جدول المحاسبة اليومية للمسلم

جدول المحاسبه اليوميه للمسلم

عايزين كلنا نتفق مع بعض على شويه حاجات نحاول على اد مانقدر اننا نطبقها ان
شاء الله يوميا فى رمضان

انا نزلت الموضوع ده علشان نبدا التطبيق كلنا كاعضاء مع بعض
هنعمل لنفسنا نظام يومى النظام ده مكون من شويه جداول نحاول نطبقها على اد مانقدر

العناصر ده اللى عايزين نعود نفسنا عليها ونعملها كل يوم هى:
ترديد الاذان (له جدول خاص به)
الصلا ه (لها جدولين)
اذكار الصباح والمساء
قراءه القران(قراءه جزء واحد من القران)
الاستغفار (10 مرات)
الصلاه على النبى (10 مرات)
الدعاء قبل الافطار (دعوه الصائم مستجابة)
صلاه التراويح (بعد العشاء)

صلاه قيام الليل
صلاه التهجد
ركعتين قبل الفجر
القيام باى عمل خيرى (صدقة- وضع موضوع دينى- قراءه موضوع دينى…..الخ)-
طاعه الوالدين (اسعادهم باى شىء نقبل ايديهم – نساعدهم….الخ)

طب ازاى هنعود نفسنا على الحاجات دة……. هنمسك حاجه حاجه وهحاول اشرحهولكم ببساطه هنعمل فيها
اية
………………………………………….. …………………….
اولا: ترديد الاذان

هنعود بعضنا اننا نحاول على اد مانقدر اننا نردد اذان الصلوات الخمسه ومش بس كده
احنا هنحط لنفسنا درجه قدام كل اذان
مثلا:
فى اذان الفجر لو رددنا الاذان هنحط درجتين ولو نسيناه هنحط صفر وهكذا بالنسبه لكل
اذان موجود فى الصلوات الخمس

هنحط درجه امام كل اذان
فائده الدرجات ده هقولكم عليها فى الاخر

اول جدول هنحاول نطبقة
جدول محاسبه النفس اليوميه (جدول شامل ومهم لكل مسلم)

نحسب ونشوف هناخد فيه كام من 10
طيب لازم نكون عارفين فائده ترديد الاذان والدعاء اللى بعدة
عن جابر رضي الله عنه ان رسول الله صلى الله عليه وسلم قال:” من قال
حين يسمع النداء: اللهم رب هذه الدعوه التامة،
والصلاه القائمه ات محمدا الوسيله والفضيلة، وابعثه مقاما محمودا الذي وعدته ، حلت له شفاعتي
يوم القيامة” رواه البخاري
ويفضل بعد ذلك قول :
رضيت بالله ربا ، وبالاسلام دينا ، وبمحمد صلى الله عليه وسلم نبيا ورسولا
اظن كده عرفنا فائده الترديد والدعاء ايه هوه كمان
يالا بينا نشوف العنصر التانى اللى هنعود نفسنا عليه يوميا
………………………………………….. ……………………
ثانيا: الصلاة
هنعود نفسنا على حاجتين فيها:
1- الصلاه فى وقتها
اننا نصلى الصلاه فى وقتها يعنى نسمع الاذان نقوم نصلى
(احب الاعمال الى الله الصلاه فى اوقاتها) وماتنسوش اننا فى رمضان وعايزين نعمل احب الاعمال
الى الله
2-ختم الصلاة:
وهو من تمام الصلاه لازم نعود نفسنا على ختم كل صلاه علشان كتير مننا بينسوا
الموضوع دة
ختم الصلاه (هنقول بعد كل صلاه 33 مره سبحان الله – 33 مره الحمدلله –
33 الله اكبر- نتمم المائة(لااله الا الله وحده لاشريك له ,له الملك وله الحمد وهو
على كل شىء قدير)مره واحده وعشر مرات بعد صلاه الفجر والمغرب -نقرا ايه الكرسى وقل
هو الله احد وقل اعوذ برب الناس وقل اعوذ برب الفلق مره واحده وتلات مرات
بعد صلاه الفجر والمغرب
فى عنصر الصلاه عندنا جدولين:
الاول: جدول المواظبه على الصلاه فى اوقاتها
جدول محاسبه النفس اليوميه (جدول شامل ومهم لكل مسلم)

الصلاه فى وقتها (ناخد درجتين)
الصلاه بعد وقتها بفتره (ناخد درجة)
نسيان الصلاه (صفر)
بدرجات ونشوف اخدنا كام من 10

التانى: جدول المواظبه على ختم الصلاة
جدول محاسبه النفس اليوميه (جدول شامل ومهم لكل مسلم) 77535alsh3er.JPG
ونشوف اخدنا كام من عشرة
وكده العنصر التانى خلص
يالا بينا على االلى بعدة

باقى العناصر هنحطهم كلهم فى جدول واحد ونحاول ننفذهم كل يوم
جدول محاسبه النفس اليوميه (جدول شامل ومهم لكل مسلم)
وطبعا نزود قيام الليل او اى عمل اضافى
الجدول ده مجموع درجاته من 20
نحسب ونشوف اخدنا كام

………………………………………….. ….
وصلنا لاهم نقطه هو جدول شامل لمجموع الاربع جداول اللى فوق دول

جدول محاسبه النفس فى اليوم الواحد فى رمضان

جدول محاسبه النفس اليوميه (جدول شامل ومهم لكل مسلم)

ونشوف احنا اخدنا كام من خمسين …..كل يوم ننفذ الجداول ونشوف اخدنا من خمسين وياترى
بنزيد ولابنقل لو زادت الدرجه يبقى احنا فى تحسن
وهو المطلوب
هنلاقى نفسنا فى اخر اليوم اننا عملنا حاجات كتيره اوى ومفيده وهناخد عليها ان شاء
الله الثواب
الجداول ده بسيطه وسهله وكلها حاجات لو ربنا قدرنا نقدر نعملها كل يوم ان شاء
الله وعايزين نشجع بعض وياريت تقولولى يوميا نفذتوا من الجدول ايه او حتى كام الدرجه
عايزين كلنا كاعضاء نشجع بعض او حتى عرفونى انتم بتنفذوه ولا لا

يارب الفكره تعجبكم