رواية شيء من الاحزان , من اجمل الروايات الحزينة التي تعبر عن ما بداخلك

روايه شيء من الاحزان

بين الفراق وبين الشفاء من المه/ اااهة
،،،، لا .. بل اهات طويله ….عاشتها ديما في جو من الوحده والانطوائيه ، لانها
ببساطه كانت البنت الوحيده باسرتها النوويه اللي للتو فقدت شخصين من افرادها .. .. ومو
اي شخصين !!
هم كانوا كل شي بحياتها .. والهوا اللي تتنفسه .. قبها انكسر بعد فراقهم ..
واليتم لفها بسوار من الحزن العمييق ..
شهر من الحزن والبؤس والالام اللا متناهيه والاهات المتواصله قضتهم مع اخيها الاكبر عايض
كان الاخير مشغول بهمين .. بهم فراق عزوته امه وابوه .. وهم الحمل اللي طاح
على راسه ،، شركه ،، والكثير من الديون .. وديما .. !!
ثلاث مسؤوليات يحسها منعته عن تحقيق حلمه اللي كان ناوي يحققه .. ، الزواج ..
لكنه اضطر يزوي احلامه بجانب الى ما يتيسر طريقه وتستقر اموره وامور اخته ..
ديما .. 17 سنه من الحب والحنان المتبادل مع امها العطاء وابوها الخير كله
عفوا لايمكن عرض الرابط الا بعد التسجيل
عايض .. 30 سنه تقريبا .. من الكد والاجتهاد بعد الدراسه في تحقيق حلم ابويه

ديما بنت ما نقول عنها فاتنه .. بس جذابه .. خصوصا مع بشرتها البيضاء الصافيه
وعيونها الرماديه .. كانت جدتها روسيه وهي ماخذه عنها جمالها ..
( انا عاده اكون غير متحيزه لجمال البطلات لكن ايش اسوي لو فعلا كانت جميله
؟؟ولو كان جمالها رح يسير القصة؟)
عايض .. شاب عصبي اذا تراكمت عليه المسؤوليات .. لكنه يبقى مسالم
وفي ليله جمعت الاخوين اللي ما جفت دموعهم على فراق الام والاب .. كانت ديما
بوجهها الشاحب وملامحها الناعمه المظلله بالسواد ، تجلس مع عايض على المجلس الارضي ..
عايض باهتمام : في موضوع مهم ابي اكلمك فيه ..
رفعت راسها بعد ما كانت شارده بذهنها لبعيد ، وقالت : موضوع ؟
قال بابتسامه ،او شبح ابتسامه : ديما تعرفين ابوي الله يرحمه كان مقترض من البنك
كثير ولازم نرجع هالقرض الحين بوفاته ,, الشركه هي مصدر رزقنا مقدر اسوي فيها شي
وهي لسا ما طلعت للنور توه كان فاتحها.. وانا فكرت بحل ثاني ..
رفعت حواجبها بضيق .. قالت : يعني احنا الحين بمشكله ؟
قال : لا ، في مهله قدامنا نرجع فيها القرض وانا فكرت بانسب طريقه ارجعه
فيها ،،
عفوا لايمكن عرض الرابط الا بعد التسجيل
الفلوس الموجوده بالبنك من دخل الشركه او من فلوس ابوي ما تكفي وحتى اذا كفت
ما اقدر ارجع منها القرض ..و الحل اللي فكرت فيه ، اني ابيع البيت
!!
..
شهقت ديما :البيييييييت ؟؟ كيف تبي تبيع البيت !!! واحنا وين نروح ونخلي بيت امي
وابوي
عايض يهديها : ديما اصبري واسمعيني .. البيت كبير علينا واجد ، وانا وانت ما
نحتاج كل هالمساحه ،و اذا بعناه بنخلص من القرض من غير ما نضر بشركه ابوي
اللي هي كانت كل حلمه في حياته ..
ديما بالم : ما في حل ثاني ؟.. عايض نفارق هالبيت مستحيل ما اقدر اتخيل
انه ما يكون بيتنا ..
دموعها نزلت بحرقه وهي تكمل : هنا غرفه امي وابوي وهنا ذكرياتي معهم .. حرام
ليش تبي تبيعه . هنا تربينا وعشنا كل حياتنا .. ياربي ارحمني وش قاعد يصير

عايض بضيق : ديما هذا قضاء ربي وحكمه وانتي دومك تعرفين هالشي .. اقل ما
يمكن نتنازل عنه هو البيت وتنتهي كل المشاكل .. وانتي لازم تمشين بحياتك والسنه الجايه
تدخلين الجامعه والتخصص اللي تبينه وتجتهدين وتنسين .. خلص ماتوا ما بترجعينهم بصياحك ولا بشيلك
الهم
غطت وجهها بكفوفها وهي تكتم صياحها ،، عايض ما درى وش يسوي غير انه قرب
منها يضمها شوي يمكن تهدا ..

حس انه قسى عليها لانه طول الايام اللي فاتت منشغل عنها والمفروض يكون جالس معها
اغلب الوقت لانه يعرف انها مره حساسه وان ماله غيرها ..
قال وهي تبكي على صدره : خلاص يا بعد عمري خلااص لا تقطعين قلبي انا
معك وما رح اتركك ابد .اعرف انه صعب .. بس هذا اللي صار وهذا قدرهم
.. معليش
قالت : لو ماكانوا طلعوا بذيك الطلعه وماخذوا السياره الخربانه ما كان صار اللي صار
.. ماكان استوى الحادث وكانوا الحين هنا بالبيت
عايض : انتبهي لا تقولين كذا .. لاتعترضين على قضاء ربك.. الحمد لله على كل
حال ..يللا قومي غسلي وجهك والبسي عباتك بطلعك نشم هوا شوي
قالت وهي ترفع راسها: مابي .. روح لحالك
قال : انا ما كنت بطلع عشاني .. عشانك انتي
قالت : انا بروح اغرفتي .. اذا ..
ورجعت تصيح ..
كملت بعتب: اذا حددت موعد تبيع البيت فيه خبرني عشان الم اغراضي
دارت تبي ترجع وهو حس بالم .. لفت عليه كانها نست شي : ما قلت
وين بنروح؟؟ وين بنعيش ؟؟
قال :لا تهتمين الحين ..
قالت ودموعها مازالت منهمره : ابي اعرف .. وين بنعيش ؟
قال : تذكرين بيت عمي ابو طلال .. الجناح اللي فوق حق سالم بناخذه عندهم
على اساس ان ابوي له حصه بهالبيت من زمان عندهم ..
ديما صدمها الموقف .. كانت تعرف اولاد عمها طلال معروفين بسمعتهم الشينه ..
راعيين بنات ووصاخه وقله ادب .. يعني صايعيين بمعنى الكلمه ، وما خفي كان اعظم

بعد ما عمها مات وهم كل واحد عايش على هواه ..اما سالم كان مسافر برا
يدرس وعايش هناك من زمان ..

..
قالت بصدمه : عايض تبي توديني هناك عند اولاد عمي ابو طلال ..؟؟
قال عايض : ما عليك منهم .. احنا بنكون فوق بالجناح.. فيه ثلاث غرف ومطبخ
وحمام ما تحتاجين اصلا تطلعين منه .. وفيه خدامه وسواق ..
قالت : لا الله يخليك انا اصلا اخاف لما اسمع صوتهم.. وانت بتوديني بيتهم .
.
قال عايض : لا اله الا الله .. ديما ما قلت بننقل الحين .. من
الحين لذاك الوقت نشوف ونرتب امورنا ..

وحتى لو نقلنا وما ارتحتي بننقل من عندهم لمكان ثاني ولا يهمك
وقفت وهي مو مقتنعه وحاسه ان افكارها مو مرتبه بالمره ..
رجعت لغرفتها وهي مب مركزه كالعاده .. رمت نفسها على سريرها وكملت نوبه صياحها
بعد دقايق هدت ، وقامت تتسبح علها تفوق شوي ،،
طلعت من غرفتها بعد ما بدلت ولبست قميص خفيف يشعرها بالحريه والخفه عله ياثر على
مشاعرها .. وراحت لغرفه ابوها وامها .. من اول ما ماتوا ما دخلتها .. كانت
تبي تختبر نفسها ، تتمالك اعصابها وما تبكي .. تحاول تكون قويه وتدخل الغرفه ..
قررت تجمع اشياء من الغرفه وتختفظ فيهم في حال نقلوا من هنا ، خلها تكون
مستعده من الحين
دخلت بشويش ، وتفاجات بالصوت اللي طلع من الغرفه ، حست برجفه قويه تسري بعروقها

ترددت تدخل او تطلع .. الموقف كان مخيف وشكت في نفسها يمكن تتخيل او تتوهم
..
لكن لما خطت خطوتين لقدام شافت جسم متكور على السرير .. سمت بسم الله وقالت
بهمس : معقوله ؟؟؟؟؟

.
.
.
.
.
.
سمت بسم الله وقالت بهمس : معقوله ؟؟؟؟؟
عايض ؟؟
ليه جالس هنا ؟؟ ليه يبكي
مو كان يصبرها قبل شوي ؟؟
وقفت بشوييش تراقبه وتسمع كلامه ..
عايض بصياح : يارب ارحمهم برحمتك يارب .. غدمهم برحمتك .. يارب ادخلهم الجنه يارب
اجمعنا بهم في

الاخره .. يارب اعني على حملي .. اللهم اعني على حملي ..
ما تعرف كيف حست بهاللحظه .. حست بالذنب لانها حملت عليه حزنها وهمها ..