رواية احلى صدفه بحياتي , صور من الفصل الاول من رواية احلى صدفة بحياتي

روايه احلى صدفه بحياتي

ساطلق لقلمي العنان..وادعه ينسج الكلمات..وانده للرياح لتاخذ معها بقايا اشتاتي..لكي يرى من حولي ما ابقى
لي الزمن من

اوراقي التي سقطت من اغصانها ذابله..تعالي يا رياح وخذي كل ما بقى لي من اشتاتي
ودعي الجميع يقرئها ..ويحس

بها..ويعيشها..وتجمعني من جديد..بامال..تعيد لي الحياه بكلمات قد تكون لي الدواء..كلمه اعجاب او جمله نقد قد
ترسم على

وجهي روح جديده..وتدفق في قلبي مشاعر بهيجه

احل ى صدفه بحياتي

احب ان اوضح شي للجميع..بان احداث القصه من نسج خيالي..وابطالها ايضا من اعماق خيالي.. ولا
تنتمي لاي مجتمع غير

الذي في مخيلتي..قد تكون جريئه بعض الشي ..قد تكون فيها بعض الغرابه..واتمنى من كل قلبي
ان تنال اعجاب الجميع..واتقبل

النقد الايجابي من الكل…..

الجزء الاول

“” الفصل الاول “”

كانت جالسه هي واختها يسولفون وقالت : ريم : ياربيه طفشانه وما ودي اداوم بكره
مليت
رغد : حتى انا على بالك ودي اداوم يعني …
ريم : وهي متحمسه طيب وش رايك نغيب …
رغد : احلفي بقووووووووه …. لو نقدر نغيب كان غبنا بس امي رافضه من كثر
غيابنا خصوصا من بعد ما وقعنا على التعهد …
ريم : ياربيه اقولك بكره من جد مالي خلق اداوم
رغد : امرنا لله وش نسوي …
ريم : بتهور : طيب وش رايك ننحاش من المدرسه مثل ما سوينها من زمان

رغد : وين لا مجنونه انسي مستحيل اعيدها مره ثانيه كفايه المره الاولي بغى يجيني
جلطه من الخوف..
ريم: اقول عاد يلا اللي سواها مره يسويها مره ثانيه وياختي خلينا نفلها شوي …
تكفين رغد..

رغد بتردد: من قلبي ودي بس عقلي يقولي لا.. وانا حاسه انو بيصير شي. وخايفه
ومدري وشلون وضعي.
ريم حست ان اختها بدت تتقتنع : اقول رغد تكفين وش بيصير يعني.. المره الاولى
وعدت وما صار شي .. لاتصرين متشائمه كذا..
رغد: طيب خلاص اقلقتي ام راسي بس وشلون ننحاش..؟؟
ريم تفكر بحماس : شوفي . انحاش انا بوقت الفسحه.. بس اذا صار في وحده
من الامهات او المدرسات بتطلع لانو دايما يجون الامهات ياخذون بناتهم وقت الفسحه واطلع معاهم
قاطه. وبعد كذا انحاش وامرك واطلعك من مدرستك وانتهينا..شفتي الذكاء..
رغد بانبهار: يلعنك.. وش هالفكره الجهنميه ولا ولد يسويها .. صحيح انها خطيره بس بنفس
الوقت رهيبه وفله .. خلاص طيب اوكي.. بس لاتنسين خذي موبايلك.. وانا باخذ موبايلي عشان
نتفق او اذا حصل اي شي نتصل على بعض..
ريم بفرح: اوكيه اتفقنا..
” على فكره اهل ريم رغد شوي فري عشان كذا تجراو””

اعرفكم على عائله “”ابو مشاري””

ابو مشاري: رجل اعمال ناجح وكبير وعنده شركه شراكه مع اخوه واخته .. قلبه حنين
وطيب واغلى شي عنده عياله..
ام مشاري: مره متفتحه وما عنده قد على قواله ريم .. حبوبه وطيبه وحنينه بس
في نفس الوقت جديه..

مشاري: الولد الكبير عمره(23) سنه يدرس بالجامعه قسم حاسب حبوب وهادي وجميل بمعنى الكلمه من
ناحيه حده ملامحه وجذااااااااب بشكل مو طبيعي والبنات يطيرون عيله بس ما يعطي احد وجه…..
دايما في حاله..

ريم:عمرها (15)سنه بثالث متوسط بمدرسه تختلف عن مدرسه اختها رغد ….حلوه وجذابه …بالكلام العربي يعني”تخقق”
جسمها حلو وشعرها اسود وعيونها وسلع وكحيله وعربجيه وحبوبه..وتحب المغامرات..

رغد:يلا قومي ننام لاني خلاص مليت من وجهك عورني راسي من كثر ماتحنين علي..وبعدين عشان
تستعدين لمغامره بكره..

رنت ساعتها وصحت وهي مره متحمسه ومستعجله..
ريم: رغد.. رغد.. بسرعه قومي يلا نتاخر على المدرسه..
رغد: اقول اذلفي عن وجهي وش ذا الحماس للمدرسه.. اثرك ما نتي هينه..
ريم: اوووف . اقول قومي بلا كلام فاضي تراني مروقه لاتنكدين علي.
رغد: خلاااص قمنا يكفي حنه فوق راسي والله ذبحتيني..

خلصت ريم بسرعه ونزلت..على الفطور مع امها وابوها واخوانها..
ريم: صباح الخير يا احلى ام واب في الدنيا..
ام مشاري: صباح النور.. وش عندك اليوم مروقه..ولا بعد صاحيه بدري..
ابو مشاري: صباح النور والسرور يا حلى بنت.. بس ما قلتي لنا وش عندك اليوم..

ريم ما ردت على احد ..
مشعل :ملنا سلام..
ريم: اكيد.. صباح الخير ياحلو..
مشعل : لالا البنت صدق فيها شي اليوم ..
ريم في نفسها” عشانكم ما تدرون وش ناويه عليه””
نزل مشاري: لالا اليوم فيه شي ريم صاحيه غريبه..
ريم عصبت: وش فيكم علي.. يعني ما يصير لي اصحى بدري..
مشاري: الا يصير لك بس مو من عوايدك..
ريم ما ردت عليه…

نزلت واخيرا الست رغد وعلى طول نطت في عينها ريم..
ريم: خير ان شا الله كل هالتاخير كان ما نزلتي..
رغد وهي مالها خلق: اقول وخري عن وجهي ترى محد رايق لك..سلمت على امها وابوها
واخوانها وافطرت بسرعه.. وطلعت عقب ما شيبت ريم براسها…

في مدرسه ريم
ريم: صباح الخير والفل والورد والياسمين..وش اخباركم بنات؟؟
ساره قامت تلمس حراره ريم: اليوم وش شاربه .. وش ماكله. وش عندك اليوم مروقه..

ريم: اووووووه وش فيكم اليوم القاها من وين ياربي من البيت ولا المدرسه..
ساره: لا بس كنت مستغربه.مو من عوايدك..
ريم: بلاك ما تدرين وش بسوي..
ساره: وش بتسوين بعد؟؟
ريم: سر… ما راح اقوله..
ساره: اقول ريم بلا سخافه قولي ..
ريم: “نو ..وي..”
ساره بعصبيه: بتقولين ولا شلون..
ريم : خلاص بقولك بس بعدين..
ساره: اوكيه اهم شي تقولين لي..

” في الفصل”

ريم معها الدفتر وتكتب لساره : اسمعي انا اليوم ناويه اهج من المدرسه….. وتعطي الدفتر
لساره.
ساره: وش تقولين انتي مجنونه.. اول شي كيف وشلون ومتى .. علميني بسرعه..
ريم:الله كل هالاسئله مره وحده خلاص انا اقولك السالفه..
” وقالت السالفه لها عشان تساعدها ”
ساره: طيب تتوقعين خطتك بتنجح؟؟
ريم: ان شا الله ميه بالميه هذي خططي مو حيا الله..
ساره: ايه درينا انها خططك اللي ما ورها الا البلاوي..
ريم ميته ضحك: ليش مره بليتك بخططي؟؟
ساره: يا ما وياما . بس خليني ساكته احسن لي .. عشان ما ابكي عليك..

ريم عصبت: لا يالجاحده مسويه ما قد نفعتك بشي .. انكري بعد..
ساره: انا ما انكر.. هي مره.. او مرتين غيرهم وهقتيني بصراحه..
ريم : اقول ..اقول .. روحي عني زين..
رن جرس الفسحه طلعت ريم اول وحده طبعا مو من عوايدها ونزلت هي وصديقتها ساره
ووقفوا عند الباب ينتظرون وحده من الامهات تطلع واشكالهم تحففففففففففففففه……
واخيرا جات وحده من الامهات ومعاها بنتها توها بتطلع.. ريم ما صدقت على الله ولبست
العبايه بسرعه.. واطلعت واخيرا..ومن العجله نست الشنطه في المدرسه وطبعا فيها الموبايل ما انتبهت ..

ريم : واااااااااو واخيرا طلعت و”مشت شوي وفجاه شهقت” … وين شنطتي .. لااااااا نسيتها
بالمدرسه
ياويلي … وش بسوي الحين المشكله فيها فلوس وموبايلي …..
واحتارت ما تدري وش تسوي … حتى مدرسه رغد ما اعرفها زين يقطع ام الوهقه
وش اسوي …
وكملت مشي ومشت ومشت وهي ميته خوف وقالت في نفسها كاني تذكرت موقع المدرسه من
هالطريق
ومشت لحد ماوصلت وقرت على الباب (مدارس ال…………الاهليه ) نفس مدرسه رغد… ماقرت
بنين اوبنات سفحت عمتى على الدخول الباب المدرسه … كان الباب مفتوح وما عنده حارس
ودخلت
فتشت على طول كان المدرسه ازعاج وفجاه سكتوا ولا همس … يوم لفت وجها تناظر
المدرسه وتشهق ذيك الشهق
ريم : يمه انا وين دخلت مدرسه عيال…. هالكلمه صارت تدور في راسها … فكرت
انها ترجع وبسرعه لفت على الباب الاجاء الحارس سكره …. وطبعا سوت لثمتها تجمعوا العيال
حولها طبعا عيال ما صدقوا على الله
بنت تدخل مدرستهم حتى لوشينه تطلع حلوه بعيونهم ….
ريم في هذي اللحظه كل عظم في جسمها يرجف وعيونها غرقانه دموع من الخوف لانهم
مسوين دائره

قامت تفكر وتكلم نفسها “لازم اطلع من هالورطه يارب ساعدني” .. وهي خايفه يوصل للمدير
وتصير
سالفتها فضيحه ……
ريم : وهي تطالهم وبصوت مبحوح قالت :

ورفعت صوتها اكثر: ممكن تسمعوني شوي..
اسكتوا فجاه وقالت بدلع: انا ابغى اكبر واعقل واحد فيكم. ” طبعا كلهم صاروا كبار
وعاقلين ” وصارت ما تسمع الا: انا..نا..انا.

ريم: تعال انت يا اللي هنا..
الولد: انا…
ريم: ايه انت ..
وراح وهو ما صدق خبر..
استخدمت ريم اسلوبها وقالت بدلع: مو انت اكبر واقل واحد … طلعني من هالدائره..
الولد: ابشري…
قام ومسك ايدها وطلعها وريم في نفسها تقول ” يمون العم” وهي ميته خوف ومسويه
نفسها قويه… ووداها مكان بعيد وصاد عن الطلاب ..
ريم وهي شوي وتصيح: والله واقسم بربي اني داخله المدرسه غلط.. يعني لا تحسبني من
هالبنات تراني بنت ناس وعالم وحمايل ومتربيه وانا صدق مدري وشلون جيت هنا..
قام الولد يهديها وهو ولد حبوب..:معليش حصل خير..
ريم تحس انها مرتاحه مو مره بس احسن من غيره: ممكن اطلب طلب.
الولد: اطلبي..
ابي مويه والله ريقي ناشف من الخوف.
الولد وهو متعاطف معها وحاس بالموقف اللي هي فيه: انتظري شوي..
راح الولد واتشرى المويه ورجع..:تفضلي.
ريم: مشكور اخوي وما قصرت تعبتك معاي .. وقامت تدور في جيوبها فلوس عشان تعطيه
حق المويه..
الولد: وش تسوين..؟؟
ريم: ادور فلوس عشان اعطيك حق المويه..
الولد بعصبيه: خلي فلوسك لك وماله داعي انا ما سويت الا الواجب..
ريم وهي خاقه معه(خاقه=ذايبه=دايخه):لا .. مو قصدي شي بس حبيت اعطيك حقك..
الولد:اقول خلينا من هالموضوع الحين.. انتي افطرتي.؟؟
ريم: لا..
الولد: اجل استني شوي.. راح واشترى فطور لهم ورجع.. واعطاه ريم..
ريم: ليه كلفت على نفسك والله ماني مشتهيه شي..
الولد: اقول اكلي شي .. لا يغمى عليك..
ريم مازات خاقه وما قدرت تقول له لا.. اخذت السانوتش وفتحت العصير وبدت تاكل مجامله
له طبعا بعد ما فكت اللثمه وتغطت بالطرحه…
وصاروا ياكلون وهو يطالعها شوي .. وياكل شوي..
ولما خلصوا ..
الولد: ممكن اعرف اسمك…
ريم وهي مطيره عيونها: خير ان شا الله عسى ما شر.. وش قالولك عني ..
تراني بنت ناس ومتربيه وما عندي هالسوالف..
الولد بارتباك: لاانا مو قصدي شي بس اسال …
ريم: مره ثانيه لاتال..
الولد: طيب خلاص اسفين..
ريم: اقول انا باي مدرسه الحين..
الولد: مدرسه ال(………) الاهليه..
ريم وهي مركزه الاسم:نعم.. المدرسه هذي مدارسال(…..)متاكد..؟؟!!
الولد: تستهبلين مدرستي واعرفها …
ريم تشهق ذيك الشهقه:يا ويلي ..ياويلي وانا ما لقيت ادخل الا هالمدرسه.
الولد: ليه خير وش صاير..
ريم: اخوي الصغير يدرس فيها يا ربيه وش هالمصيبه..
” على فكره ..مدرسه رغد ومشعل تحمل نفس الاسم”
الولد: هدي .. هدي شوي اخوك باي سنه ا ي صف؟؟!!
ريم: هو بالمتوسط .. هذا اي قسم اللي احنا فيه؟؟!!
الولد: احنا بالثانوي .. وتراه مفصول عن المتوسط بالمرره.. ارتاحي..
ريم:ايه الحمد لله طمنت قلبي ..
الولد: طيب وش اسم اخوك يمكن اعرفه..
ريم: لا . والله تلعب علي .. انسى اني راح اعلمك اي شي..اقول الا انت
وش اسمك..
الولد: انا اسمي سليمان

سليمان عمره (19) سنه بثالث ثانويعلمي.. وسيم لابعد درجه مرره يجنن .. عيونه عسليه وناعسه
تدوخ خشمه صغير وطويل .. شفايفه صغار بلون التوت.. حواجبه مرسومه رسم .. له سكسوكه
هذي بالذات تطيح الطير من السما…وجسمه حلو بتميز بالثقل والرزانه والركاده. حبوب وطيوب.. يعني باختصار
كله على بعضه حلو..

ريم: اهاااوتقول في نفسها” يهبل واسمه سليمان مدري من وين طلع لي”
سليمان: طيب اخوك اي صف..؟؟
ريم: بثاني متوسط..
سليمان: يعني اصغر من اخوي بسنه..
ريم: وش اسم اخوك..
سليمان: محمد..

سليمان وهو رافع حاجب: ايه ممكن.. اقولك بس بعد ما تقولين اسم اخوك. بون العائله..


سليمان: انا سليمان ال(…………..)
ريم: انت سليمان ال(……..) وتشهق ذيك الشهقه اللي بغت تدوخ منها..
سليمان: انتي وش فيك كل شوي مروعتني.. خير وش فيها عائلتي..
ريم: عشانك ما تدري انو اخوي الكبير يعرفك.. اخوي الصغير يعرف اخوك..
سليمان : طيب حرقتي اعصلبي وش اسم اخوك.؟؟
ريم بتردد واضح: اسمه…اااااااااااااااا……ااااا…. مشعل..
سليمان: اقول احلفي.. واحلفي بقوه بعد.. مشعل ايش..

سليمان: والله دريت انك بنت ناس ومتريه حفظته والله حفظته…
ريم:ايه اخاف انك نسيت..
سليمان وهو يسبل لها بعونه(يرمش): ابد ما عندك نيه تقولين.
ريم وهي خاقه على عيونه: هو مشعل …ااااااا..ال(………).
سليمان: هذا اخوك عرفته….

وناسيه شنطتي وفيها موبايلي وفلوسي.. ولا ادري كيف بطلع من هنا واهلي لو دروا بذبحوني
شويه علي…
فالله يوفقك ويخليك لغاليك…استر علي وتلقى الاجر ان شا الله..
سليمان وهي كاسره خاطره:احاول..
ريموهي تنافخ:خير وش تحاول. اقولك لا تقول لاحد..ما قلت لك حاول.. اقوله ساعه موال وفي
النهايه احاول..
سليمان: لا قومي طقيني احسن….كنت امزح..

سليمان وهو يناظر ساعته: اقول ترى ما بقى شي على نهايه الفسحه..وش بتسوين.؟؟
ريم: والله محتاره..
سليمان: طيب فكري بسرعه..

سليمان: خير وش الفكره..
ريم: فيه ثوب زايد..
سليمان:هههههههههه حلوه هذي فيه ثوب زايد.. من وين اجيب لك..؟
ريم: طيب… معك بدله رياضه..
سليمان: ليش وش تبين فيها..
ريم : انت جبها وبس..
سليمان راح جاب البدله بسرعه ورجع..: الحمدلله اني جايبها
ريم : زين كذا حلو …. يله..
سليمان: شنو يله..

سليمان مطير عيونه: طيب .. ممكن اعرف وش بتسوين انتي…
ريم: انت رح وسو اللي قلت لك عليه وخلصني..
سليمان: بروح وامري لله..
” راح دوره المياه وبدل ملابسه ورجع معاه الثوب..
ريم: طيب وين البس فيه..
سليمان: روحي لدوراه المياه..
ريم وهي مطيره عيةنها: احلف بس.. تبيني ادخل دوراه المياه تستهبل انت.. تخيل لو احد
نط علي من فوق الجدار وش بسوي بعمري ذيك الساعه..
سليمان هو يضحك: طيب وين بتلبسين فيه..

سليمان: يله ورينا شطارتك…
ريم: اسمعني زين. انا بافسخ العبايه وانت بتمسكه وتغطي علي وطبعا وانت برا العبايه وداير
وجهك قدام فاهم..
سليمان: فاهم والله فاهم بس اخلصي بتصفر الحين..
ريم لبست السروال بدون ما تفسخ المريول وبعدين فسخت الشيال وباقي بلوزه الي تبع الشيال
خلتها ولبست مالثوب عليها وعدلت لثمتها بعد ما تحوست.. وطبعا سليمان حاول يقز(يناظر) شوي بس
بعد ما نفخت ريم عليه عقل…
ريم: خلصت .. اقول ما معك شماغ..
سليمان: عاد اليوم بالذات ما جبت..
ريم: طيب جب لي شماغ..
سليمان: من وين اجب لك..
ريم: اسرق لي شماغ اي واحد..
سليمان مبقق عيونه: لا والله وشايفتني..
ريم: انا ما قلت اسرق اسرق.. يعني بالكلام العربي استعاره..
سليمان: طيب بدبرها لك..
” وراح ونادى واحد من بزارين اولى ثانوي وقال له..تعال حبيبي اسحب لي شماغ اي
ولد وانحاش”
الولد:خبر وش قالوا لك عني ..
سليمان:بعطيك اللي تبيه بس جب لي الحين شماغ..
الولد:مدام المساله كذا ولا يهمك اصنع لعيونك شماغ..
سليمان:مولله ..رح يله..
“طبعا الولد سحب شماغ واحد ودز وراح لعند سليمان وعطاه الشماغ”
سليمان رجع لعند ريم:خذي دبرته لك..
ريم وهي مبسوطه:يسلمووووووووووووو زين سويت………….يله؟..
سليمان :شنو بعد يله؟..
ريم:لف عني ابي البس الشماغ..
سليمان:صد عن ريم ……..وريم لبست الشماغ وتلثمت..وسفطت عبايتها والمريول وخبتهم..

لف عليها سليمان:احلى احلى حركات..
ريم : ماتلاحظ اني عطيتك وجه..
سليمان:هذا جزاي الحين..
ريم وهو كاسر خاطرها:لاموقصدي كذا..يعني لاتمون بزياده..

“رن جرس نهايه الفسحه ..وريم بدت علامات الخوف عليها”

سليمان:وش بتسوين الحين؟..
ريم:بدخل معاك الفصل وش اقعد اسوي هنا..
سليمان:يله مشينا للفصل…والله يعيناا..
“مشو ودخلوا الفصل..وكان الفصل فاضي شوي ..
ريم: وين بجلس فيه؟..
سليمان:اكيد بتجلسين ورى..
ريم: طيب اسمع قول لاصحابك اللي تعرفهم زين اني هنا..
سليمان: ناويه تفضحين نفسك انتي..
ريم:عشان يقدرون يساعدوني ويغطون علي..
سليمان: اوكيه انا راح ادبر كل شي وانتي تعالي اجلسي هنا …..وقبل ماتجلس ريم ..

قال واحد من الطلاب : سليمان من هذا اللي معك كانه جديد..
سليمان يصرف: لاجديد ولا شي هذا واحد من اصحابي وده يحضر معاي ..تكفى نم وانت
ساكت وخل اللقافه عنك..
ريم كان قلبها واقف من الخوف وخافت من الفضيحه..

“نادى سليمان اصحابه …تركي وسعود ونواف ”

خلوني اعرفكم عليهم..

“تركي…جميل الابعد درجه ملامحه حاده ملامح خليجيه عيونه وساع وكحيله وخشمه طويل سلت سيف ..وسكسوكته
سوداء غامقه محليته زياده وجسمه روعه كان معضل شوي وهو انسان جرئ ومغازلجي بس قلبه
طيب وحبوب”

“سعود مملوح .اسمر وحبوب وطيوب وهادي”

” اما نواف ابيض البشره دبدوب وهادي وحيوي(يستحي) ومرره طيب ومسالم”

سليمان: تعالوا ابغاكم شوي.. ودخلوا الفصل وجلسوا ..

خليني اشرح لكم الوضع..
في الاخير جالس سليمان وجنبه ريم وقدامهم تركي وسعود ونواف ..
تركي: خيروش فيك؟..
سليمان:قربوا ….بعد قربوا ..قربوا بعد..بعد اكثر..
تركي : يوووووووه اخلص وش تبي؟..
سليمان : طيب لاتنافخ اسمعوني زين وحطوني على بالكم عدل الموضوع خطير..
نواف بخوف: بسرعه قول تلفت اعصابنا..
سليمان: سمعتوا بالبنت اللي دخلت المدرسه ..
سعود:انشاءلله هذا الموضوع اللي مزعجنا عليه..
سليمان: اقول انت اسكت …………..البنت هنا في الفصل..
تركي بشهقه : وش تقول انت البنت هنا..
سليمان: اقول قصر صوتك لارفسك هنا..
تركي: طيب وينها وينها..
سليمان : اللي جنبي …………………………وعيون الثلاثه كلهم عليها
ريم: خير وشتبون؟
سعود: والله صدق هذي البنت..
نواف: تركي انت قاعد تشوف اللي اشوفه
تركي: نواف انت مستوعب بنت معانا ووراي بالضبط في الفصل..
سليمان بعصبه: اقول انت وياه جعل عيونكم تنفقع انشاء لله ارحموا البنت شوي شوي عليها……….اقول
ركزوا معاي الحين ابغاكم فزعه وابيكم تساعوني وتساعدون البنت..
“شرح لهم سليمان سالفه ريم من اولها لاخرها”
ونحاول انا نغطي عليها لحد ماتصفر الحصه الاخيره اوكيه..
تركي: اقول خلها تجلس جنبي..
سعود: لاجنبي انا احسن..
نواف: اقول لا انت ولا هو تجلس جنبي انا احسن لهاااا..
ريم بعصبيه: خير شايفيني لعبه عندك انت وياه …….اقول ترى انا بنت ناس واصل ومتربيه
ولا يجي على بالكم اني من هالبنات ..
سليمان يضحك لانه حافظ الموال..
اقول اسمعوني بلا هبال..الحين علينا رياضيات وخبل ومايدري وين ربي حاطه فيه فاحاولوا تعدون الحصه
على خير..

دخل المدرس: السلام عليكووووووووو.
الطلاب: وعليكم السلام..
ريم: مصري هههههههههههههههههههههههههههههههههههاي
سليمان يضحك : خير وش اللي يضحك؟..
ريم: انشاء لله هذا مدرسكم السبيكه (تنكه = خبل = مفهي = مايدري وين ربي
حاطه فيه) ..
سليمان: من ناحيه سبيكه سبيكه ..
ريم:لا احنا ما يدرسونا مصريات ..كلهم سعوديات وحلوات..
سليمان:ياحظكم ياهالبنات مدلعين..
ريم: وععععععع مادري وشلون متحملينه..
المدرس: فيه ايه ياسليمان انت واللي جنبك….شاغلك عن الدرس ايه..
سليمان: ولا شي استاذ ولا شي..
ريم هههههههههههههههههههههههههههههههههههههههههههههههههه هههااااااااي
سليمان:اقول اسكتي ترى بتفضحينا ..
ريم هههههههه وش اسوي ما اقدر مدرسكم صراحه حفله هههههههههههه
سليمان:خلاص ماودي اضحك ههههههههه ترى بيطلعني برا الفصل اسكتي ..
تركي كل شوي لاف وجهه وسعود كل ماجت فرصه لف عليها ونواف ياعمري عليه يستحي..ويااادوب
خلصت الحصه اللي مابغت تخلص واول ماصفرت طلع المدرس على طول الثلاثي المرح لفوا وجيهم
عليها..
ريم: اعوذ بالله من الشيطان الرجيم..
تركي: ليه شايفه جني..
سليمان: صادقه والله ماكذبت البنت ..
تركي يهمس لسليمان: اقول وش اسمها ؟
سليمان: ماقالت لي عشان اقولك..
تركي : اهاااا..
سليمان:اقول شباب وش علينا ذا الحصه ..
نواف: اتوقع دين …..وفجاه دخل طالب وبصوت عااالي شباااااااااب شباااااااااااب تفتيش تفتيش..
هنا طاح قلب ريم من الخوف ولفت على سليمان: وش اسوي والله بنفضح وبروح في
ستين الف داهيه..
سليمان وهو يفكر ومحتار ومن جد خايف عليها,,:اهدي انتي الحين بسوي فكره دايم نسويها اذا
كنا جايبين معانا شي خطير..
ريم: شنووو الفكره..
سليمان :اسمعي الحين هم يفتشون على اللي قدام اول وبعدين على اللي ورى اذا فتشوا
على اللي قدام انا راح ابدلك مع واحد منهم ..اوكيه
ريم: طيب اخاف انكشف..
سليمان: لاتخافين لاني راح احوس الفصل حوس وراح اقول لاخوياي يساعدوني بس انتي هدي بالك
شوي..
“راح سليمان قال لاصحابه عن الخطه اللي بيسويها ”
تركي :اوكيه انا بتفق مع اللي قدام على اساس انو انا وانت توديها بدالي..
سليمان: اوكيه
“دخلوا لجنه التفتيش وبدوا يفتشون …وتركي متفق مع طلاب الفصل انه جايب كاميرا فيديو وقايل
لهم يحسون ترتيب الفصل ويصير الفصل زحمه”
بدا التفتيش في الصف الاول وبعدين الثاني …وبعدها تركي اشر للطلاب يبدون يحسون الفصل ..

وسليمان بسرعه سحب ريم ووداها قدام ورجع الطالب بدالها ورى مر التفتيش على تركي وسعود
ونواف وبعدين سليمان والطالب اللي معاهم ..
وتو اللجنه بتطلع..
“دخ ل المدير”