العلاج بالقسط الهندي للعين والحسد
تقول الاخت :
عانيت من خمول الغده الدرقيه اكثر من سنتين
وكنت اخذ ثيروكسين 100
والاعراض خفت بنسبه 20% بعد الثيروكسين
طريقتي في القسط الهندي
اكله ثلاث مرات باليوم
ملعقه صغيره قسط هندي +ملعقه صغيره زيت زيتون + ملعقه كبيره عسل سدر
الغده جتني بسبب عين
والقسط الهندي عالج الغده والعين الي فيني .
………………………… …………
ويستخدم لعلاج السحر والمس وتكيس المبايض
ولونه بني وريحته تشبهه ريحه الغنم ومر طعمه بس مع العسل مايبين انه مر ..
وهذا شرح اخت اخرى وقتها مع القسط :
وبركاته
ابدا مافيها ازعاج والله .. انا سهلت عليكي وجمعت ردودي في رد واحد علشان يسهل
علينا ننشره للبنات المحتاجات ..
استميحك عذرا يالغاليه على التاخر في الرد
بدايه اسالك بالله ان تنقلي كلامي هذا لاي وحده تعاني من تاخر الحمل او عدم
انتظام الدوره الشهريه .. واللي عندها خلل في هرمون الغده الدرقيه وزياده في نسبه الانسولين
في الدم .. والتكيس وبلاويه من ارتفاع هرمون الذكوره وما يصاحبها من اثار
ما ابتغي في ذلك غير وجه الله .. ثم دعاء الاخوات لي بالتيسير وتذليل المصاعب
امامي .. فلا شيء يوازي دعاء الاخت لاختها في ظهر الغيب
انا كم مره تكلمت عن القسط في تجمع المتكيسات بس البنات ما اظهروا اهتمام ..
وذكرته للحصول على الاجر ومساعده البنات .. لاني عانيت من التكيس والغده الدرقيه والسمنه والدوره
ولخبطه الهرمونات كثير جدا .. وربي كان عالم بحالي
.. بحط لج الردود اللي وضعيتها للبنات .. وعلى فكره .. من اربع شهور بعد
عملت فحص للتكيس .. قالت لي الدكتوره انه ماله اي اثر .. والدوره منتظمه ولله
الحمد والمنة
…………………….
القسط يجي على شكل اعواد لونهم بني .. كانه خشب .. تكسرينه وتطحنينه في الماكينه
اللي تطحن .. وتحفظينه في قاروره ..
انا تعالجت شهرين بالضبط .. وكنت اخذ ملعقتين صغار مره الصبح ومره بالليل .. وتقدرين
تاخذينهم اي وقت خلال اليوم .. يكونون مرتين .. ولا تكثرين .. لان الشيء اذا
زاد عن حده ينقلب ضده .. بعد ما تاخذينه تشربين وراه ماء لانه شويه طعمه
مر .. مو وايد بس يحتاج تشربين وراه ماء علشان ينزل .. وطبعا تكون النيه
هي الشفاء من الله سبحانه والسبب هو القسط ..
انا بعد ما خذت العلاج يوميا بعدها بشهرين اختفت تماما اعراض الغده الدرقيه وصارت نسبه
الانسولين في الدم معتدله .. وخفت نسبه هرمون الذكوره بشكل ملحوظ وانتظمت عندي الدوره الشهريه
ولله الحمد .. واستمريت بعدها في العلاج بس ما كنت اخذه يوميا .. وبعدها بفتره
عملت تحليل للهرمونات .. وعملت تصوير للمبايض علشان افحص التكيس .. وكانت النتيجه ولله الحمد
والمنه ان الدكتوره قالت اي تكيس تقصدين .. انتي ما عندك تكيس ابدا .. حمدت
الله سبحانه .. وطلعت لي نتائج تحليل الدم وقالت كل شيء عندك منتظم .. حتى
هرمون الذكوره نسبته في الدم مثله مثل اي بنت .. مع ان وزني ما نزل
.. وانا مو متزوجه ..
والعشبه بعد تنظم الدوره الشهريه اذا كانت متلخبطه عندي .. طبعا بسبب التكيس وخربطه الهورمونات
.. انا الدوره كانت اتيني شهرين ما توقف .. ويوم توقف اتريا خمس شهور لين
ما تنزل .. مع اني بنت موب متزوجه .. وهذا كله رااح بفضل الله تعالى
.. والدوره عندي منتظمه مع ان بعدني مليانه .. بس شوفي كيف العلاج سبحان الله
وعن لخبطه هرمونات الغده الدرقيه .. انا كنت اكل حبوب الغده .. لا وكان عندي
تكيس بعد وزياده في هرمونات الذكوره .. تخيلي وزني زاد في شهر ونص 15 كيلوا
.. حالتي النفسيه استوت ارف .. وعالجت عمري بالقسط الهندي .. وهي عشبه مذكوره في
الطب النبوي وتقدرين اتسوين بحث عنها وبتتاكدين من كلامي ..
ما بتصدقين اذا قلت لج ان كل الاعراض اللي كتبيتها راحت .. وازيدج من الشعر
بيت .. من اربع شهور عملت سكان للمبايض وتحليل هرمونان .. التكيس راااااااااااااح بفضل الله
تعالى .. والغده تشتغل تمام التمام والافراز طبيعي الحمد لله .. ويالسه انزل من وزني
وقدرت لين الحين انزل 10 كيلوا بفضل الله تعالى .. وهرمونات الذكوره خفت واااااااااايد ..
يعني الحين زايده عندي اقل من درجه الحمد لله .. وقالت لي الدكتوره هذا طبيعي
.. حتى الشعر الغليظ وايد خف .. صح اسوي ليزر .. بس قبل يوم كنت
اسوي ليزر والهرمونات متلخبطه النتايج كانت وايد بطيئه .. الحين كل اربع شهور اسوي مره
.. مع ان ويهي كان مثل الرياييل والله .. وكنت استحي اراوي ويهي حد ………..
اتعالجي بالقسط الهندي .. في منها نوعين .. بني وابيض .. انتي استخدمي البني لان
هي المذكوره في الطب النبوي والحديث الشريف.. وهي عباره عن اعواد يوم بتاخذينها من العطار
.. تطحنينها وتاخذين ملعقه صغيره الصبح ووحده في الليل ..واستمري عليها يوميا لمده شهرين ..
وعقب سيري سوي تحليل الغده .. بتتذكرين كلامي .. واذا شفتي نتيجه ان شاء الله
.. اتمنى منج الدعااااء بالتيسير بس والتوفيق في حياتي ..
