تعرف على حيوان السبع
السبع (نطق: /sæbʕ/, الجمع: سباع نطق: /seˈbæːʕ/; او اسد; الاسم العلمى: Panthera leo) هو حيوان
ثديى تبع جنس البانثيرا اللى بينتمى لعيله القطط (زى النمر و الفهد). الاسد حيوان كبير
و ممكن يوصل وزن الدكر البالغ ل 250 كجم.[1] بتعيش السباع فى قاره افريقيا و
جنوب غرب اسيا و غرب الهند. بتاكل السباع اعشاب مختلفه و الحيوانات الميته و الحيه.
الدكر ليه شعر على رقبته و النتايه مالهاش.
السبع بيعتبر رمز للقوه و الشجاعه و عشان كده بيتحط رسمه ساعات على الاعلام و
رايات الملوك. فى مصر الظاهر بيبرس اتلقب بسبع مصر و كان السبع رمزه هو و
عياله السعيد بركه قان و سلامش اللى حكمو بعده. و بيشتهر كوبرى قصر النيل فى
القاهره بتماثيل السباع الاربعه المحطوطين على جنابه و اتسمى الخديوى اسماعيل “ابو السباع” نسبه لسباع
الكوبرى اللى بناه.
