النهود عند الرجال علاج ترهل الثدى عند الرجال بسهولة
بصراحه قولت لازم اعمل التوبيك ده بسبب المتاهات على النت والكلام الكتير مره تلاقى علاج
معين للمشكله دى او وصفه معينه وبعدين تلاقى فى مكان تانى ان العلاج اللى انت
شوفته ده مضر جدا وبيسبب كذا وكذا وكذا ومتاهات كتير ومحدش عارف ايه الصح من
الغلط مع ان الموضوع ابسط من كدا ومش محتاج كل الخرافات دى
طبعا نسبه كبيره من الرجال بتعانى من المشكله دى وخاصا فى سن المراهقه وده بيتسبب
فى انك مبتعرفش تلبس اللى انت عاوزه مبتعرفش تمارس بعض الرياضات زى السباحه بسبب الاحراج
من شكل الصدر وبتاثر على الحاله النفسيه لصاحب المشكله .. بس اوعدك لو حطيت الموضوع
فى دماغك شويه ها تتخلص من المشكله دى باذن الله مع شويه صبر واصرار بس
مش اكتر .. وطبعا بالنسبه للناس اللى بتفكر فى الجراحه فده بيكون كحل اخير اعمل
انت كل اللى عليك وفى حاله لو ملقتش نتيجه مع ان ده شبه مستحيل والجمله
دى غلط جدا يبقى ساعتها فكر فى الجراحة
ها نتفق على شويه حاجات بسيطه كدا مع بعض نمشى عليها وان شاء الله النتيجه
تبان فى زمن قياسى
اول حاجا اللى قالك ان لعب الحديد لعضله الصدر ها يخلى شكلها اكبر لان العضله
بتزيح الدهون ومبتتصلش اتصال مباشر بيها فا انت لازم تخس وتنزل الدهون اللى فى جسمك
فى الاول بعدين تلعب حديد فالكلام ده نصه صح ونصه غلط
علشان تخسر الدهون الزايده او الترهل الموجود فى الصدر سواء كنت ثمين او جسمك متناسق
معادا الصدر ها نمشى على نفس الحاجات اللى هنتفق عليها
ابدء بقى علشان شكلكم اتخنقتم منى .. مش حقولك امشى على نظام معين واليوم الاول
تاكل كذا والتانى كذا والكلام ده لانى عارف ان محدش بيقدر يستمر عليه ويشترى اكل
معين لكل يوم ومحدش بيكمل فيه فى الاخر وبنزهق
بس كل اللى هقوله شويه ملاحظات كدا صغيره وبسيطة
1 – لازم تقول فى نفسك انك يا انا يا المشكله دى بمعنى اصح لازم
تكون واثق فى نفسك وواثق انك كل يوم بتتحسن وها توصل للشكل المثالى اللى فى
دماغك
2 – ابعد عن اكل الفراخ نهائى مسلوقه مشويه محمره اى حاجاااااا فراخ لا لانها
اصلا سبب المشكله دى عند معظم الناس اللى بيعانوا من الترهل فى الصدر خصوصا جلد
الفراخ
3 – اول ما تصحه من النوم على الريق وقبل ما تنام اشرب كوب قرفه
بالجنزبيل – يفضل ميكنش فتله – + معلقه عسل ابيض وتدوبها فيه .. طيب ليه
العسل الابيض ؟؟
اولا بيحلى المشروب
ثانيا ليه دور كبير فى اذابه الدهون
ثالثا مش هيخليك تحس بدوخه اثناء الدايت
4 – قطع فص توم على جزئين او تلاته على حسب ما تقدر تبلعه بكوب
مايه على الريق – ده مفيد عاما للتخسيس وليها فوايد كتيره جدا –
5 – احنا قولنا اول ما نصحه وقبل ما ننام كوب قرفه بالجنزبيل مع معلقه
عسل ابيض طيب قبل الغدا ؟؟ كوب شاى اخضر بدون اضافه سكر او نصف معلقه
او معلقه بالكتير
6 – نظام الاكل واللى احتمال يكون عليه شويه جدل بس انا هقولكم على تجارب
شخصية
لو قولنا مثلا :: فى اليوم الاول 6 ثمره موز 2 فطار 2 غدا 2
عشا
تانى يوم 3 تفاحات برده واحده وواحده وواحدة
تالت يوم 2 زبادى على الفطار – بس نشيل الوش لانه بيبقى فيه نسبه دسم
كبيره –
والغدا بطاطسيه مسلوقه بشويه كمون وملح – بدون زيت –
العشا طبق سلطه وسط كدا يعنى انا مش بقول على نظام معين وهو الاكل ده
وبس لكن حاول انه يكون بنفس الكميات دى ومحتويات شبيها يعنى غير انواع الفاكهه ماشى
بس ابعد عن العنب والتين والمانجا
ممكن قطعتين لحمه مسلوقه فى الغدا .. بحيث يكون عدد السعرات اللى داخله الجسم اقل
من اللى خارج وفى نفس الوقت ندى للجسم العناصر المهمه اللى بيحتاجها علشان منحسش باى
نوع من التعب او الضعف يعنى مثلا خصصت يوم للموز فقط لانه فيه نسبه سكريات
مش هتخليك تتعب تانى يوم شيلنا الموز خالص وحطينا تفاح بس لانه ليه عناصر تانيه
مفيده جدا فى التخسيس وللجسم عاما اتمنى تكون الفكره واصله بالشكل المطلوب
7 – ها نمارس نوعين من التمارين واحد منهم اول ما نصحه من النوم قبل
الفطار والتانى بعد الغدا بساعتين زى ما انت عاوز
اول نوع من التمرين :: لو انت عايز تخس بشكل عام يبقى تمشى ساعه يوميا
انما لو عايز تخسس الصدر تجرى 30 دقيقه مع تحريك الذراعين وانا بفضل الجرى فى
البيت فى المكان مع سماع الاغانى او الموسيقى المفضلة
تانى نوع من التمرين :: بعد اول اسبوع من الدايت ابدء روح جيم وفهم المدرب
انك عاوز تخس مش تبنى الصدر او ما تتكلمش معاه خالص وخش واعمل اللى هنقول
عليه
ها تلعب 3 تمرينات بس وقبل ما تبدء فى اللعب يستحسن يكون معاك بخاخه فيها
خل التفاح وترش وتدلك الصدر قبل ما تبدء لانه بيفتت الدهون العنيده وبيخليها اسهل فى
الذوبان بس لو هتعمل كدا يبقى شرط اساسى تاخد دش بعد التمرين لتجنب اضرار خل
التفاح على الجلد
التمرين الاول :: تمرين البار المستوى لعضله الصدر ها تلعب بوزن خفيف بحيث تكون بتشيله
بسهوله وفى نفس الوقت مناسب يعنى مش خفيف اوى ها نلعب 25 تكرار فى 4
مجموعات وناخد 30 ثانيه راحه بين كل مجموعه والتانية
التمرين التانى :: نفس الكلام بالظبط بس المرادى البار العالى
التمرين التالت :: اسمه تمرين التفتيح او فى تمرين تانى اسمه التجميع على حسب المتاح
فى الجيم واللى اتنين مسئولين عن تحديد شكل الصدر وبرده ها نلعب 25 تكرار بوزن
مناسب 4 مجموعات راحه 30 ثانيه بين كل مجموعه ومجموعة
اعتقد كدا التمرينات مش كتير ومش ها نتعب اوى اهم حاجا الاستمرار وان شاء الله
النتيجه تبان من اول شهر .. طبعا شهر مش مده قليله بس دهون الصدر بتكون
عنيده وبتاخد وقت على ما تذوب على حسب الحاله ممكن النتيجه تبدء تبان خلال شهر
ولحد 6 شهور على حسب الحاله والشكل اللى انت عاوز توصله .
بشويه الحاجات دى باذن الله ميبقاش فى مشكله وتقدر تلبس اللى انت عاوزه وتمارس الرياضه
اللى انت عاوزها بس اهم حاجا علشان تنجح لازم يبقى عندك صبر وحماس وثقه بالنفس
اتمنى اكون افدتكم
