الروايه السعوديه العنود وفيصل
اهم شخصيات الرواية,,,,
العنود/بنت عمرها 22 سنه متخرجه من ثانوي وتشتغل في بنك تصيربنت عمه محمد وفيصل.فيصل/عمره 30
سنه عايش عشر سنسن في امريكا جراح قلب وسيم ومغرور حيل والكل يحسب له الف
حساب اذا دخل مكان يوقفون له احتام من شخصيته وحضوره القوي..محمد/عمره 28 سنه مهندس في
شركه بترول متخرج من النمسا ..وسيم الى حد ما,,في شبه بينه وبين فيصل ولد عمه
بس هذا اسمراني وذاك ابيض وعلاقته بالعائله كلهم حلوه وشخصيتها واثقه واجتماعيه وله علاقه خاصه
بعمته ام العنود وعيالها,,,
في بيت ال معمر..(البندري والجازي والوليد والهنوف)
العنود/جويزي مابتروحين الجامعه اليوم,,,
الجازي/لابطنش..
العنود/وليه التطنيش بالله؟
الجازي/والله البارحه مانمت زين ومالي خلق اقوم من فراشي علشان الجامعة…
العنود/المهم انا والبندري بنطلع من دواماتنا وبنروح بيت جدي على طول..
الجازي فزت من سريرها/لاحرام عليكم هذا ظلم..
العنود اخذ ت شنطتها ومشت/اقول,,وفري ظلمك في نومك…
******************************* محمد/ماصار ذا يوم الاربعاء ..نستناه يجي من اسبوع…
خالد/وليش تستناه حضرتك!!!
محمد/علشان اشوفها واكحل عيني بشوفتها..
خالد/انا لو منك اصارحها…
محمد/لا انا ابي اتاكد من شعورها اول وبعدين اقولها ,,اخاف يكون قلبها مشغول بغيري ..
خالد/انا اقول لو تكلمها عن شعورك افضل…
محمد/……………خالد/…………..
محمد/…….خالد/ ….مادريت..
محمد/عن شنو؟؟
خالد/فيصل ولد عمك جاي الاسبوع الجاي..
محمد/سمعت ابوي يقول.ياه صار له عشر سنين في امريكا..
خالد/الله يوفقه…..اتوقعه تزوج امريكية,,
محمد/عمي يقول انه ماتزوج..
خالد/يمكن كلام بس !
محمد/لا..وصال تقول لما راحوا له ماكان متزوج وقال لهم ان فكره الزواج ماهي في راسه
هذا الكلام قبل سنتين طبعا (وصال اخت محمد زوجه سعود اخو فيصل)خالد/والله فيصل كل شي
عنده عادي بتشوفه اذا رجع..بيقلب الدنيا..
محمد/هو من اول شايف حاله كيف بعد اللحين جراح قد الدنيا…اكيد مايشوف اللي حواليه.
.خالد/هاهاهاها اذا هو دكتور ترى حنا مو طرارين حنا بعد مهندسين قد الدنيا…
محمد/هاهاهاهاها شفيك معصب انت يااخي الدعوه سوالف…
******************************* في بيت العامري بيت ابو فيصل (سعود ,سلطان,لطيفة,نوف,)
نوف/واخيرا اليوم الاربعاء بنروح بيت جدي كلنا…
وصال/اي وانتي الصادقه وحشوني مووت..
نوف/ياسلام انتي قبل يومين كنتي هناك كيف مداهم يوحشونك!!
وصال/انا يوم رحت ماكانوا هناك كلهم وبعدين اليوم الاربعاء غير لاتنسين ان عماتي يكونوا موجودين
هم وبناتهم…
نوف/.اي بناتهم…
وصال/شفيك..
نوف/سرحت في…..العنود
وصال/العنود!!!!
نوف/احلى بنات العيله واذا بغيتي العالم..
وصال/انتي نسيتي نفسك ولاغيرة!!
نوف/لاحرام عليك انا اغار من العنود حرام..العنود حبوبه والكل يطريها بالخير بس كنت افكر فيها..سبحان
الله على جمال الكون اللي عنده بس ربك باليها بمرض وكل يوم والثاني طايحه بالمستشفى…وصال/هاذي
قسمه الله ومافيها اعتراض..
نوف/..ماعلينا..كلها كم يوم وابو عبد العزيز يجي عندنا…
وصال/الله يسمع منك ويسمي عبد العزيز مو مثل اخوه فشلني مع عمي..
نوف/سعود كان راضي يسمي عبد العزيز بس فيصل دق عليه وقال سموه باسل وراي فيصل
يمشي على الكل في النهاية…
وصال/انا باروح اخلص شغلي حق الليلة..
نوف/ok ,وانا اقوم اشوف اخبار المنتدى شو صار وشو ماصار..
وصال/انتي ماراح يعمي عينك غير هالمنتدى…
من كثر ماتقعدين قباله….
الليل في بيت العامري…(بيت الجد واللي ساكن فيه ابو محمد وابو خالد (عيال ابو محمد..,وصال,وضحى,مشعل)(عيال
ابو خالد لؤلؤة,طلال ,روان )
محمد/عمتي شلونك…
ام الوليد/انشد عنك يمه انت شلونك مع شغلك ..
محمد/انا بخير …والتفت الى الوليد….وانت شخبارك مع الجامعة..
الوليد/هانت ..باقي ثلاث سنين…
ام فيصل/هاهاهاها اجل ماهانت يمه ماراح منك غير سنه وحدة…
الوليد/انا اقول كذا علشان اعطي نفسي دافع…
ام خالد/خلاص الاربعاء يوصل فيصل…
ام فيصل/ان شاء الله…
ام وحيد عمتهم الثانيه (هند,مرح,ليالي,وحيد )/ومتى بيجي ان شاء الله..
ام فيصل/من الصبح..يعني غذاكم وعشاكم بيكون عندنا..
ام الوليد/الله يجيبه لنا بالسلامةوالله اشتقنا له حيل ابو عبد العزيز…
ام محمد/انا لو منك ياام فيصل خلاص مااخليه يسافر احكم عليه مؤبد تعويض عن هالعشر
السنين اللي راحوا….
في الحوش…
نوف/مرحوا والله انها عاجبتني يالدبه قولي عاد خذيها حلال عليك..
مرح/لو تحلمين ماعطيتك اياها….
لؤلؤة/شنو عاد؟؟؟
نوف/جزمتها …تهبل تناسب ثوبي اللي من زار..
مرح/
الجازي/عاد انتي ماطلبتي الا من اكرم خلق الله..
مرح/ههههههه
لؤلؤة/طيب وقت اللي بتلبسين الثوب خذيها.
نوف/لا..ابيها لي على طول…
الجازي/والله انتي بعد شغلتك شغلة..
الجازي/المهم بنات انتوا ماتلاحظون شي!!
نوف/لا..مرح/شي مثل شنو عاد؟؟
في جهه ثانية…
هند صديقه العنود من صغرهم ..تهمس للعنود/والله ولد خالك ماهو راضي يشيل عينه من عليك
العنود/لاتقعدين تهذرين مثل العجايز اصلا هو قاعد يناظر فيك..
هند/لاوالله حشى قاعد يناظر فيك انتي..وصال/علامكم اليوم عندكم اسرار…
هند/لاماعندنا شي بس قاعدين نحش فيك..
وصال/فيني انا!!
هند/نقول مشاء الله عليها وصالوا ماكانها صارت ام ولاباين عليها…
وصال/الله ياخذك ياهندوه على هالسوالف…
لطيفة/الا تعالي بنشدك انا……………………………………….. ………………………………………….. …………………………..
العنود رفعت راسها ولقت محمد بعده واقف يناظرها قالت هذا شسالفته كل ماارفع راسي الاقيه
يناظر بسوي روحي بدخل داخل واذا عنده شي بيناديني..
العنود/بدخل شوي ياجماعة..وصال/المهم لاتصيفين وشوفي باسل عند خالتي اذا هو ساكت ولايصيح…(ورجعوا يكملوا سالفتهم‘)
وقامت العنود ومشت في جهه محمد اللي كان واقف فيها ويوم مرت جنبه ناداها…
محمد/عنود…لفت لعنده العنود/انا العنود يامحمد ماني عنود…!!
محمد(وهو يتاملها)/اسف والله مو قصدي اقلل منك يابنت عمتي..
العنود بتبسامه /لاعادي امزح معك ..في شيء!!
محمد/ممكن اتكلم معك ؟
العنود/تفضل.محمد/لا في موضوع خاص يعني مو هنا..
العنود/شنو؟؟
محمد/يعني مايصير وحنا واقفين نتكلم فيه وكل شوي واحد يقاطعنا..
العنود/بالمختصر..
محمد/فيني اكلمك على جوالك؟
العنود/………
محمد/اذا بيضايقك خلاص..
العنود/وهالشي ضروري؟
محمد/بالنسبه لي طبعا.
العنود/طيب..دق علي الليله بنتظرك….
ومشت عنه وهو بعده يتاملها…..
الجازي/انتوا منتوا ملاحظين ان محمد ولد خالي ماهو شايل عينه عن العنود اختي؟
والتفتوا البنات الى الجهه اللي كان محمد واقف فيها..
نوف//اي والله لايكون يحبها؟
مرح/شكله يقول اي..
الجازي/الا اي ونص…اصلا محمد رجله ماخذه على بيتنا في الفتره الاخيره ومايجي الا اذا ضمن
ان العنود تكون راده من دوامها او في البيت ماهي طالعه …ودايما يقول لاامي خليها
تقعد في البيت مرتاحه بدل الشغل ماعندنا غير عنود وحده مانبي نتعبها …هذا شمعناته بالله؟؟؟؟
لؤلؤة/ماله معنى ثاني طلع محمد غرقان في العنود.
نوف/اصلا انا لو مكان العنود والله عاطيني هالجمال كله مااتزوج الا بعد قصه حب فلتة..
مرح/ياي عليك يالرومنسيه …بنشوف قصه حبك مع طلول كيف تكون..
هاهاهاهاهاهاها
نوف بعصبية/ماهو اخر عيالك تقولين عنه طلول ؟
الجازي/الا صحيح شخباره؟
لؤلؤة/الاخبار كلها عند ام النوف..
نوف/طيب..
مرح/ندري طيب يعني خلص لو بعده؟
نوف/بلى قاعد يطبق اللحين…
مرح/د. اسنان..
لؤلؤة/ولو انه مايناسبه …
نوف/وش اللي مايناسبه يلي ماتستحين على وجهك…
الجازي/هههههه هاذي الحقيقه بعد ليش الزعل…
********************************في اخر الليل….
العنود قاعده بغرفتها ودق عليها محمد…
العنود/الو..
محمد/هلا والله..
العنود/اهلين..
محمد/نمتي؟
العنود/لا
محمد/تنتظريني..
العنود/شنو كنت بتقول…
محمد/شخبارك..العنود/طيبة…محمد لاتلف وتدور قول شعندك؟
محمد/اه …عنود..انتي..
قاطعته العنود/اسمي العنود…
محمد/ sory غلطه غير مقصودة.
العنود/وصاير تغلطها واجد..
محمد/……..
العنود/اي كمل…
محمد/زعلتي يالعنود؟
العنود/واذا زعلت شبيصير؟
محمد/اه يالعنود بموت نفسي طبعا…
العنود/……..محمد/ماسالتيني ليه؟؟؟ طيب انا بقولك …..العنود انا…انا غرقان فيك…..
(العنود مسكت شهقتها لايسمعها محمد من المفاجاه وسوت روحها طبيعية)
محمد/ لاتسكتين ردي علي يالعنود…
العنود/……..محمد/انتي في احد في بالك …بس صاريحيني…
العنود/لا..
محمد/اه,,(بس هالمره تنهيده ارتياح)العنود/محمد انت فاجاتني وبصراحه مدري شقولك..
محمد/انا يالعنود احبك من زمان بس كنت خايف اصرحك وتكونين حاطه في بالك شي ثاني…
العنود/ويوم عرفت ان بالي فاضي ارتحت؟
محمد/ارتحت حيل يا….
العنود/………..
محمد/كلميني عن نفسك…
العنود/ليه انت شلي ماتعرفه بالضبط؟
محمد/اشياءك الخاصه كلها مااعرفها..
العنود/وانت تبي تنط مره وحده على اشياءي الخاصة..
محمد/هاهاهاها ابي اعرف العنود..
العنود/لسه بدري…
محمد/طيب فيني اقولك حبيبتي..
العنود/لا..محمد/ليه عاد حبيبتي..
العنود/محمد..محمد/ياعيون محمد انتي…
العنود/…….
محمد/شرايك تجين بكره تتغذين عندنا في البيت..
العنود/لامااقدر..
محمد/ليش عاد؟
العنود/عندي شغل ولازم اخلصه …محمد انا بسكر زين اني تذكرت ان عندي بكره شغل..تصبح على
خير…
محمد/ليش انا الليله بنام علشان اصبح…حرام عليك انا بظل افكر فيك….العنود/تصبح على خير,,,,,,,,,,,وماعطته مجال يتكلم
,,,,,واخذت سماعه التلفون العادي ودقت على هند اللي تستناها تنقل لها الاخبار,,,
هند/هلا..
العنود/اهلين…هند/ها …قولي..
العنود/سمعي………………………………………. ………………………………………..
هند/قايله لك انا هالنظرات ماهي طبيعيه بس انتي ماصدقتيني…
العنود/…………مدري…
هند/وكيف تكلمتي معه…
العنود/لا ماعطيته وجه ابدا وكنت اكلمه بجفاف كبير…هند/وقال شي..العنود/لا عادي قام يتكلم على طبيعته….
**خلوني اوصف لكم العنود وشخصيتها…العنود بنت مره جميله بشرتها برونزيه وشعرها اشقراني مووت وعيونها رصاصيه
فاتحه وهذا الشي اللي يجذبك تناظر فيها من تشوفها رشيقه جدا جدا وهذا راجع لمرضها
طبعا عندها تكسر بالدم وتتعب منه حيل معظم وقتها في المستشفى لانها ماتتحمل اي شي
نعومه حيييل وبريئه لدرجه مو طبيعيه كل الناس عندها طيبين ونيتهم صافيه مادخلت الجامعه واشتغلت
في بنك هي وهند بعد ماتوسط لهم خالها ابو فيصل اللي له د ور رئيسي
في حياتها هي واخوانها بعد ماتوفى ابوهم لان ابو فيصل هو اللي تكفل فيهم وكان
لهم ابو قبل لايكون خال وكانوا متعلقين فيه اكثر من جدهم……
************************************اليوم الثاني…..(في قسم بو خالد)
طلال/وين اختك نايمة…
روان/طبعا اليوم الخميس ماعندها جامعة..
طلال/هاذي كلاه نايمه مافرقت عندها خميس لو جمعة…
روان/انت ماعندك تطبيق اليوم؟
طلال/لا
….ويدق تلفون البيت….
طلال/الو..
نوف/.السلام عليكم..
طلال/وعليكم السلام….
نوف عرفته بس حبت تتعير/خالد شلونك…
طلال/هلا نوف….انا طلال ولامو عاجبك صوتي…
نوف/طلال sory والله مااميز بينك وبين اخوك ..
طلال/غريبه مع ان في اختلاف كبير في الاصوات….كيفك انتي..
نوف/طيبه الحمد لله..لؤلؤه قاعدة؟
طلال/لا طبعا ماهي قاعده بس علشانك ممكن نصحيها..
نوف/لاخلاص بدق عليها في غير وقت..شكرا
طلال/داقه بس تسالين عن لؤلؤة؟
نوف/……….اي..طلال/بس!!!!
نوف/اكيد ليش انت متوقع ان في شي ثاني يعني..
طلال/.لا ..بس..
نوف/طيب باي…….
***بتكلم لكم شوي عن نوف وطلال…من الصغر والجد قايل نوف لطلال وطلال لنوف وكبروا ثنينهم
على هاالشي وطلال يموت على طالايها ودايم يحاول يتقرب منها ونوف تحبه بس صديقاتها اللي
يعرفون بها الشي ولا هي دايما اذا شافت طلال مايهزها رغم انها تذوب عليه بس
تحب تثقل معه بزياده وتتصدد عنه وهذا اللي مجنن طلال فيها اكثر واكثر……طلال يدرس طب
اسنان وسيم بدرجه معقوله يشبه لااخوه خالد كثير مملوح وجسمه متناسق صار همه الشاغل انه
يلبس ويتكشخ علشان حبيبه القلب ترضى عنه لان نوف معروفه ااناق وحده في العيله كلها
…..اما نوف فهي تدرس بالجامعه مع لؤلؤه ومرح ووالجازي بيضه عيونها وساع وشعرها ناعم وصابغته
ثلجي وصاير يهبل فيها دلوعه ابو فيصل وبلا شك ماينرفض ليها طلب ابدا ومهما كان
بس قلبها طيب….
********************************لطيفة/اقول يمه..
ام فيصل/نعم يمه..
لطيفة/وين بتسوون حفل الاستقبال حق فيصل لارجع..
ام فيصل/والله ابوك ماهو راضي يحجز شي الا اذا رجع فيصل يخاف ماتعجبه الحجوزات…
لطيفة/اه يمه..والله واحشنا فيصل..
ام فيصل/اذا واحشك مره يالطيفه فاانا امه يظل واحشني حتى وهو جنبي شتقولين عن قلبي
اللي متقطع على فراقه…
لطيفة/خلاص يمه هانت كاهو راجع لنا بالسلامة…
ام فيصل/كلها من عمري يابنيتي…
لطيفة/يمه انتي كنتي تروحين له دايما في الاجازات…
ام فيصل/سنه اروح وسنتين مااروح واذا رحنا قعدنا اسبوعين لو ثلاثه في بالك يالطيفه هذا
يطفي شوق الام ولا يكفيها انا اظل افكر فيه كل ليله يمه..
لطيفة/يمه فيصل ماهو صغير علشان تقعدين تحاتينه اللي كبره اللحين عندهم عيال…وانتي للحين تقعدين تحاتين,,,
ام فيصل/لاتلوميني يمه هذا ولدي وبكري وابي اتطمن عليه انا حتى اذا رجع وزوجته وجاب
عيال بظل احاتيه…
*******************************
