتدير
اصبر ووسع بالك واجد اللي مهموم حاله حالك
واذكر المولى وان شد حبالك وابعد عللي مالها تفسير
وما اتموت غير في ميجالك مهما جرا من الناس ليش اتحير
خليك صاحب ود اتراعي العلامه والعداله عد
ووين الزمان ايميل لا ترتد خلك دوم عالمبدى بلا تغيير
ومهما علا نجمك وفوق صعد تختم على حفره ويوم عسير
خليك ديما طيب فزاع للصاحب وديما قريب
لا تخون جارك لا رفيق اتسيب فوقت العتب خليك دوم كبير
تردع الظالم فالضعيف اتهيب وتبقى سند للحق بالتدبير
خليك بين الناس فاعل خير والعمر مهما طال راه قصير
السيارة
قتله لما سقتني جديده امنين كنت فى الميدان ليا ميدا
وياما رفعتك لي برور بعيده وياما حصدت الزرع ومعبيني
وياما بسطتك من ايام سعيده مع ترقاي وتهيف مرقيني
واليوم دايريني عقاب حديده ماقلت يخرب طرف وتساويني
جايب طروف مقلده تقليدا تيوان ماهي صنع حتي صيني
شعر فكاهي ليبي يذم المدرسة :
من طلب العلا نام الليالي وسحب البطانيه وقال انا مالي
خذالصفر ولا تبالي فان الصفر من شيمه الرجالي
دخلت الامتحان من غير تحضير فوجدت السؤال الاول عسير
والثاني لم اجد له تفسير والثالث كاد عقلي يطير
فدعوت الله ان يقرب ورقه زميلي مني ويبعد عيون المراقبين عني
اللهم عليك بدفتر الدرجات وحول الصفر الى مئات
اللهم عليك بالوكيل واجعل له خرطوماطويل
اللهم عليك بالاخصائي الاجتماعي واجعله ممن تنهشه الحيات والافاعي
اللهم عليك باستاذ الدين لانه كبيرالمنافقين
اللهم عليك باستاذ اللغه العربيه واجعله من عمالالبلدية
تغلب على الشعر الشعبي الليبي عده موضوعات؛ فهو يتحدث في مجالات مختلفه كالدين، والسياسة، والحياة،
والفخر في البلاد، والنسب والجاه. وهناك ايضا اشعار تتحدث عن الحب والفراق، والصبر، وحب الوطن.
وتلعب البيئه الصحراويه في ليبيا دورا كبيرا في هذا الشعر الفني الجميل؛ حيث يصف شعرهم
البيئة، واللهجة، وعادات الشعب الليبي الطيبة، ويصفون المناطق الخصبه فيها، ويتناول شعرهم ايضا امجاد شعبهم
القديمة، لا سيما قصص الشهداء في فتره الاحتلال الايطالي لبلادهم؛ فيتحدثون عن تلك القصص والتضحيات
والدماء التي سالت على ارضهم في اروع القصائد الشعريه الشعبيه خصوصا بطولات عمر المختار الذي
قيلت فيه الكثير من القصائد. ونذكر لكم في هذا المقال باقه من اجمل الاشعار الشعبيه
الليبية
شعر شعبي ليبي عن الصبر
اصبر علي المقسوم صبرك طيب
الصبر ما عمره رجاك ايخيب
اصبر علي الصاحب
حتى بعد يغلط عليك ايخيب
لا تعاتبه لا تتركه واتغيب
الصاحب الخيره راه ما يسيب
هذا زمان الود فيه صعيب
والقدر ناقص والرفيق اعطيب
والناس تمت في الكبير اتعيب
ويهزوا علي الشايب ايقولوا اشويب
اصبر على جيرانك
وديما معاهم عدله ميزانك
وحتى ان عابوا لين وصلت ذانك
اكتم السر وما عليه اتغيب
واللي جفا زود عليه احسانك
تلقي العدو منهم عليك احبيب
الجار مهما جار صون لسانك
ما دام وصانا عليه الطيب
اصبر علي شيابك
واطلب رضاهم قبل يوم احسابك
هم جنتك والا اسباب عذابك
يوم القيامه يفتحوا الكتيب
وجميع مادرته حواه اكتابك
والنار والجنه احذاك اقريب
لا واسطه لا فيه من يشقابك
الا الصالح من العمل والطيب
اصبر على ذريتك
وديما مع مولاك صفي نيتك
وارضى بمو مكتوب في قسميتك
لا اتحير لا تاكل اللي مو طيب
وبالغضب ما تقدر اتحل قضيتك
وبالصبر تفتح كل باب اصعيب
ومهما جرالك ما اتبيع هويتك
وقوه ايمانك دوم فيك اتهيب
اصبر ان حالك ضاق
وارفع ايديك وقول يارزاق
وحتى المعيشه كان ما تنطاق
راه الفرج عند الكريم اقريب
شعر شعبي ليبي عن الحب
ليتني دم بوريدك ادخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت اه
ليتني كلك وكلك..ليتك بحالي تشوف
غيره العاشق مصيبه والمصيبه في هواه
قصيده ليبيه اخرى عن الحب
يالعين توبي عالقديم وخلك معاي واتبعيني عالجديد اندلك
غزير اهدوبه توبي عليه وعن جراير صوبه
وين عورجت في النص بيك ادروبه عديه في عدد م الوقت ما حاصلك
وخليه في ضلالاته اذنوبه دوبه وانت باجر تجازى ويسجلك
بالك مع رايي اتجينا توبه على صوب سيوره ان طال يهلك
عالقديم وناره وعلى عمر عدا في رجاه اخساره
مرهون حر في رايه و فاللي داره ونا حر فيك ما انريد انضلك
سحبتي معاه خذاك في تياره يضمك امعاه وفي خفاء يفتلك
شعر شعبي ليبي حزين
ياما صار
وياما حكينا لبعضنا الاسرار
عشره سنين اطوال موش نهار
بذلتها بفراق من عاشرت
عمرك معايا قبل ما تحتار
واليوم مانعرفش كيف اخترت
عاش الغلاء بيناتنا باقدار
ومات الغلاء عندك وما خبرت
كميته اسرار وبحت بيه جهار
امنت وانت الحب بيه كفرت
يا ميم عيني يا زهاء الانظار
مشتاقلك وانت علي صبرت
وما عاد جتني من قداك اخبار
وماكش بعيد الدار لا سافرت
عشقتك عزفتك لحن عل لوتار
احساس بيك ع** الناس بيه شعرت
تمنيتك معايا في اول المشوار
لا اخترت غيري لا سواك اخترت
تحديت بيك الناروالتيار
