الاعتناء بالبشره الدهنيه في الصيف
فى البدايه محتاجين نعرف الاول ايه السبب فى مشاكل البشره الدهنيه وبعدين نعرف المشاكل ايه!
البشره الدهنيه تتميز بزياده فى نشاط الغدد الدهنيه ودي غدد موجوده فى طبقه الادمه الملاصقه
لطبقه البشره من اسفل والغدد دي بتفزر الدهون اللى بتخرج من خلال قنوات بتفتح على
سطح الجلد عن طريق المسام.
عشان كده اصحاب البشره الدهنيه المسام عندهم بتوسع عشان تستوعب الدهون الزايدة.
كمان البشره الدهنيه بتبقى دايما لامعه وسهله الاتساخ وصعب المكياج يثبت عليها لنفس السبب وهو
الدهون الزايدة.
وطبعا كل المشاكل دي بتزيد فى الصيف خصوصا مع زياده الافرازات العرقيه كمان مش بس
الدهنية
اما عن العنايه بالبشره الدهنيه فى الصيف :
اولا : الغسول لازم يكون مش بس بيشيل الدهون الزايده على سطح البشره لكن كمان
يكون بينظم الافرازات الدهنيه Sebo-regulating وننصح انه كمان يكون فيه مضاد للبكتيريا عشان يقلل من
فرص الاصابه بالحبوب
ننصح باستخدام Sebium foaming gel , Cleanance gel, Hyseac gel
اي منهم تستعمليه ويريح بشرتك استمرى عليه
ثانيا : واقى الشمس بندور على اعلى معامل حمايه ويكون سائل عشان ميزيدش الدهون على
البشره وننصح باستخدام Photoderm 100 fluid
ثالثا : الترطيب لا ننصح فيه باستخدام كريمات ولكن يكفى المياه الحراريه Avene thermal spring
water, Uriage thermal water
كلاهما جيد
لو احتاجتي مرطب بليل قبل النوم ممكن تستعملى Atoderm milk ده فى حاله الاحتياج فقط
رابعا : المقشر الاسبوعي Sebium exfoliating gel هيساعد جدا فى انه ينقى بشرتك ويديها نضاره
ويشيل كل الخلايا الباهته المتراكمه على بشرتك
خامسا : محيط العين محتاج لترطيب خاص وخصوصا قبل النوم وننصح ب Sensibio eye contour
سادسا : لازاله المكياج ممكن تستعملى Sebium H2O بقطع قطنيه صغيرة
ملحوظه البروتوكول ده يناسب البشره المختلطه كمان بس هتحتاج للترطيب ب Atoderm milk فى مناطق
الخدين وحول الفم
نصيحه اخيره بلاش المكياج التقيل فى الصيف ولو بلاش خالص يكون احسن حاولى تخلي بشرتك
نضره احسن 100 مره من انك تخليها مصطنعه بالمكياج
لو عندك حبايه او هالات او بقع عالجيها احسن ما تداريها بفونديشين وكونسيلر
