شعر عن الاهل والاحباب
ليت السفر بين المحبين ممنوع
تحجز جوازات المحبين بالذات
حتيش لوان السفر حق مشروع
المشكله لاهل الهوى حزن واهات
لاغاب خلك والرجاء فيه مقطوع
لابه رسايل توصلك واتصالات
الخط مغلق كنه الكرت منزوع
من ضيقتك تلعن جميع اشتراكات
تضرب على الكفين والقلب مفجوع
تضيق بك عقبه جميع المساحات
في ليل دامس ضايع مابه شموع
الفكر تايه في دروب المتاهات
العين تذرف بالدقايق له ادموع
والقلب عايش بين حسره وونات
ولوك تجر الصوت ماهوب مسموع
ياطول ما بينك وبينه مسافات
يمكن ظروفه مامشت له على طوع
ويمكن سلا فكره بروحه وجيات
سايح بدار المغرب والاجر مدفوع
يسرح ويمرح بين سجه ولذات
الجو صافي بين خضره وينبوع
وانت بسموم القيض مابه اجازات
الهم مدهالك من اسبوع لاسبوع
لاحل ذكرى الترف هليت عبرات
صار السفر كنه مثل حبه الكوع
جمع الحبايب سابع المستحيلات
بس الاكيد ان الغلا فيك مزروع
الحب يبقى بالضماير ولا مات
الصدق قلته والزعل دوم مرفوع
وقت السفر تبدي كثير المعانات
