اشهر قصائد فزاع الجديده مكتوبة
من يحبك كثر ما احبك انا … و من يحبك حاول و يا ما اجتهد
و من في عينه شوفتك كل المنا … لا و رب العرش ما غيرك ابد
انت شوفي و انت عمري و الهنا … يا جسد بي روح و لو رحي
جسد
و انت عيني و انت نوري و السنا … و انت اسبابي اذا حبي خمد
و انت ميعادي و سهدي و العنا … و انت تعذيبي و صبري و الجلد
و انت راحاتي و روحي و الضنا … و انت الاول ما بها قبل و
بعد
لمنا جو المحبه و ضمنا … و من بعد قربك انا كيف ابتعد
شوف ما اكبر يا حبيبي عشقنا … فاق كل العشق وحده و انفرد
لو يوزع على البسيطه حبنا … ما بقى حد بها يكره احد
ارسم غرام الحب صوره و لونت … و اسري ليالي في غياهب ظلامي
اشتقت لك يا ناعم الصوت و ين انت … في العاصمه و الا نويت المشامي
تشعل حرايق ناس لمين تكلمت … حيث ان صوتك للمولع هيامي
ليتك على من حبك اليوم هونت … هون دخليك صار في الحب ضامي
انت اساس الحسن و الحسن منك انت … و انت لكل الزين رمز و وسامي
من فيض حبك في المحبه تعلمت … افراح عمري و الكدر و التزامي
لونت لك قصه هوانا و لونت … نور الصباح بجنح داجي الظلامي
هذي حقيقه حبي و اليوم اعلنت … انك بقلب اللي يحبك ختامي
خلاص يعني
خلاص يعني كل شي انتهى وراح خلاص يعني ما بقينا حبايب
يعني وعودك كلها كانت مزاح والا انت ما لك في المحبه رغايب
وين العهود ووين لحظات الافراح يعني تلاشت مع هبوب الهبايب
القلب بعدك من له اليوم يرتاح من بعد ما هو في محبتك ذايب
ياما على شانك تحملت الاجراح وياما جروحي من صدودك عطايب
سرقتني عن جمله الناس يا صاح والفكر عندك ماخذنه نهايب
خلك يحبك يا بعد سيد الملاح ان رحت عنه راودنه مصايب
خلك معه دام الهوى حيل نضاح والواش رده يا هوى البال خايب
ليتك معي ..*ثمار الهوى*..
ليتك معي يوم الهوى نود نسناس من الفرح والله ما تدمع العين
ناس على تعذيب ناس لهم ناس وهذا الهوى ياخذ قلوب المحبين
لكن لا يطري على بالك الياس ذوق الهوى دامك تعيش العمر حين
خذ من عطر ورد مع طيب الانفاس واقطف من اثمار الهوى في البساتين
خلك مع حلو اللما عذب الالعاس الجادل اللي فايق بكل تكوين
لا تحط نفسك بين وعرات الاطعاس وافهم بان الحب عذب ملايين
الحب مرجع للمحبين واحساس والحب هو في قلب الاحباب نوعين
ع كيف ما تبغي لك تدق الاجراس والشاطر اللي يملك الحب بيدين
عوضوك بغيابي
عوضوك بغيابي لا تقول اني وحشتك لا تجامل دخيلك في شعور يعنيني
بس يكفي كفايه لا تمادى عرفتك خاين الحب ما له في فوادي حنيني
انت ياللي بعيني حلم عمري رسمتك وكيف تجرح خفوق يعشقك من سنيني
احسبه زاد حبي في غيابي وحسبتك ما تجاهل وداد كان بينك وبيني
كم سهرت الليالي وكم ليله سهرتك وكم ليله خيالك نام في وسط عيني
وكم قل لي دخيلك كم ليل انتظرتك كم قل لي تفضل، كم صدك يجيني
كنت تجري بدمي لا نزفته نزفتك كنت ساكن خيالي، داخلي محتويني
من كتب الحروف الابجديه كتبتك “لامه” ان كان تبغي اول الحرف “سيني”
كلمه احبك ..*لاتندفع*..
لا تندفع و تقول كلمه احبك .. و انته تظن اني انا و انت اغراب
ادرس دراسه بين قلبي و قلبك .. و عقب الدراسه ينولد بينا اعجاب
خلي القلوب تعيش قربي و قربك .. و خلي الشهد من وجنه العمر ينساب
خلي التلاقي بين دربي و دربك .. او باختصار اقول خلينا اقراب
يا شمس شوف القلب كيف انعجبك .. شوفه حبيبي كيف بمحبتك ذاب
شوف القصايد كلها تنكتبك.. و انت لقلبي غالق كل الابواب
سهم الغرام اليوم دامر ارتفع بك.. و انت تايس في القشق دون اسباب
معنى احبك يعني معنى احبك.. و حلو الدلع يا سيدي بين الاحباب
لاتحاول ..*القضا بالقضا*..
لا تحاول تعيد بدمعتك ما مضى .. ما تداوي دموعك جرح طول البعاد
انتهى الحب يا اللى بيننا وانقضى .. ولا بقى لك بقلبي غير ذكرى وداد
كنت اجيك بخفوق فيه حب ورضا .. وكنت انته حبيبي غايتي والمراد
وكنت اشوفك حياتي جوها والفضا .. وكنت يوم تغيب اموت هم و نكاد
بس خذها بصراحه القضا بالقضا .. ذوق كاس شربته منك اسمه عناد
يرفض القلب مثلك به وداد حظى .. دامه انسان مثلك قطعه من جماد
ما تعيش المشاعر في خفوق فضى .. كيف تبني وداد له عنادك عماد
يا فقير المشاعر، يا شتات الشظا .. المحبه بوادي، وانت والله بواد
كيف اجيك
كيف اجيك و كيف انا ابدى في غرامك
كيف قلي ابتدي لك بالكلام
لك اسلم بس ما جاني سلامك
يعني مستكثر علي كلمه سلام
وش اسوي حتى انا استدعي اهتمامك
و افتح الموضوع يا بدر التمام
ابتسملك او اقاطع في كلامك
او اجيك بكلمه فيها احترام
ما قدرت ابعد ما دامني امامك
و لا قدرت اذكر مفاهيم الغرام
حرت بك و احترت بك خلي ما دامك
ما يهمك من غدى بحبك حطام
ابتدي بك حب يا عمري علامك
ما تحس احساس من صابه هيام
يا طيب القلب
يا طيب القلب حكم قلبك الطيب.. اخرت غيرك وبعدته وقربتك
ليه التباعد مع انك دايم قريب.. من وين مااصد في عيوني تخيلتك
ليه انت ناسي وذكري عندك مغيب.. تنسى وانا اذكرك وانسى اني تذكرتك
صارحتك بما يكن القلب ياحبيب.. والظاهر اخطيت فظني وصارحتك
لو يعزى الصبر دونك قال ماثيب.. المشكله ياطول العمر مشكلتك
الصبر شيب وشوق القلب ماشيب.. لازال يلعب في قلبي كل ماشفتك
كم حسن الظن فيك وترجع تخيب.. كدرت بالي وانا مايوم كدرت
اليوم حتى شعوري منك متريب.. هذا خفوقي يحذرني وحذرتك
طاوعك قلبك
طاوعك قلبك تغيب وتهجر احبابك
تنسى غلاهم وتتركهم وتنساهم
حرام تترك خفوقي يشكي غيابك
وانت بقلبي اعز الناس واغلاهم
ناديت والصوت لا شدك ولا يابك
ياسيدي ياعديل الروح يافاهم
تحلا بعيني *مشعل القلب*
يا مشعل القلب تكفى.. خفف شويه القلب من كثر صدك ويلي لحاله
دامه يحبك ولا له غيرك بغيه وش له تحطه فدنيا الهم وتناله
انت حبيبي لقلبي نوره وضيه تحلى بعيني وقلبي صرت تحلا له
وانت ربيع الخفوق وشمسه وفيه وان حب غيرك خفوقي بقطع اوصاله
ما اريد بك حد ولو كان حوريه انت مهدي الغرام وانت زلزاله
للموت انا لك حبيبي صوره حيه ميت بحبك وحبك صرت انا اسعى له
يا بو عيون مثل عين دمانيه حورا هدبها مظل ودعج قتاله
كاسينك الحسن واوصافك خياليه من راد يوصف جمالك يتهيا له
بركان الغلا
يفوح بركان الغلا والصدر فاح .. ويضيق من ليل الجفا كون فسيح
يا معود عيني على قل المراح .. ويميل غصنك ويتعلق به جريح
وش فيك تاخذني على ريش وجناح .. شلون اطيح فراق و انا ما اطيح
طاح الضيا على جبينك واستراح .. والليل من بين الجدايل مستريح
يعني جمعت الليل بانفاس الصباح .. حتى تجسد فيك معناه المليح
الفرحه الي كنها طعم النجاح .. والمده الي تجرح الكف الشحيح
مفاتنك سحر لكن سحر مباح .. عليك اسمي منهل الوجه القبيح
يا اعذب من الماء في مصبه يوم ساح .. يوم استبحت القلب وش له تستبيح
اجتحتني واتقنت فن الاجتياح .. واتعبتني وانا سدودي ما تبيح
متعود تترك على قلبي جراح .. ذباح روح وتمشي بدم الجريح
اشوفك بعين الغلا والارتياح .. و انسى الطعون الي انا فيني فحيح
استوعب اخطائك واطالبك السماح .. ويطغى على كيل الهجاء كيل المديح
لا لاح براقك وبرق الشعر لاح .. اصرخ من الاعماق و اقول الصحيح
انك مليح وتعتبر سيد الملاح .. تستقبلك افواه ويضيع المديح
قدها وقدود
صدق من قال يا محمد بانك سيف ما تنصد مرواتك علم خفاق وفيك المرجله والجود
يا بن راشد وابو راشد بنيت امجاد لك تشهد تجف اقلامي بمدحك,يحير العد بالمعدود
اذا منك بغيت الشي فلا عنه مرد وبد تطول اللي تقوله عز وانته قدها وقدود
اشوف النجم ذاك بعيد,و انت من النجم ابعد الا يا حظ ابو من هو تكون
انته معه موجود
اذا اسمك يجي في الشعر يزيد البحر مده مد يزيد الشعر في الشاعر تجيه ابيات
دون حدود
مروض جامحات الخيل,مهدي الموقف المشتد مفرج كربه المظلوم,وشوق الفاتنات الخود
احد مثلك انا ما القى رجل مثلك ابد ما حد على شعبه سطع نوره مثل
بدر اليالي السود
انا لاجلك كتبت الشعر وفضلك سيدي ممتد على طول المدى نبقى لشورك طايعين جنود
مهره العام
يا مهره العام لا والله غديتي فرس ترفقي كن عطرك ريح حرب وصهيل
العام تمشين وما حولج رجال وحرس والحين تمشين ورقاب الخلايق تميل
استغربتك الكنايس حس مشيك جرس واستغربتك الحدايق رمش عينك ظليل
جندلتي القلب والعاشق طويل المرس حي ولكن تركتي في المحاني قتيل
من جيتي فالحب سيفه بالخفوق انغرس والليل يقصر بشوفك وان سريتي طويل
ما كني العاشق الي في زمانه درس وما كني الا من اسباب المحبه هزيل
حلفت ما اعشق مدام الحب طبعه شرس مالي ومال المحبه والشقا والخليل
دخلت بحر المحبه يالهنوف الفرس وقامت تلاقف بي امواجه وضاع الدليل
جرح الصداقة
كل مابنيت الحلم في القلب وكمل
قبل اعلنه يظهر صدى عداوته
وضحت همومي من وراء الخافق همل
واحجامها حسب الوضع متفاوته
وانا العزيز اللي تشبث بالامل
عسى يشوف من الزمن طراوته
درس الحياه القاسيه لو اشتمل
على الجبابر لا اعرفوا قساوته
تلقى بعض تجارهم يمشي ثمل
مع الفقراء يرتشف حلاوته …. الخ
لاتغرك ضحكتي
لا تغرك ضحكتي والا اسلوبي اعرف اعزاز النفوس من الرديه
كم وفوا لي ناس وكم ناس اغدروا بي كم كسبت بطيب نيه سوء نيه
ناس من كثر المخادع ما تتوبي وناس بيضان وصداقتها نديه
و ناس اغلتني وناس اغلت جيوبي وناس اطالع ولا كانها عميه
كل هذا والجروح تزيد صوبي و المجامل والتملق والخطيه
ما يغير ضحكه الوجه الرحوبي مد يمناه دون ماهي موسميه
ودي اني اعطي المحتاج ثوبي واعطي و لا انتظر رد العطيه
ما اجمع العالم ولا قول اسمعوا بي نفسي من اطراء خلق الله غنيه
في بعض الاشياء اتقدم و انوبي عن بني ادم جميع وعن بنيه
سجده تغفر بها كل الذنوبي خير من عيش الحياه القاحليه
يا مسولف بي على الطرق الكذوبي عاقب الله من ظلم نفس بريه
يا صحيب الخير يا مثبت طنوبي النصيحه روح الايمان القويه
الصحيح من العيوب اللي تشوبي قولها في الوجه والنيه مطيه
بارك الله في من اهداني عيوبي و اشكره جدا عل هذي الهديه
لا تغرك ضحكتي و الا اسلوبي اعرف اعزاز النفوس من الرديه
كم وفوا لي ناس وكم ناس اغدروا بي كم كسبت بطيب نيه سوء نيه
قوس الربابه *استمد الشوق*
استمد الشوق حيله وانتحابي.. لين صادفني طريق كنت اهابه
لي شهر وانا ماغير اكتم مصابي.. واتجمل فالوجيه من الذرابه
لين حدتني مخاييل السحابي.. والسنين اشباح والايام غابه
شفت مامنها مصده واجتنابي.. لكن الله رحمته تسبق عذابه
ياوجودي من عناي وياذهابي.. وجد من خلوه ربعه للذيابه
في نهار هيب اللي مايهابي.. يعتنق عج المنايا بالسحابه
منك ياللي فاقد منك صوابي.. قمت اعشقكك مثل عشقي للكتابه
شف غيابك وين وداني وجابي.. بس مع الايام زودني صلابه
حس فيني يامعودني غيابي.. في وجودي وش مدى فرق التشابه
ليه ادق الباب دام الباب بابي.. يامعيشني تفاصيل الغرابه
يامعودني على صبر احتسابي.. يا معرضني شقى القيض وسرابه
الدروب طوال لكنك زهابي.. شوف حالي كنها قوس الربابه
اعتقدت انك تعاني من عذابي.. يكسرك صوت الاحبه والغرابه
واثرك اللي مستريح ولا درابي.. ماتعرف الا تمادي في غيابك
مثل جميلي معك
مثل جميلي معك كمل جميلك .. معي وانظر بعين الغضب ولا بعين الرضا
تسمع عن الاخطل وتسمع عن الاصمعي .. لكن ابسمعك شعر يهز الفضى
لا تدعي الظلم والله فوق يا المدعي .. يا لين تعدل و تستوفي شروط القضى
ولا تشتكي قله الادراك قبل الوعي .. وخليك واعي وتدرك كل شئ مضى
حظيت بي وانت تدري ويش هو موقعي .. لو كان غيرك حمد ربه على انه
حظى
حرمتني صوتك اللي لا وصل مسمعي .. كني اغني هجيني فوق عوس النظى
وفارقتني و المفارق ما يزيد اوجعي .. لكن يولع في جوفي نار كنها لظى
ويا صاحبي والشعر ما هو براس اصبعي .. الشعر احاسيس قلبي لغرامك رضى
وانا مصحصح معك خلك مصحصح معي .. واعشق بعين الغضر والا بعين الرضى
دموع المحبين
منابع دموع المحبين عيني.. تبكي على نفسي و تبكي على الغير
وعن الغلا يا ساريه خبريني.. هل عاد له فب القلوب الحباب تاثير
قلب الفراق اللي غدى له حنيني.. ظميان و القصه ماهي جمه البير
لكنها شوق يدفه ضنيني.. يا لله عساها ما تطول المشاوير
نوارتي..تجمعي و اجمعيني.. و تغطرسي على جميع النواوير
مالي عذر حتى اقول اعذريني.. بس احفظي تركيبه البيت الاخير
اشرف مثل مقاصده تحتويني.. قل العطا … و لا كبار المعاذير
خلي علاملت الشقا في جبيني.. عطر و بساتين وورود و عصافير
ابي اشوف العيد في مقليتني.. و اركب لقلبي جنلحين و اطير
و ابي اعيش العمرما عاد فيني.. اصادم الايام والا المقادير
يا مشغله خط الغرام اشغليني.. تراي جوال بليا فواتير
تمردي على النظر وسط عيني.. و تعددي على وجيه الجماهير
لان المنام اللي بغيته يجيني.. عيا يجيني لين مسيت بالخير
القلب ماهو لعبه
القلب ماهو لعبه في يدينك ياللي المشاعر كلها عندك اوهام
الفرق واضح صار بيني وبينك مثل اليقين ومثل طريات الاحلام
ماعاد ينفع لو يردك حنينك خطاك كان اكبر من اسف حبر الاقلام
حتى الرسايل في هوانا تدينك عنوانها كذب وخيانات والام
بنساك بنسى كل زينك وشينك جرح جديد وزاد ع جروح قدام
سدد من ايام الشقا بعض دينك واللي يسوم الناس لابد ينسام
كنا على كل الخطا عاذرينك لانستمع باللي حكى فيك لوام
واليوم قلبي والفكر رافضينك هيهات يرجع حب ميت من العام
حمام الاحباب
بغيت اعلمك قبل تروح يا خلي ان زعلك صار هاليومين بزياده
كنت احسبك كل ما صديت متغلي بس للاسف صار هذا الطبع لك عاده
بيني وبينك اشوف البعد اسهلي خلاص بابعد ما دام ان عندي اراده
اصفيت واحسب انك كنت صافي ليتبغي الحقيقه كرهت الحب واجهاده
من شمس هجرك ما عاد يفيدني ظلي وش فيه قلبك يزيد في ليني عناده
وهو من اول الي من جيته يهلي ويحط لي في حنايا القلب سجاده
ويشاغب نجوم اهل الليل ويهلي ويفتح لي ابواب حصنه وادخل بلاده
وانا اتركه في ربيع الخافق يبلي مشاعري كلها برضاه منقاده
يا كبر جرحي من الهجران يا غلي ما عاد جاني من الاحباب نشاده
حمام الاحباب سلملي على خلي لان زعله صار هاليومين بزياده
بغيت اعلمك قبل تروح يا خلي ان زعلك صار هاليومين بزياده
كنت احسبك كل ما صديت متغلي بس للاسف صار هذا الطبع لك عاده
قرار فزاااع
ما عاد لك في قلب خلك مكانه
لو كنت امامه يجهل انك عيونه
منته الذي تتملكه في زمانه
صعبه حبيبي عن رماتك حصونه
يامن تعود عالقدر والخيانه
الحب غالي لو انكم ترخصونه
ارخصت قدرك يوم خنت الامانه
وين الوفا لي عندكم تتدعونه
لقيت بك امن الغراشيب دانه
حصباه منكوالالي مخزونه
جمال حسنك ما يساوي بنانه
فتون زينك ما يحرك غصونه
عوديشابه لادن الخيزرانه
عازل هضيمه بين حيب ومتونه
ابغي وصوفه لكن الوصف خانه
حرت بجماله وتوهتني عيونه
لاني صويب مرهف من سنانه
عزاه قلب نازفاتطعونه
يقولها لي قالها من كيانه
يحسب حسابه قبل لا يحاسبونه
الناس للناس
خلك معي خلي ترا الناس للناس ضدي ترا ضدي ومعايه معايه
احس بك دايم بانفاس الانفاس وانته ضيا عيني ومنايه منايه
لاتسمع العاذل وسواس وسواس ومن علتي انتي شفايه شفايه
لو طال هجرانك فلاباس لاباس غلطان استاهل دوايه دوايه
السهم من عينك وامواس الامواس وانا اناديلك دمايه دمايه
سمعتي الموشي وارجاس الارجاس واللي جرا منك كفايه كفايه
اعلنت من وصلك بافلاس الافلاس واختاري انتي بين شايه وشايه
اما ترديلي باحساس الاحساس ولا انتفارق والنهايه نهايه
متعود ابدله الالماس بالالماس مايهم اكسب والهوايه هوايه
خدعت حاسب يضرب الراس بالراس مسكين وادريبه ورايه ورايه
شوقي حمايم
شوقي حمايم والغناوي ربابه
غنت على لحن الربابه حمايم
ياصاحبي بعض النوايا تشابه
والفعل يفرق بين بايع وسايم
يالليحبيبك فيك زايد عذابه
دايم على باله ولوكان نايم
قربك سعاده والمفارق كابه
مشاعرك ورد وغرامك نسايم
عزمت قلبك للغلا والرحابه
لوكان مابين الحبايب عزايم
لوخافقك يفتح ل(فزاع) بابه
لقيت قلبه عن هوى البيض صايم
ولوان احاسيس القلوب تشابه
سمحت لي كل الذنوب العظايم
القلب لك روضن خضر ماوطا به
الاغلاك اللي احييه دايم
اعذرحبيبك لو يطول غيابه
من طول الغيبات جاب الغنايم
- قصائد فزاع مكتوبه
- شعر فزاع مكتوب
- اشعار فزاع مكتوبه
- قصائد فزاع
- اشعار محمد بن راشد ال مكتوم مكتوبة
- اشعار فزاع قصيره
- اشعار فزاع
- اجمل قصائد فزاع عن الحب
- قصائد عن الحب المستحيل
- شعر فزاع
