روايه بقايا روحي للكاتبه ملكة الليل , من اروع ما قرات

فرح تتغشمر وياهم: ماشاءلله .. ماكلين مانطروا .. ولا قالوا في وحده هبله داخل..
فرح : انتي اللي قلتي اخذوا راحتكم .. لا انطري زينه تبدل وتجي شوفي شتسوي
الحين ..
امار : ايي عادي اختي لما تشوف الحلويات تصير مجنونه .. ماتشوف الا الكاكاو ..

ضحكوا مع بعض..انفتح الباب بسرعة
زينه : اكيد تحشون فيني .. ادري ادري احلاكم واجملكم ..والدلع مني وفيني ..
ماتوا البنات من الضحك …
امل : اذا الدلع منج وفيج مشكله ..
طالعتها زينه بنظره استعلاء .. وانفجروا يضحكون مره ثانيه .. زينه ملامحها حلوه لكن انها
متينه شوي والمتن هو اللي مخرب عليها ..
زينه وهي تاكل كيك .. : فكه اخيرا قدرنا نسهر عند فرح .. وسارا ..
وقفت زينه تقلد وقفت سارا وحطت ايدها على خصرها ..
زينه تقلد سارا: زينه انا معزومه على مطعم تبي اجيب لج شيء .. لا تستحين
.. قعدت وهي ترمي نفسها بقوه على الصوفا ..
زينه بغضب: اقص يدي اذا مو هي اللي عازمه عبد العزيز .. في احد عنده
هالجمال ويطالع الجيكره هذيك..
امار : زينه ..
زينه : شفيكم .. عادي لا هي زعلانه ولا شيء قاعده تضحك البنت ..
امل : بس يازينه ..
فرح بابتسامه مصطنعه : شفيكم عليها… ماعليج منهم .. قولي اللي بتقولين محد بيزعل صدقيني

كملوا ضحك وسوالف .. طالعت الساعه فرح .. اوو .. وقت صلاه المغرب ..
فرح : بنات : خل نصلي المغرب .. ونكمل السهره اهني .. وانا بشوف شنو
تحت بالمطبخ اكل اوكي ..
امل : اوكي .. يلا
وطلعوا .. دخلت فرح غرفه الملابس لبست بجامتها .. وصلت .. فكرت تنزل تحت اكيد
بيكون موجود او المغروره بتكون موجوده .. دقت على المطبخ .. وطلبت كيك .. وساندويتشات
.. وبيبسي وعصيرات انواع .. وبوب كورن .. وطلبت من الطباخ يسوي عشاء ويصعده الساعه
9 ونص .. وراحت تنظف المكان اللي كانوا قاعدين فيه وطلعت لغرفه الملابس تتاكد شكلها
.. خدها لما الان احمر ..وفقت تطالع شكلها.. خف اللون شويه طلعت البودره .. وهي
تحط انفتح باب الحمام .. رفعت عينها وجت في عينه.. نزلت البودره وراحت للغرفه حست
انها مخنوقه .. راحت للبلكونه وقفت شوي .. تستجمع قواها .. يارب انا مالي ذنب
باللي ابوي مسويه لهم .. ليش باذوني .. بس لو اعرف شالسالفه بس .. وتوصل
زينه ..
زينه بصوت عالي : فرح

فرح :هلا زينه انا اهني
زينه وهي متجه للبلكونه : زين .. قلت اكيد راحت تذبح الزفته سارا هههههههههههههههه
فرح وهي تقعد على الكرسي : لا تخافين سارا مو اكبر همي …
زينه : ايي لا تهتمين لها حيل .. ترى ام عبد العزيز هي اللي خطبتها
قبل لا تتوفى .. وعشان امه ماحب ينفصل عنها .. هذا تحليلي انا ..
زينه : بس بصراحه بصراحه .. عبد العزيز مو احلى منها .. احلى حيل مو
شويه ..
فرح : ههههههههههههههههههه
زينه : لو انه متقدم لي ما اتردد ثانيه ..
فرح مبتسمه : ……………..
زينه : ايي .. الله يهديج .. وين الاكل وين الضيافة.. لا يكون انتي من
النوع اللي مايعرف يضيف ضيوفه..
فرح : لا ماعرف اضيف .. وضحكت …
دخلت امل مع امار ..
امل : ماشاءلله .. صليتي زينه خلصتي ..
زينه : ايي الحمد لله ليش بلله تسالين
امل : لا بس ماشاءلله قبلنا اهني …
زينه : ايي بعد البنت وعازمتنا تبين ما اروح لها
امل وهي تطنز : لا لازم نروح لها شلون مانروح .. والاكل منو بياكله ..

زينه : انا واللي تمد يدها بكسرها … وانفجروا ضحك عليها ..
وقعدوا ضحك وسوالف .. لما صلوا الفجر .. وكل واحده راحت غرفتها … طبعا فرح
ماكلمت عبد العزيز من هذاك اليوم اللي طقها فيه ……………………………………………. ………………………………………….. ……………………
بعد يومين ..وقعدت الساعه 7 ونص ..حاسه فيها نشاط وطاقه .. طلعت من غرفتها ..
ونزلت لغرفه المكتب .. دخلت وسكرت الباب … من زمان وهي تفكر انها .. تقوم
باللي راح تسويه الحين .. بس شلون راح تقدر تسمع صوتها بدون ماتنهار .. من
7 سنوات وهي ماتدري عنها اي شيء .. من 7 سنين ماسالت عني .. يمكن
سالت بس ابوي مايخليها توصل لي .. كل سنه يغير البيت .. كل سنه ..
وقفت تطالع التلفون .. حاولت تمد يدها .. تنهدت بعمق .. ورفعت السماعه بتصميم ..
بس ماراح تكلم امها .. بتكلم جدتها .. اول ..
ودقت .. اول ثلاث دقات محد رد .. سكرته … وردت دقت ثاني مره ..
وقلبها ينبض بقوه .. وبسرعه ارتفعت السماعه من الجهه الثانيه .. ارتبكت .. واول ماسمعت
صوتها دمعت عيونها ..
جدتها : Hello …
فرح : ……………
جدتها: Hello ..
فرح : Nana…
جدتها : simantha honey …
فرح : nana .. I missed u ..
الجده : how are you .. are you ok ..?
فرح وهي تسمح دموعها : yes .. nana im ok.. what about you .. and
..
سكتت ماقدرت تكمل ..
بكتب لكم مترجم ..
الجده : اوووه عزيزتي سمانثا .. انا بخير ووالدتك بخير .. لقد بدات حياتها من
جديد ..
بكت فرح .. بدات حياتها .. و انا .. متى ببدا حياتها ..
فرح : ماذا عني نانا ..؟
الجده : حبيبتي .. لقد منع والدك والدتك من دخول الكويت .. اخيرا اقنعتها تكمل
حياتها ..
فرح : نانا .. وماذا عني .. ليس لي مكان اذهب اليه .. نانا ارجوك
.. انا احتاجكم الان .. اكثر من قبل .. نانا لقد زوجني والدي لرجل سيء
جدا ..
الجده : ماذا .. الست صغيره على الزواج عزيزتي ..
فرح : وهل تعتقدين ان لي يد في هذا .. لقد زوجني رغما عني ..
نانا .. سوف احصل على الطلاق .. لكنني احتاج الي مكان ابقى فيه .. نانا
ارجوك .. اخبري امي او اعطيني رقمها اكلمها ..
وبعد محاولات جاهده من فرح خذت رقم امها من جدتها .. وبسرعه سكرت التلفون ودقت
.. ومانتبهت على الوقت …. دقت على امها ويسبقها شوقها .. وكلها لهفه .. وامل
.. اخيرا بتلقى الصدر الحنون .. اخيرا بتنام بهدوء.. اخيرا .. بتحس بالامان .. الامان
.. شعور من زمان فقدته ..
دق التلفون ..
وسمعت صوتها من الجهه الثانيه .. انهارت .. نزلت عل الارض قعدت.. وقعدت عند جانب
المكتب وهي متكيه ظهرها عليه .. وبصوت مبحوح من البكي .. وبصوت يبحث عن بيرق
امل .. بصوت كله الم ..
همست فرح : Mama …
صقعتها رده الفعل اللي واجهتها .. سكرت امها التلفون في وجهها .. قطت السماعه وغطت
وجهها بايدنها تبكي .. ماتوقعت .. ماتوقعت ان امها .. بتسوي جذي .. تنساها ..
تمسح وجودها من حياتها .. يعني شنو .. مالي وجود .. احتاج لها .. ضاع
بلحظه حلم الامان .. ابي احس بالامان .. ابي انام بهدوء وقفت .. ورجعت دقت
علي جدتها .. وردت جدتها بسرعة
الجده : ماذا حدث ..؟
فرح : اغلقت السماعه في وجهي .. وانهارت تبجي ..
الجده : عزيزتي .. امهليها بعض الوقت .. هي الان في صدمه .. ارجوك ..
اعطيني بعض الوقت وسوف تقوم هي بالاتصال بك .. عزيزتي .. لقد مضت في حياتها
.. وكذلك يجب انتي ..
ستجمعت قوتها فرح ..
فرح بالم : مضت .. مضت .. و انا .. انا ابنتها يجب ان تفكر
في كل يوم كل ساعه كل دقيقه كل ثانيه .. هل انا بخير هل انا
مريضه .. نانا .. انا ضائعه .. احتاج من يرشدني .. ارجوك
الجده : لا تقلقي عزيزتي .. دعي الامر لي ..
فرح : حسنا .. يجب ان اذهب الان ..
ندمت .. بس ماندمت على شيء اكثر من انها فكرت انها تتصل على امها وجدتها
.. سودت الدنيا في عيونها تحركت تبي تطلع .. انصدمت لما شافت عبد العزيز واقف
.. بغرفه المكتب ومسكر الباب بعد .. متى دخل .. ومتى سكر الباب .. تشابكت
عيونهم .. وعيونها كلها دموع .. اول مره ماتفهم نظرته .. تحركت وصارت مواجهه له
بس بالطرف الثاني من الغرفه .. اخيرا تكلم ..
عبد العزيز : شتسوين اهني .. ؟
فرح : ولا شيء بس كنت ابي اتكلم بالتلفون .. وابتسمت ..
فجاه انفتح الباب .. التفت عبد العزيز على الباب وراح له .. وغطى بطوله على
وجود فرح .. وسمعت الصوت فرح وعرفته هذا ابو عبد العزيز ..
ابو عبد العزيز : متى بطلق هذي .. انا قلت لك بس اسبوع ..
عبد العزيز : ……….
ابو عبد العزيز : انا قلت ننقم من ابوها .. بس ماكنت ابيك تتزوجها ..
كنت بتزوجها .. بس ماحبيت احط وحده مثلها مكان امك .. وفكرت في اخوك بس
حرام زوجته توها حامل .. قلت ماعندي غير عبد العزيز .. انا قلت ذلها مو
تزوجها .. ليش تزوجتها ..
عبد العزيز : تامر… بس انت روح افطر وانا الحين اجيك ويصير خير ..
ابوعبدالعزيز : اسمع .. اللي سواه ابوها في اختي ماراح اطوفه له بالساهل .. مثل
مافضحنا من 20 سنه .. انا ابي امرغ خشمه بالتراب .. ابيك تعذبها .. وتعذب
ابوها معاها .. وتذلهم فاهمني ..
عبد العزيز : ………
خلص هواء العالم كله .. حست بدمها يجمد بعروقها .. ونزلت عليها الكلمات كالسيف ..
قطعها نصفين .. حست بحركه رمشت بعيونها .. وشافت عبد العزيز .. يتحرك لها ..
اشرت له يوقف مكانه .. ابتسمت .. وبسرعه البرق .. طلعت من الغرفه .. تمنت
انها .. لو تطلع من الفيلا كلها .. دخلت غرفتها وقفلت الباب .. انهارت على
الارض تبكي ..
………………………………………….. ………………………………………….. …………………..
بنفس اليوم في وقت متاخر بليل ..

حاسه بغصه .. ودموعها .. مبلله عيونها .. حاسه بقهر .. وظلم .. لذنب انا
ما اقترفته .. يعذبوني عشان اخطاء غيري .. ادري ابوي .. لكن تدمر حياتها ..
لخطا اقترفه هو .. ولا يسال فيني .. لو قتلوني ..ااه لو يقتلوني احسن من
الذل اللي يبوني اشوفه .. والحرب النفسيه اللي يمارسونها علي .. وقعدت تبجي .. حاسه
بالضياع .. تروح لمنو .. او تشكي لمنو .. ااااااااه يااااضيقه بالصدر عيت تروح ..
اكره حياتي .. اكرههاا ..

انفتح باب غرفه الملابس ودخل عبد العزيز وهي ماحست فيه .. بعالم ثاني .. كانت
لابسه بجامتها البيضاء .. ولافه شال وردي عليها .. ورافعه ركبها لعند صدرها…
قطع تفكيرها صوته..
عبد العزيز : فرح ..
التفتت عليه .. وطالعته .. كان واقف عن الصوفا .. وطويل .. لاحظت تغير نظراته
لها .. ماتدري يطالعها بشفقه .. او شنو.. نزلت عيونها عل الارض .. وتحركت ووقف
قدامها ..
عبد العزيز : فرح .. انا ماكنت ابيج تعرفين بهالطريقه ..
ابتسمت بالم.. لا والله .. فيك الخير .. طبعا ماقالتها .. كان بينها وبين نفسها
التعليق..مارفعت عيونها عليه ..
عبد العزيز : فرح …
رفعت راسها بهدوء تطالعه .. وعيونها تبين الالم اللي تخفيه في داخلها .. عرق بجبهته
نبض فجاه ..
نزلت عيونها .. ما تقدر تطالعه .. صار هم بالنسبه لها غير الهموم اللي عندها
.. صار لازم تدفع ثمن لهم مو اي ثمن .. ثمن غالي .. حياتها راح
تنتهي على يديهم .. صارت دموعها تنزل من دون ماتحس ..
عبد العزيز : فرح .. انا بخليج بذمتي اربع شهور وعقبها .. بعطيج ورقتج ..
وصدقيني من اليوم .. لما تنتهي المده .. ماراح اخلي شيء ياذيج ..
ضحكت .. بوسط دموعها .. ضحكت .. استغرب هالضحك …
عبد العزيز : شفيج .. ؟؟
فرح وهي تمسح دموعها : تبي تقول انك ماراح تذلني لا انت ولا اهلك من
اليوم لما ..
قطع كلامها …
عبد العزيز : محد راح يذلج او ياذيج .. وعد مني ..
فرح : ولا راح تطقني ..
ابتسم عبد العزيز : ولا راح اطقج مره ثانيه .. فرح .. انا اقدر اشاركهم
انتقامهم .. بس عندي بنت .. وسكت فجاه ..

فهمت فرح انه خايف على بنته لمى .. ابتسمت بالم.. تمنت ان احد يخاف عليها
.. يحسسها انها شيء مهم في حياته .. اي احد .. قطع عليها افكارها صوته

عبدالعزيز : فرح ..
رفعت راسها تطالعه .. حتى وهو قاعد .. له هيبته ..
عبدالعزيز : وعد مني .. محد راح يمد ايده عليج .. او يلمس شعره من
راسج ..
حست .. بالامان .. ابتسمت .. لشعور الامان .. شعور فاقدته من زمان .. شعور
جميل عندما تحس بالامان .. اااااااااه طلعت من قلبها مو من لسانها .. تنهدت ..

فرح : عبدالعزيز .. ليش ابوك يكره ابوي شنو الشي الشنيع اللي سواه ابوي ..
لابوك ..
طلعها بدهشه .. من جرئتها .. استغربت هي كلامها .. مو مع اي احد تاخذ
راحتها .. بس اليوم .. تبي تعرف ولازم تعرف…
قالها عبدالعزيز .. القصه .. ان ابوها كان عايش قصه حب مع عمته الصغيره ..
وتقدم لها كم مره بس لانهم على قد حالهم .. مارضوا اخوانها .. واقنعها ابو
فرح انها تهرب معاه .. ويتزوجون ويحطون الكل قدام الامر الواقع .. وفعلا هربت معاه
و تزوجها .. ولقوها اخوانها .. وطقوها طق .. وماتت من اثار الطق.. وكانت اخت
ابو عبدالعزيز الصغيره ويحبها حيل .. وفي باله ان ينتقم لاخته لانه ابو فرح هو
السبب في قتلها .. انصدمت فرح .. عرفت ليش ابوهم تغير لما رجعوا الكويت ..
وليش كله يقعد بغرفه المكتب .. وصوره البنت اللي لقتها امها بدرج ابوها .. وبسببها
انفصلوا .. تذكرت كذا موقف حصل .. خلاها تكره ابوها .. بس كان يحب زوجته
الاولى .. بس ماكان يبرر له عدم مساعدتها .. لما كانوا يتحرشون فيها .. وهي
تصرخ ساعدني وهو يضحك عليها .. قدام ابوها ماكانوا يسون شيء .. بس يعطيهم ظهره
.. كانوا ياذونها .. وياذونها حيل .. نزلت راسها وهي تفكر ..
فرح : عبدالعزيز .. اقدر اطلب طلب .. اسمعني للاخر ارجوك ..
عبدالعزيز : …
فرح : عبدالعزيز .. لا تطلقني ..
عبدالعزيز: ….
فرح :.. ارجوك .. وكملت وهي تطالع الارض
فرح : بس صدقني ماراح تحس بوجودي بحياتك .. بكمل دراستي .. وبشتري لي شقه
واعيش فيها ..
قاطعها بسرعه ..
عبدالعزيز : بروحج ..!!!
طالعته فرح .. وبان الالم في عيونها .. مايعرف .. بحياتها شنو مرت فيه ..
ماتبي شيء .. تبي تعيش بسلام ..
فرح : ايي بروحي .. مابي شيء من احد ولا احد يطالبني بشيء .. ابي
بس اعيش بروحي واتوظف.. وانت.. كمل حياتك مع سارا .. والله يوفقك وياها ..
ماتكلم .. تم يطالعها .. نزلت عيونها بسرعه تدري الحين لو سالها شفيج بتبجي.. وبعد
دقايق كانت .. لها سنوات .. تكلم ..
عبدالعزيز : ليش..
وفعلا .. من انهى كلمته.. نزلت دموعها .. مسحت دموعها .. باطراف اصابعها الناعمه ..
وبعلت الغصه ورفعت راسها .. طالعته .. بنظره .. تبيه يفهم .. يعرف .. انها
من كان عمرها 3 سنوات .. وكل اللي حولها يتحرشون فيها .. تعبت من الخوف
.. تعبت من الضياع .. وبسن مهم تركتها امها .. عند اب عديم احساس ..
وكان يخليها .. عند بيت اخوه .. اللي هو عمها .. اللي كان ولده ..
يتحرش فيها .. من بين كل البنات .. الا هي .. تعبت من الوحده ..
محد مهتم .. محد يسال عنها .. ان بكت .. او انزفت من وريدها ..
محد يدري اصلا انها موجوده .. تعبت .. ابي ارتاح .. ابي انام بليل ما
احاتي بكره منو بواجه وشلون بدافع عن نفسي .. تعبت .. من الوحده احتاج ..
قلب .. يضمني .. قلب .. ينسيني الالم .. قلب انام باحضانه .. تعبت
فرح : …….
عبدالعزيز : فرح .. قولي لي .. ليش ماتبين احد .. وليش ماتحبين احد يلمسج
.. وتتضايقين ..؟؟؟
شهقت .. شهقه .. طلعت بركان .. في قلبها كان يبي فتحه ينفجر من خلالها
.. بكت بصوت عالي .. بكت بالم حطت راسها على الصوفا وغطت وجهها و قعدت
تبكي .. ماقدرت تسيطر على بكاها .. انهارت … اول مره احد يسالها تتكلم عن
اللي فيها .. اللي في قلبها .. ظلت تبكي .. لما تعبت .. حست بحركه
حولها .. توقعت عبدالعزيز طلع .. رفعت راسها .. تفجات بعبدالعزيز واقف عند راسها ويمد..
لها قلاص ماي .. اخذت الماي .. وشربت .. شويه .. بس تبلل ريقها ..

عبدالعزيز : قومي غسلي ويهج .. وتعالي ارتاحي .. ولا تحاتين شيء ..
قامت مطيعه .. راحت الحمام .. وغسلت وجهها .. ورجعت الغرفه .. مالقت احد ..
نامت ..

بعد يومين ..
اسمعت صوت الباب ينطق .. قامت من مكانها بكسل وفتحت الباب ..
زينه : انتي لما الحين نايمه .. الساعه 11 الظهر وانتي نايمه …
فرح بابتسامه : هلا زينه .. تفضلي ..
لكن زينه مادشت .. تمت واقفه عند الباب ..
زينه : شعندج سهرانه .. لا يكون مسويه ليله حمراء عشان الحبيب يبي يسافر اليوم
.. وغمزت لفرح .. تغير لون وجه فرح .. من الفكره.. اصلا ماتدري انه بيسافر
.. من هذاك اليوم .. ما كلموا بعض .. يدش ينام ويطلع .. او يسهر
على اللاب توب ..
فرح بتوتر : لا .. ابدا.. بس
وقاطعها صوته وهو داخل من غرفه الملابس ..
عبدالعزيز : وليش تسالين .. انسه .. زينه .. معارضه.. انه زوجتي تسهر معاي..
تغيرت ملامح زينه ..
زينه : لا بس .. اتغشمر وياها .. احب اتغشمر ويا فرح بهالسوالف .. صح
فرح ..
عضت فرح شفايفها .. الحين شنو بيقول .. بس تفكر بهالسوالف .. الله ياخذ بليسج
يازينه .. شوهتي صورتي قدامه .. وانا اللي مسويه فيها عاقله .. ياربي شهالاحراج ..
ماتكلمت فرح ولا كلمه .. بس كان ودها تذبح زينه وتطقها .. بس ماتقدر جدام
عبدالعزيز ..
زينه : ها فرح تروحين معانا السوق .. نبي نطلع نتغدا برا ..
فرح بتردد : لا .. انا اسفه .. بس اليوم ماقدر اطلع ..
زينه : ليش .. اليوم ماتقدرين .. يعني مو متحمله مفارق عبدالعزيز .. يبه يوم
وراد صح عبدالعزيز ..
عبدالعزيز وهو واقف جنب فرح .. بس بينهم مسافه ..
عبدالعزيز : ههههههههههههههههه .. ان شاءلله ..
زينه : تروح وترد بالسلامه .. اهم شيء صوغتي مو تنسى .. ها يا مدام
فرح شنو عذرج الحين .. بتروحين
فرح : زينه حبيبتي اليوم انا تعبانه والله .. خليها مره ثانيه ان شاءلله ..

زينه : شنو يعورج قولي لي انا اساعدج .. تبين اخلي عبدالعزيز يوديج الطبيب انتي
بس تكلمي .. عزوز يله الطبيب المره تعبانه تقول ..
فرح بعصبيه : زينه …
تبيها تفهم .. بس زينه دعله .. ماتفهم .. على الطاير..
زينه وعبطها : نعم شفيج تصرخين علي هذا وانا اقول خل نوديها الطبيب .. خلاص
مانبي نوديج خليج .. وشوفي منو بيوديج .. تعال .. تعال عزوز معاي هذي مو
كفو
عبدالعزيز : هههههههههههههههههههه .. بس زينه يلا فارجي .. ورينا عرض كتافج .. بره
هزت فرح حواجبها لزينه تبي تحرها ..
زينه : انزين .. هين .. مره ثانيه ماعزمج .. خلي عزوزج ينفعج .. قابليه
وشبعي منه
طلعت وسكرت الباب وراها .. انحرجت فرح من كلامها .. ياربي .. ردت سريرها ..
واول ماقعدت تكلم ..
عبدالعزيز : ليش ماتبين .. تروحين معاهم السوق .. روحي غيري جو ..
ابتسمت وطالعته ..
فرح : والله تعبانه.. ظهري يعورني .. من السرير .. وابي اقعد بروحي شوي ..

عبدالعزيز : صارلج يومين بالغرفه ماتطلعين .. وتبين تقعدين بعد ..
فرح : تعودت اقعد بروحي .. صرت احب اقعد بروحي .. جم سنه وانا تتقفل
علي الغرفه .. عادي ..
عبدالعزيز : منو اللي يقفل عليج الغرفه .. ؟؟؟؟
فرح : ابوي بعد منو ..؟؟ كان يقفل علي الباب ايام وليالي… تعودت على الظلمه
.. وتعودت اقعد بروحي .. زين لما الحين ما انجنيت .. هههههههههههههههههههه
غرقت عيونها .. وكملت
فرح : بس حاشني .. اكتئاب .. ووسواس قهري .. بس ههههههههههههههههههه
عبدالعزيز : من متى هالكلام .. ؟؟
فرح : من تركتني امي .. وانفصلت عن ابوي .. وسكتت حست انها تكلمت وايد
اليوم مو من عادتها .. بس الظاهر من الاحراج اللي سببته زينه … ماتكلم عبدالعزيز
.. وتم ساكت فتره ..يطالعها .. نزلت عيونها بسرعه.. ماتحب احد يطلعها .. تحس بالانزعاج
..
وراح لسريره ونام .. لاحظت فرح ان السرير كان مرتب يعني من امس مانامم بالغرفه
اهني ..تمددت على السرير اللي هو اصلا صوفا .. وكملت نومتها ..

قعدت .. وهي حاسه بكسل .. قامت .. خذت شاور سريع .. ولبست تي شيرت
طويل .. وتحته جينز .. ونشفت شعرها .. ورجعت الغرفه .. عبدالعزيز .. مو موجود
اكيد طلع وهي نايمه .. وفجاه انفتح الباب عليها بقوه ..
زينه : شتسوين .. عزوز وسافر انتي شتسوين ..
فرح .. وهي تتنهد من الخرعه اللي سببتها زينه ..
فرح : ماسوي شيء .. شفيج انتي ماتطقين الباب ..
قاطعتها زينه : ليش اطقه .. زوجج ومسافر .. الله يحرسه .. وانتي بروحج ..
ليش اطقه .. المهم .. المهم ..
فرح : شنو المهم ..؟؟؟؟
زينه : يله قدامي .. تعالي اقعدي معانا .. بوريج شنو شريت اليوم من السوق
.. واحتمال عقب باجر قبل لا نرد الكويت .. نروح نقص ونصبغ شعرنا ..
فرح : انتي ومنو .. ؟؟
زينه : يعني منو .. انا وست الحسن امار .. وتدرين امل ماتقدر لانها حامل
.. فبتقص شعرها بس ..
فرح : الله ابي اروح معاكم اقص شعري .. بحياتي ماقصيته ..
زينه وعيونها بتطلع من الدهشه ..
زينه : شنو .. ماعمرج قصيتي شعرج ..
فرح : لا .. ولا مره قصيته .. ولا صبغته .. احط مع بنات عمي
حنا بس ..
زينه : ههههههههههههههههههههههه يحليلج تعرفين حنا بعد ..
فرح : ليش .. ماعرفها .. شقالوا لج عني ..؟؟
زينه : لا بس امل تقول ان امج امريكيه صج ..
انصدمت فرح شلون درت امل وهي ماقلت لاحد الا عبدالعزيز .. اكيد قايل لهم ..

فرح : ايي امي امريكيه ..
زينه : وانا اقول هالزين .. زين مكسيكي…
فرح : هههههههههههههههههههههههههههه .. الحين اقول امريكيه تقولين مكسيكي ..
زينه : هذي نفس هذيج .. بعدين انتي تشابهين الممثله المكسيكيه تاليا .. حيل مو
شويه .. وانتي على احلى بعد
رموشج كثيفه تبارك الرحمن .. ولون بشرتج .. عجيب .. اتمنى اكون مثلها ..
فرح : هههههههههههههههههههههههه يحليلج يااا زينه .. يله امشي خل ننزل للبنات .. تحت ..

زينه : لا مو تحت بغرفتنا .. امل و امار قاعدين هناك .. تعالي ..

فرح : يله انا معاج ..
وراحو الغرفه وقعدوا اهناك .. وسوالف وضحك ..
امل : يله كل وحده تقول سر محد يعرفه عنها …!!
زينه : ايي ايي .. يلا نبدي في فرح ..
شرقت فرح بالعصير اللي تشربه .. وقامت تكح ..
فرح : ليش انا اول .. ليش مو انتي زينه ..؟؟
زينه : غرفتي وانا اتحكم .. يلا قولي .. شنو السر ..
فرح بدلع : امممم .. مابي انا اول … امل خليج انتي اول ..
امل : زين .. بقول بس والله والله ان طلع عن هالغرفه اذبحكم …
زينه : قولي خلصينا..
امل بتردد : كنت .. اكلم .. حمد .. قبل .. العرس بالتلفون …
زينه : ويييييييييه قديمه .. كل العايله تعرف ..
امل بصدمه : شنو .. ؟؟؟
امار + وفرح : ههههههههههههههههههههههههههههههههههههههههههه
زينه : والله الكل كان يدري انكم تحبون بعض .. والكل كان يدري انكم تكلمون
بعض .. عادي ماما حياه سعيده..
امار : ايي عدل كلام زينه .. كل العايله تدري .. هههههههههههههههههههههههههههه
امل ووجهها احمر : ومحد قالي .. وانا عبالي محد يدري الا انا وهو ..

زينه : مو زوجج اهو اللي فضحكم .. قال لامه .. وامه تدرين انتي بخور
السوق الكل عرف هههههههههههههه يحليلج انتي اسرارج ..لا تكثرينها .. يله مدام فرح .. شنو
السر قولي .. بسرعه ..
فرح : انتي تلفين وتدورين علي ماراح اقول .. ارتاحي ..
زينه : لا تخليني ادق الحين على عبدالعزيز واقوله الحق زوجتك حامل ..
انصدمت فرح من زينه ..
فرح بدهشه : شنو حامل .. انتي فيج شيء ليش حاطه علي جذي..
زينه : من كثر ما احبج .. واحب عبدالعزيز .. يلا قولي ..
فرح : لا والله ..
زينه : ايي والله .. يلا قولي بسرعه ..
فرح : زين بس مابي تعليقات تغث الله يخليج زينه ..
زينه : حاظر .. وحطت يدها على حلجها يعني ماراح تعلق ..
طالعتهم فرح .. وهي متردده .. من زمان محد شافها بدون عدسات .. نزلت العدسه
الاولى محد تكلم .. نزلت العدسه الثانيه .. الكل شهق ..
امل : ماشاءلله تبارك الله ..
امار : سبحان الله .. اول مره اشوف اعيون لونين .. ماشاءلله تبارك الرحمن….
زينه : وانا اقول .. لما فتحت الباب اليوم .. شفيها ناسيه عدساتها .. او
انا خربت عليها وهي تبي تلبس للزوجها .. طلع طبيعي .. والبنت .. توها قاعده
من النوم.. ماشاءلله .. ماشاءلله ..
فرح : هههههههههههههههههههه تصدقين نسيت البسهم هذاك اليوم .. مو من عادتي انساهم .. بس
نسيت ..
زينه: احسن لا تلبسينهم .. جذي احلى شكلج واروع…. انا مادري شلون عبدالعزيز عنده هالجمال
.. ويفكر بالشغل .. لا ومجمع العايله الكريمه عنده بشهر العسل .. موصاحي
امار: فرح .. ترى كثره العدسات موزينه للعين .. تسبب التهابات ..
فرح : ادري .. شكثر اعاني منهم .. واعرف الحين اذا انحراف بالقرنيه .. او
فايرس .. صرت خبره بهالسوالف .. بس لانه بيت عمي كانوا يقولون كلام … يجرح
.. لانه عيوني .. مو نفس اللون .. وحده خضراء ووحده عسليه .. غير المدرسه
.. غير اللي اعانيه .. خلال يومي .. يابنت الحلال خليها على الله ..
امل : الله جان زين يصير عندي بنت تشابهج فرح .. والله ماخلي احد يبوسها
..
الكل : ههههههههههههههههههههههههههههههههههههههههههه
وتموا … يسولفون ويضحكون .. لما .. الساعه 2 ونص بليل .. وبعدين كل وحده
راحت غرفتها ..

بعد يوم ..
دخلت فرح الغرفه .. وهي تركض وقفلت الباب وراها .. وهي تضحك .. سعت صوت
زينه من ورا الباب
زينه : انزين يا فرحوه .. ان مارديتها لج ماطلع .. زينه .. هين ..

فرح واقفه تطالع الباب وتضحك ..
فرح : بس انتي اللي بديتي مو انا ..
زينه : ولا راح اخليها لج هين .. هالمره ماراح تقدرين علي..
ضحكت فرح والتفتت للغرفه .. شافت عبدالعزيز متمدد على السرير .. يبي ينام ..
فرح : اوووه.. انا اسفه .. ماكنت ادري انه في احد بالغرفه .. مواقولك حطي
غرفه بروحي مو راضي ..
مارد عليها عبدالعزيز .. ولف وجهه لجهه الثانيه .. افا يطنش .. عادي.. مفروض اتعود
على التطنيش مو احد يهتم فيني.. ايي الله كريم .. راحت لغرفه الملابس .. عشان
تطلع لها ملابس قبل لا تروح مع البنات تقص شعرها .. فتحت الخزانه .. فشله
.. لو احد يفتحه .. والله فشله .. ملابسها ماخذه طرف الخزانه.. والباقي من ملابسها
قبل الزواج .. شنو البس الحين .. ياربي ..احتارت شنو تلبس.. واخيرا قررت .. بنطلون
جينز .. مع قميص اكمامه طوله .. وهو طويل للاعلى الركبه .. وعليه رسمت بنيه
حلوه .. يلا خل البسه .. انا شنو خسرانه .. واصلا طلعت بنات .. خل
نستمتع .. وطلعت لها .. ملفع نفس الوان القميص .. تقريبا .. وراحت تلبس استعدادا
للطلعه .. خذت شاور .. وبخرت شعرها .. وحطت خمريه .. ولبست ملابسها.. وقامت تنشف
شعرها .. وتسرحه .. نقزت لما سمعت صوته ..
عبدالعزيز : وين بتروحين ..؟؟
فرح وهي حاطه يدها على قلبها ..
فرح : خرعتني.. بروح مع البنات الصالون ..
عبدالعزيز : واستاذنتي .. ؟؟
انصدمت .. ماتوقعت انه .. بيقول هالكلام ..
فرح : ….. لا .. بس اتفقت مع البنات انه نطلع اليوم ..؟؟
عبدالعزيز: حتى لو اتفقتي مع من يكون .. قبل لا تعطينهم كلمه لازم تستاذنين ..
والا ماتدرين اني زوجج .. وماتطلعين الا بشوري ..
عقدت حواجبها ..
فرح : بس .. وسكتت
عبدالعزيز : بس شنو ..
نزلت راسها ..
فرح : لا ولا شيء .. تحركت .. تبي تطلع من الغرفه ..
عبدالعزيز : وين ..؟؟
وقفت .. مكانها .. والتفتت عليه ..
فرح بياس : بروح اعتذر من البنات ..
عبدالعزيز : خليهم يروحون وانا راح اوديج .. بس اخذ شاور..
حست بالسعاده .. يعني بتروح تقص شعرها .. وناسه .. لا شعوريا .. صفقت مرتين
..وطلعت من الغرفه ..
وخذت تلفونها .. اللي ماتدري عنه من ايام .. دقت على امل ..
فرح : قوه امل ..
امل : هلا فرح حبيبتي .. جاهزه ..
فرح : ماعليه امل حبوبه .. انا ماقدر اطلع معاكم .. عبدالعزيز يقول انا اوديج
.. انتوا سبقوني وانا الحقكم ..
امل : اوكي .. ننطرج بالسوق .. ونطلع مع بعض الصالون .. شرايج ..
فرح : اوكي.. يعطيج العافيه .. واسفه اذا اخرتكم ..
امل : لا عادي ولو .. يله باي
فرح : باي
سكرت السماعه .. وراحت تكمل لبس .. صوت الماي .. يعني لما الحين ماخلص ..
بسرعه لمت شعرها .. وقعدت تطالع .. شنو (عزكم الله ) نعال تمشي مع بدلتها
.. قامت تدرو بالخزانه بسرعه .. قبل يطلع من الحمام.. بسرعه .. لقت .. (عزكم
الله ) نعل ناعم اسود .. باصبع وعليه ورده بيضاء .. بين الاصبع الاول والثاني
.. اخذته .. وركضت للغرفه .. لانه صوت الماي وقف.. بسرعه سكرت الباب وقعدت على
الصوفا لما يخلص عشان تلبس حجابها .. بعد دقايق .. دخل للغرفه عبدالعزيز .. ياربي
وسيم .. لابس بنطلون جينز مع تي شيرت .. وشعره مبلل .. تحركت فرح تبي
تروح لغرفه الملابس .. بس كان ساد .. الطريق .. وقفت ثواني تبيه يتحرك ..
ماتحرك .. تكلمت ..
فرح : ممكن شويه ..
عبدالعزيز : بتروحين جذي .. وطالعها من فوق لتحت ..
حست بالاحراج من نظراته .. نزلت راسها .. تطالع نفسها .. لبسها مو ضيق حيل
.. ولا فاضح ابدا .. ليش معارض ..
فرح : ليش .. حلو ..
عبدالعزيز : بس مو لبس طلعه .. او وحده متحجبه ..
حست بالغضب .. ليش يقول هالكلام .. ليش يحب يضايقني ..
فرح : يعني ماتبي توديني ..
عبدالعزيز : غيري ملابسج وانا تحت انطرج .. بسرعه ..
طلع .. ركضت بسرعه للخزانه.. طلعت لها بنطلون جينز مع قميص واسع وطويل للركبه وبسرعه
لبسته .. ونزلت تحت.. ماخذت 10 دقايق .. مالقت احد طلعت للحديقه عند السيارات ..
لقت عبدالعزيز ومريم .. واقفين عند السياره .. طالعها عبدالعزيز .. واشر لها تصعد السياره
.. وكانت مريم قاعده بالكرسي الامامي .. بما ان فرح تكره مريم ماحبت تقعد وراها
راحت وقعدت ورا .. السايق .. اللي هو عبدالعزيز .. قعدت بس ماصعد عبدالعزيز ..
ثواني وطلعت .. سارا .. تفجات فرح .. ماتوقعت انه بياخذهم معاهم .. حست بالضيق
.. توقعت سارا تقعد يمها بالخلف لكن هيهات .. قامت مريم .. من مكانها وصعدت
سارا .. وقعدت مريم بالخلف مع فرح.. صقعت فرح .. ولفت وجهها للدريشه .. ماتوقعت
هالدناءه منهم .. لكن .. من اكون عشان اتوقع منهم شيء لي ..انا بالنسبه لهم
نكره.. ويبيون يتخلصون منه باقرب وقت .. تحركت السياره اخيرا.. وطول الطريق محد يسولف غير
سارا ومريم ..
سارا : شرايج مريوم .. نروح السوق اول بعدين نحجز كيكه لمى ..
مريم : ايي احسن خلي الكيكه اخر شيء .. ونبي نشتري هديه للمى .. ياحياتي..

سارا: ايي .. بس مادري شنو اختار لها زي هالسنه ..
والتفتت على عبدالعزيز.. وكملت كلامها..
سارا: ها حبيبي .. شنو تقترح لعيد ميلاد لمى ..
طالعها عبدالعزيز بنظره جامده …
عبدالعزيز : اساليها .. وسكت .. وكمل يسوق السياره .. ومانتبه للعيون الناعسه اللي تراقبه
.. تراقب ملامحه وهو يتكلم .. تحس بشعور غريب بس ماتدري شنو .. رفع عينه
للمنظر الاماميه وتشابكت نظراتهم .. وبسرعه التفتت للدريشه ..

بالسوق ..
سارا وماسكه ايد عبدالعزيز .. ومريم جنبهم .. فرح تمشى اخر شيء وبعيد عنهم ..
وكل مادخلوا محل وقفت فرح بره .. تتصل على امل بس ماترد عليها .. ياربي
هذي وين راحت .. وخلتني مع هالغولتين .. وعلى هالحال .. يدشون كذا محل وفرح
بره .. وقفت عن زاويه باب المحل ..وطلعت تلفونها .. بترسل رساله لامل يمكن ترد
عليها … وهي تكتب المسج .. حست باحد.. رفعت راسها تطالع ..
عبدالعزيز : ليش ماتدخلين المحل وتشتري لج شيء ..؟؟
فرح : لا مابي شيء .. مشكور ..
عبدالعزيز : روحي اختاري اي شيء ومالج شغل بالحساب انا ادفع ..
فرح حست بالاحراج .. بحياتها محد عطاها شيء .. او قالها انا اشتري لج شيء
.. والحين عبدالعزيز .. يبي يتفضل عليها بشيء .. لا انا مو محتاجه شيء من
احد .. ولا اتوقع من احد شيء تجاهي ..
فرح : لا مشكور .. مابي شيء كل اللي احتاجه عندي .. مشكور ..
.. كان يبي يقول شيء .. لكن تفجا .. بسارا تمسكه من ايده ..
سارا : عبدالعزيز .. تعال شوف شرايك بهذا ..
ودخلت معاه المحل .. تنهدت بعمق فرح .. الحمدلله راح ولا حاول يضغط عليها ..
ياربي وين راحت امل .. حاسه باحباط لاني مع الغولتين سارا ومريم .. اوووووووف ..
وطلعوا .. وحبوا سارا ومريم يتقهون .. فدخلوا كافيه .. قعدت مريم على الكرسي وحطت
جنطتها على الكرسي اللي جنبها .. عشان فرح ماتقعد .. وراح عبدالعزيز .. يستلم الكيك
والكوفي .. طبعا فرح ماطلبت شيء .. وسارا قعدت .. وقالت لفرح ..
سارا : فرح قعدي عالطاوله اللي ورانا .. عادي ترا .. لانه عبدالعزيز بيقعد جنبي
.. ومثل ما انتي شايفه .. مافي مكان لج .. مجرد اربع كراسي..
تحركت فرح .. للطاوله اللي وراهم .. وقعدت فيها .. حاسه بكابه العالم .. فيها
.. اكرها واكره عبدالعزيز معاها .. ليش ماخلاني اروح مع امل .. وطلع هو مع
حبيبه القلب .. الله ياخذني .. استغفر الله .. استغفر الله .. تجمعت دموعها بعيونها
.. خلاص مو قادره اتنفس .. لازم اطلع من هالمكان .. وطلعت من الكافيه ووقفت
بره مسحت دموعها .. حاولت تتصل على امل .. وماردت امل .. سكرت التلفون بياس
وتنهدت .. وماحست الا باللي ماسكها من ذراعها .. ويلفها صوبه ..
عبدالعزيز : شتسوين اهني ..؟
طالعته فرح نظره .. يعني انت شدخلك .. وصدت عنه ..
قال وهو يصر على اسنانه ..
عبدالعزيز : فرح …
رفعت عينها عليه .. ودموعها متجمعه في عيونها .. وقالت
فرح : I hat you…

تنهد عبدالعزيز .. وتكلمت .. وهي تحاول تمسك دموعها لا تنزل
فرح : ليش ماخليتني اروح مع امل ..!!
عبدالعزيز : تبين تروحين لها ..؟؟
فرح : ايي ..
عبدالعزيز : تعالي معاي .. مسكها من ايدها .. وتحركت معاه بدون ما تعارض
وهو يمشي طلع تلفونه .. ودق على احد ماتدري منو .. بس حسب مافهمت من
الكلام انها مريم .. قالها رجعوا مع السايق .. وانه عنده مشوار صغير ..
ورد دق .. محد رد عليه .. ودق ثالث مره ثانيه .. وكلم احد واخذ
منه وصف المكان .. وصل السيارة.. وترك ايدها وصعد .. وصعدت .. فرح بالخلف ..
ماتحركت السياره .. رفعت راسها .. تطالعه ..
عبدالعزيز : سايقكم انا تقعدين وراي ..؟
ارتبكت فرح .. يبيها تقعد جدام .. وصعدت .. بجانب السايق .. لزقت بالباب.. حاولت
انها ماتبين خوفها .. او ارتباكها .. بس عيونها بسرعه تفضحها .. مد ايده ..
وشغل المسجل .. وطلعت اغنيه عبدالمجيد عبدالله .. انسان اكثر ..
اول مره تسمعها .. بحياتها ماسمعت اغاني .. مو لشيء بس .. وين ومتى بتسمع
.. الكلمات لمستها .. لمست شيء داخل قلبها
انت من انسان اكثر .. قلبي مو من قلبك اصغر .. مثل ماتشعر
تاكد اني اشعر .. فيني منك فيك مني .. غصب عنك غصب عني ..
التقينا واللقاء قسمه مقدر ..
هان طعن السيف ولا طعن الكلام .. من حبيب اللي وسط حفني ينام..
اعجبتها الاغنيه .. وابتسمت بدون ماتحس ..
فرح : عفيه اقدر اخذ السي دي .. انسخها واردها لك ..
طالعها بطرف عينه .. وكمل يسوق السياره .. ماهتمت له .. اندمجت مع الاغنيه وعاشت
عالم ثاني .. تمنت تعيش هالاحساس ..
ورجعها للواقع ..
عبدالعزيز: وصلنا .. شوفيهم هناك ينطرونج ..
التفت فرح على وين اشر لها.. وشافتهم واقفين يسولفون .. ابتسمت وبسرعه طلعت من السياره
وراحت لهم ..
زينه : اخيرا شرفت .. المدام …
فرح : اهلا زينه ..
امل : ماسمعت تلفوني سامحيني تدري بالسوق ازعاج وانا اندمج فما اركز على تلفوني ..

امار: يله فرح .. تبين تصبغين والا بس قص
فرح : بقص وبصبغ .. والتفتت على امل وكملت : عادي امل ماصار الا الخير

زينه : فرح عفيه حطي نظارتي معاج مافي مكان بجنطتي ..
امل : يله بنات ندخل ..
ودخلوا كلهم ووقفت ثانيه فرح تدخل نظاره زينه .. واول ماتحركت .. ماحست الا باللي
سحبها .. ووقفت مواجهته..
عبدالعزيز : .. وين ..؟
فرح وملامحها متغيره : بروح معاهم الصالون ..وانا قلت لك وقلت انا اوديج ..!!
عبدالعزيز : ادري .. وشنو تبين من الصالون .. ؟؟
فرح بياس .. وحاسه انه ماراح يخيليها تروح معاهم
فرح: ..بقص شعري..
عبدالعزيز : وقلتيلي…؟؟
فرح بياس ودلع طفولي طلع منها بدون ماتحس ..قالت : امممممم عبدالعزيز .. الله يخليلك
طول عمري اتمنى اقص شعري بصالون الله يخليك .. اعطيك اللي تبي بس ابي اقص
شعري .. ماراح اصبغه هونت .. بس ابي اقصه .. الله يخليك ..
وعطته نظره براءه : ارجوووووك .. please..!!
تغيرت ملامحه .. وابتسم نصف ابتسامه .. وقال
عبدالعزيز : انزين انتي روحي الحين قصي شعرج ولما تخلصين .. نشوف شنو تقدرين تعطيني..

ماهتمت فرح .. واستانست لما وافق وبدون شعور .. ضمته بسرعه .. وبسرعه ركضت للصالون
.. وقبل تدخل .. ناداها وعطاها بطاقه البنك .. واخذتها .. مو مهم .. المهم
انها بتقص شعرها .. حاسه انها واصله السما .. من شعور الفرح .. بحياتها مادخلت
صالون .. الا ليله عرسها .. لما حطت مكياج بس .. منو بيوديها .. منو..
بياخذها معاه .. لحفله .. او غيره .. مو وقته تفكر افكار تخرب عليها وناستها
.. خل اعيش هذي اللحظات اللي مستحيل تتكرر ..
00000
0
0
0
0
0
0

بالفيلا ..
زينه : ها بنات تبون نسهر عند منو الليله عندي او عند فرح .. انا
اقول فرح احسن .. وحركت حواجبها تبي تحر فرح..
ابتسمت فرح : عادي حياكم الله .. تبون تسهرون عندي ..؟؟
امل : لا شنو نسهر .. روحي عند زوجج ومالج شغل بهالعبيطه هذي .. وكل
وحده تروح تنام باجر ورانا شغل .. قبل لا نرد .. والتفتت على فرح ..
وكملت .. روحي خل يشوف شعرج ..
فرح : لا لا لا .. مابي اروح .. ابي اقعد معاكم قبل لا تروحون
.. اصلا عبدالعزيز مو معتبر لي وجود بحياته ..
زينه : انا عبيطه .. كيفي .. فرح اقعدي مالج شغل .. اللي تبي تروح
عند زوجها تروح .. محد ماسكها ..
امار: زينه..
زينه : نعم اخت امار .. ؟؟
فرح : بنات .. بسالكم سؤال .. عفيه .. ؟؟
زينه : قولي ..
امل + امار : تفضلي ..
فرح : شنو علاقه سارا بلمى .. والا تهتم فيها عشان تحب عبدالعزيز..؟
طالعوها .. كلهم بنظره استغراب .. واستغربت هي نظرتهم ..
فرح : شفيكم ..؟
زينه : ماتدرين يعني ان ..
وقاطعتها امل : زينة..
التفتت عليها زينه
زينه : نعم … مافيها شيء اذا عرفت ..
امار : مافيها شيء .. بس تعرف من زوجها مو منا احنا ..
خافت.. فرح .. ليش مايبون يقولون لي ..
امل : سارا طليقت عبدالعزيز .. وام لمى .. عرفتي الحين ..
انصدمت فرح .. طليقته .. عشان جذي ماخذه راحتها ..
كملت امل : وامه الله يرحمها .. قبل لا تتوفى اصرت انه يرجعها عشان لمى..
وواقف وخطبها ثاني مره .. بس .. صارت امور .. اجلت الزواج .. منها زواجج
منه ..
فرح : يعني تدرون انه ماراح يخليني على ذمته وراح يطلقني ..
زينه : دام سارا وراه ..اكيد ..
امل : زينه…
فرح : بس ولا مره شفتها مع لمى .. او حتى تهتم فيها ..
امار : هذا واحد من الاسباب اللي خلتهم ينفصلون .. سارا انانيه وماتحب الا نفسها
.. وماتعيش الا لنفسها ..
فهمت فرح الحين ..سارا كانت زوجته وام بنته .. يعني لازم تطلع من حياته بهدوء
.. لازم تتطلق .. كانت تبي تحمي نفسها باسمه .. زوجته بالاسم .. كانت تبي
اي اسم تحمي نفسها فيه .. الحين .. لا .. لازم تطلق من عبدالعزيز ..
حرام تدمر حياته .. وتكون العقبه اللي بينه وبين زوجته وبنته..

طلعت لغرفتها ..
وهي طالعه لغرفتها .. سمعت سارا تتكلم مع مريم ..
سارا : ايي اكيد .. اهم شيء عبدالعزيز ..
مريم : خذيتي له هديه حلوه والا مثل كل سنه تبين اهو اللي يعطيج هديه..

سارا : هههههه .. لا حبيبتي هالسنه عندي عقبه صغيره .. ولازم اشلعها .. يعني
هالسنه.. هديه عيد ميلاده راح تكون غير .. وقبلها الفالنتاين .. سويت له هديه ..
بتخليه دهر .. بس يفكر فيها .. وكملت ضحك ..

نايمه بهدوء بغرفتها .. والغرفه مظلمه .. تقلبت .. بفراشها .. فتحت عيونها بنعاس ..
شافت شي قريب منها .. ردت فتحت عيونها عدل .. قامت تصرخ .. نقزت من
فراشها .. شافت جمجمه .. سمعت صوت ضحك .. عند غرفه الملابس .. التفتت شافت
زينه .. راحت لها وهي معصبه ودزت الباب بقوه .. وما انتبهت للي ورا الباب
..
فرح: زينه في احد يسوي جذي .. ؟؟
زينه وهي تضحك : قلت لج ماراح انساها .. واشرت على الباب
فرح بعصبيه بدون ماتهتم لها وهي تاشر : زينه …
زينه وهي تضحك بنصر : محد يغلبني بهالمواقف .. قلت لج لا تتحديني .. واتجهت
للباب.. التفتت فرح تتبعها بنظرها .. وزينه تكمل كلامها ..
زينه: وترى عورتي المسكين وسكرت الباب اللي فتحته فرح ..
انصدمت فرح عبدالعزيز واقف ورا الباب وماسك ذراعه وباين عليه متالم ..
شهقت فرح : ابيه .. عبدالعزيز عورتك.. وقربت منه وامسكت ذراعه تتفحصه
فرح : من وين خل اشوف .. تبي اجيب لك ثلج ..
مسكت ذراعه ووخرت يده .. رفعت نظرها لوجهه شافته .. يبتسم .. عصبت
فرح : بعد متفق معاها ..
وانفجرو عبدالعزيز وزينه يضحكون ..
فرح وهي معصبه :زين .. زين الايام بيننا ..اوريج يا انسه زينه ..
كملت زينه ضحك: نشوف…………. وطلعت من الغرفة…
التفتت فرح على عبد العزيز اللي مازال يضحك..
طالعته بغضب.. وقف ضحك ..وطالعها بنظرات ..تعبتها.. ابتسم و نزل راسه..
تلخبطت.. حست بمشاعر مختلفه .. تنهدت بهدوء عشان مايسمعها .. وعشان تحرك الجو قالت :
لن انسى لك هذا الموقف .. واشرت بيدها يعني صبر ..
تحركت للغرفه تبي تكمل نومتها .. وقبل لا تطلع مسك يدها..
ماقدرت تتنفس وهو ماسكها ..التفتت عليه ..
عبدالعزيز : انا .. تردد وكمل ..ماكنت اقصد
توترت وبدون شعور قرصت خده كانه طفل قدامها : لا عادي ..
رفع يده لخده ..طالعها متفاجا من حركتها .. توترت اكثر وطلعت بسرعه للغرفة

يوم الحفله ..
حاسه نفسها غريبه بينهم .. وهي فعلا غريبه ..نظراتهم لها كانها شيء غريب
الحفله كبيره وفي ناس ماتعرفهم .. مع ان الحفله كلها بنات بس تحس بضيقه وخنقه..
تجامل امل ..وامار وزينه ..يحاولون يخلونها تتكيف معاهم بس ماقدرت …
قام الكل يطفي الشموع مع لمى .. وانسحبت فرح بهدوء .. اتجهت للحديقه .. الحديقه
اكبر من الفيلا ..واشجارها طويله .. ماتخلي اللي يمشي فيها يبين كانها متاهه.. وهي فعلا
مصممه على شكل متاهه .. تمشت فرح لما وصلت لداخلها .. لقت مرجوحه صغيره ومحوطه
بورود.. قعدت عليها ..ورفعت بصرها للقمر .. اللي بدر ليلتها تنهدت .. وفكرت ايش ممكن
يصير فيها اذا طلقها عبدالعزيز وين راح تروح .. وبن بتعيش وعند منو.. ياربي الله
يهديك يبه .. لازم هالقطه اللي قطيتني فيها .. اااااه اروح لامي اعيش عندها.. واذا
طردتني وين اروح ..ياربي..وين اروح وين بس.. سمعت اصوات وضحك.. خافت ..قامت بسرعه تبي ترد
الحفله .. وكل ما مشت قرب الصوت .. وقفت لما قدرت تميز الاصوات
سارا: ها حبيبي متى تبي زواجنا ..شرايك بنفس اليوم اللي تطلق فيه فرح .. الله
وناسه.. صج متى راح تطلقها..؟؟
عبدالعزيز بحزم : قريب ان شاءلله ..
سارا بدلع : يعني اشتري نفنوفي .. حياتي عزوز وضمته..
لكنه بعدها بسرعه ..تكلم بعصبيه
عبدالعزيز : شفيج انتي .. ماتفهمين مطلقين .. يعني مايصير تلمسيني ..
سكت ثواني وكمل ..وهذا الموضوع اللي مناديتني عليه ومايحتمل تاجيل
سارا بتوتر : ها.. لا .. بس …
عبدالعزيز : روحي داخل بسرعه ….
تحركت سارا داخل .. وهي تتحلطم بصوت واطي .. ضحكت فرح عليها .. كانت تشوفهم
وهم مايشوفونها من بين الشجر .. تحركت تبي تدخل الفيلا .. وداست على غصن طلع
صوت .. عضت على شفايفها .. وسمعت صوته الغاضب
عبدالعزيز : منو…؟
قربت فرح .. وبينت لها نفسه وهي رافعه يدينها بالجو تمزح معاه ..
فرح : انا ماتضربش ..(يعني تتكلم بالمصري هههه )
طالعها.. ابتسم ونزل راسه ..
قتلتها هالنظره .. ااااه..
حطت يدها على قلبها واتنفست بعمق ..تكلمت بعفويه ..
فرح : عبدالعزيز .. متى ماتبي تطلقني .. طلق عادي .. ترا .. اهم شيء
حياتك ..
رفع راسه بسرعه .. وطالعها بنظرات مافهمتها…
كملت وهي تبلع ريقها : انا .. من اول .. وسكتت ..
ماتبي تكمل تجرح مشاعره .. بس فعلا ماكانت موافقه على هالزواج .. بس الحين ..
تتمنى لو تم الزواج .. بطريقه ثانيه .. تنهدت .. انتبهت على نفسها .. انتي
شنو تفكرين ..
لالالا مستحيل تحبين رجل .. ومنو .. عبدالعزيز .. يا الهي .. ردها للواقع صوته
..
عبدالعزيز : انتي شنو .. ؟؟
فرح : ها.. انا .. ولاشيء .. مافي شيء…
عبدالعزيز : انتي .. تبين اطلقج ..
فرح : ايي .. عشان تكمل حياتك ..ومستحيل .. طبعا تنفذ طلبي اللي قلت عليه

عبدالعزيز : اي طلب .. انه تكونين على ذمتي .. بس ماتبين لي علاقه فيج
من قريب او بعيد..
فرح : لا موقصدي جذي .. انا قلت لك من قبل .. انا ماقدر اكون
زوجه .. ولما بكون بذمتك محد راح ياذيني ولا احد راح يتكلم .. و
وقطع كلامها بعصبيه ..
عبدالعزيز: فرح .. ولا كلمه .. وروحي داخل ..
خنقتها العبره .. لانه زفها .. عطته ظهرها.. زفرت بغضب .. ومشت
فرح بصوت واطي : كله معصب ..
وقلدت صوته: فرح .. ولا كلمه ..
التفتت تبي تشوف .. اذا لما الحين في مكانه والا لا .. انصدمت لما شافته
يمشي وراها .. وقريب حيل منها .. وعلى وجه ابتسامه .. يعني سمعها .. مانتبهت
على الصخره اللي داست عليها ولفت رجلها .. صرخت .. وطاحت ..
فرح .. وعيونها .. مليانه دموع ..
فرح : اااووو … تعور..
عبدالعزيز وهو يكتم ضحكته: اكيد تعور .. احد يمشيي ومايطالع وين يمشي ..ههههه
فرح: تضحك ها… مسحت دموعها باصابعها ..
سكت عبدالعزيز..ونزل لعندها… ومسك رجلها..
اول ماحست باصابعه على اول ساقها شهقت وصرخت…رفع ايده وطالعها ..
عبدالعزيز: تعورج …؟
فرح بوجه محمر: لا تلمس الله يخليك .. لا تلمسني ..
عبدالعزيز : ابي اشوف شفيها ..
فرح : مافيها شيء .. مافيها شيء ..
وحاولت توقف بسرعه .. لكن الالم كان اقوى منها .. صرخت مره ثانيه .. وطاحت
عل الارض ..
عبدالعزيز بعصبيه : انتي ..شفيج .. ماتفهمين ..
وماعطاها مجال تتكلم .. ماحست بنفسها .. الا بين ايدينه .. شايلها.. شقهت ..
فرح من بين دموعها : وين بتوديني..
عبدالعزيز : … الطبيب ..
فرح : لا .. مابي .. اروح ..
عبدالعزيز : ………
فرح : مافي شيء صدقني .. بس ابي اروح لغرفتي ..
عبدالعزيز: ……..
انتبهت .. انه وقف عند السياره .. نزلها توقف على رجلها السليمه عشان يفتح الباب
.. وهو لا يزال ماسكها من خصرها .. حست بحراره اصابعه .. ماتقدر تتنفس ..

فرح وهي مو قادره تتنفس : ماقدر اروح بهاللبس .. ابي ابدل ..
فتح الباب ووقف يطالع ملابسها .. كانت لابسه فستان بنفسجي فاااااتح كانه وردي لكنه بنفسجي
بارد.. وعليه رسمه فراشه لونها ابيض على الخصر .. كان بدون اكمام .. لكن فرح
لبست شال ابيض وثبته عشان مايطيح.. انحرجت من نظراته ..
عبدالعزيز: يعني شنو..؟؟
طالعته بدهشه .. شنو يعني شنوو..؟
فرح : ابي البس حجابي ..
عبدالعزيز : ….
فتحت باب السياره وقعدها فيها .. وراح .. ماتدري وين راح لكنه تركها ..
الله يعين .. مابي اروح لطبيب .. يلمسني .. حست بقشعريره تسري في جسمها..حست بشعرها
واقف من الذكرى المريره اللي مرت عليها .. الله يسامحه .. عم يسوي جذي في
بنت اخوه .. مهما كان مايحب اخوه .. بس ماياذي عياله.. الله يسامحه ..تنهدت وهزت
راسها كانها تنفض هالذكرى من مخها ..
: مدام
التفتت على الصوت .. الخادمه واقفه وماسكه عبايتها الكتف من ملفع اسود ..طالعت العبايه وابتسمت
.. تذكرت اول يوم لبستها ..كان يوم عرسها .. ابتسمت بالم..
الخادمه: مدام ..اساعدك تلبسي..؟؟
هزت راسها بالايجاب.. وساعدتها الخادمه تلبس وهي قاعده سحبت شالها ونزلته وسكرت عباتها …وحطت ملفعها
على شعرها تغطيه .. سكرت الخادمه باب السياره وراحت ..
ارفعت راسها لما شافته يدخل السياره ويسكر الباب .. مبين عليه معصب .. خافت لايكون
معصب منها .. مو قادره تتنفس .. حطت ايدينها الثنتين على حلجها .. تحاول تسيطر
على نفسها … وبصعوبه اخذت شهيق .. بقوه .. وزفير ..
التفت عليها …
عبدالعزيز : شفيج..؟؟
هزت راسها .. بالنفي .. يعني مافيني شيء … تحركت السياره ..
لهدرجه .. ماتتحمل زعله .. رجعت راسها لورا .. وغمضت عيونها .. لو انها مكان
سارا مستحيل تفرط فيه .. مستحيل .. حتى تخليه يزعل ..لكن للاسف ..مستحيل تقدر تحبه
.. او تحب غيره .. ماتحمل لمستهم .. حتى وجودهم في المكان اللي هي فيه
.. تكره الرجال..

صراحه الروايه عجبتني كتييييير
وشدتني كتيييير لهيك حبيت انقلهالكم
رغم انه بسرعه انتهت وكان في كتيييير اشياء لازم نشوفها وما شفناها
بس انا عرفت انه الكاتبه اضطرت تنهي الروايه بسرعه لظروف خاصه خارج ارادتها
ومع ذلك بجد اذهلتني الروايه واسلوب الكاتبةلي عوده لتنزيل باقي الاجزاء باذن الله