شعر عن العراق قصير
رساله من بغداد الى كل العراقين
احس روحي غريبه هنا من يوم التركتوني
تانيت سنين ودهر حتى ترجعولي
ثاري العمر كله انكضه وانتم هجرتوني
لميت جروح القلب ونشفت دموعي
وبثوب الحزن غنيت يا لرحتوا سمعوني
بغداد ذكروني ابوكت وكلمه اكتبوني
مريت وكت العصر ،، متعني يم حمود
خدرلي جاي وبجه ،، وسولف سوالف سود
كال انته من ياسلف ،، كتله ابفرات الجود
دورته بالخارطه لن الوطن مفقود
ومريت للمدرسه اتامل الطلاب
شو شفت طالب بجه وحط بين اديه كتاب
بيه خارطه للوطن وعيونه كله عتاب
كتله ابني كافي البجي بالصف تره ممنوع
يابويه بعدك طفل وتبجي ب*** مفجوع
كال انه بالخارطه الكيت الوطن مبيوع
ممنوع الفرح
متواعد ويه الفرح
والوعد صارله سنين
لا مر علي بحلم
ولا شفته شوف عين
ناشدت وين الفرح؟
كالولي متاسفين
ممنوع هسه الفرح ،، عن كل العراقيين
وطن بالايجار
حمودي ابني كبر
بصف الاول صار
شنطوه اول درس ؟
انطوه دور ودار
ردني وسالني الطفل
شتعني بابا الدار ؟
كتله الدار يعني الوطن
والدور يعني الجار
كالي غرفتنا بابا وطن ؟
كتله اي بابا
غرفتنا وطن ،، وطن
بس وطن
بالايجار
اعلان هام
فقد وطن اخضر اللون يدعى وادي الرافدين
يرتدي مليون نخله واهوار بحجم معاناته
عمره الاف السنين
يتجول في ازقته الموت
كان ملاذا للخائفين واصبح خوفا للامنين
تزين ارصفته دماء الاطفال الابرياء
الذاهبين الى المدارس
ليتعلموا كيف تكتب كلمه وطن
فعلى من يعثر عليه ان يصلي من اجله
ويضمد جراحه اللهم احفظه واهله الطيبين
دعوه الى العراقيين
ندعي سوه و احنه بهل الشده ،، ربي كل باب حزن مفتوح رده
و كل تدفق دم يا ربي سده ،، و كافي ياموت سيفك كاعد اتحده
مو صبرنا بصبر ايوب و جده ،، و صبرنه سنين تره وصل حده
مد يا فرح شوي فراشك مده
.شو امكطع خيوطك وجم عكده و عكدة
اخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
واذا في يوم الدمع نكر خده ،، واذا في يوم البحر نكر مده
و اذا في يوم الشتا نكر برده
و الصيف صار الثلج عنده ،، ما انسى العراق و لا انسى شمته
يكلولي بس الموت هذا العراق عنده
اموت بحضن العراق تره ماكو وطن بعده
لا والله ماكو وطن بعده
لا والله ماكو وطن بعده
يا محلى بغداد
احلى شي اببغداد لمن يصير غروب
فوق الجسر تمشي انته والمحبوب
ودجله تحظنك حضن وتحس العمر مافات
وشكد حلوه لمت هلك وياهم تتعشى بالكريعات
ولو تجي وتفتر بعد وتدخل على المنصور
طيبه وحنان وعشق واحلى طيور
والعيد عدنه حلو الله ياعيدي
يلله…خلي نقارن سوه !!
وايدك تضل بيدي .!.!
ايفل وبرجه..ومكه مول واهله
ومول الامارات وابن بطوطه
واهل لندن وكل تكساس
يرحون فدوه ونذر لشارع ابو نؤاس
