احلى و اجمل اشكال براويز , مشروعك جاهز بأبسط تصميم
اولا الموضوع ده بتاعى كتابه خاصة
اسال نفسك عاوز تعمل مشروعك الخاص محدش يكون مديرك انت مدير نفسك ؟؟
حاضر يا سيدى انا سمعت اولا عن الحوار من واحد صاحبي ومن خلال معارفى فى
شرم والغردقه فتحت مجال شغل الحمد للة
اولا الخامات بتتجاب من جنب مديريه امن القاهره من جنب المديريه وانت جاى من محمد
نجيب تانى شارع يمين اول واحد على اليمين ده احسن راجل عنده ماده مصلبه محترمه
اوووى
الخامات كالاتى بالاسعار :
1. بوليستر سائل 15ج
2.سيبداج 1ك 1ج
3.مصلب 3.5ج
4.الوان رخام 3ج الزجاجة
5.سيليكون 8 ج الكامله مش النص
6.لوح خشب mdf هو كرتون مضغوط من عند اى حد بتاع حشب تمن اللوح 21
ج
7.سنفره ناعمه مش اوى ولا خشنه خفيف
الحاجات اللى هتستخدمها على طول
1. مسدس سيلكون 7.5 ج
2. مسدس شمع 10ج
3.بالته الوان 5ج
4. فرش للتلوين وهات فرشاء للتنضيف كبيره اوى 0.0 على حسب مختلفه بس لا تتعدى
2 جنية
نخش فى الجد
هتقولى دانا كده محتاج فلوس كتير احسبها هتلاقى لما تعمل 100 تمثال مكسب 10 اضعاف
اولا
اقيس التمثال بتاعى واقطع الخشب على اساس لو التمثال 25*25
اقطع على اساس 30*30 من كل جانب 5 سم زيادة
والزق الظهر بتاع التمثال على الخشب بشرط الشمع يكون قليل بس قوى عشان ميعملش فرق
فى التمثال
ثانيا
اجيب بريل من الاكياس واضيف على الفرشه وامسح ادق ادق التفاصيل فى التمثال اى حته
بحيث التمتال كله يكون عليه بريل بس متخليش حاجه من البريل ابه عشان هيعمل رتوش
ويقرف فى السنفره هتقولى ليه بريل دا عازل عشان السيلكون يطلع بسهوله بدون ميتقطع
اسيبه ساعه يعنى 60 دقيقه متستعجلش لان كل ما القالب خد راحته هيعملك على الاقل
1000 قطعة
ثالثا
بعد الساعه احط السيلكون مش بكترته بس افرش التمثال واضغط على التقاصيل عشان السيلكون يطبع
وبعد اول طبقه اسيبه 6 ساعات 360 دقيقة
رابعا
بعد الست ساعات احط تانى طبقه سيلكون دى طبقه بسميها العيوب لانى دى بتدارى عيوب
الطبقه الاولى لو فى حته ملقتتش كويس او فيها اخرام مش باينه اوى واسيبه 6
ساعات
خامسا
اضيف طبقه سيلكون ثالثه والاخيره هما 8 طبقات بس ثلاثه كفايه للقالب يشتغل اهم شىء
انى ميتعرضش للشمس
ويعد الطبقه الثالثه اجيب زيت اكل واملس على السيلكون بحيث انه يتساوى واسيبه 6 ساعات
سادسا
بعد الست ساعات احاوط التمثال من الجوانب بالخشب والزقه بحيث انه يكون زى الصندوق واعمل
الجبس ويكون لين واصبه فوق التمثال واسيبه ينشف
سابعا
الف مبروك انت كده عملت اول قالب ليك هتقلب الجبس بحيث انه يكون تحت واشيل
الخشب بالتمثال براحه جدا واسلك السيلكون براحه اوى هيكون عنده طبقه سيلكون تحتيها طبقه الجبس
طب ليه طبقه جبس عشان التمثال يطلع زى ما هو مش معوج
طريقه عمل التمثال دلوقتى :
اقدر نسبه البوليستر السائل احطه واحط عليه سيبداج بنسبه 2:1 يعنى كل معلقه بوليستر ب
معلقتين سيبداج
واقلب جامد اوى اوى بحيث انه ميكونش فيه هوا ويعمل فقاقيع فى الظهر
وبعدين احط مصلب واقلب اوووووى وبعدين اصب شويه صغيرين واضغط اوى على التفاصيل عشان تظهر
وبعدين اصب
واستنى على التمثال عشان ينشف 10 دقايق او 15 دقيقه اصبر مش كل شويه تشوفه
عشان يطلع تمام اول لما هيطلع هتلاقيه سخن شيله براحه حته فى السبيداج عشان يقفل
المسام
فاضل التلوين وانت وشطارتك فى التلوين بقى :)
الف شكر ليكوا عشان المتابعه ويا رب اكون قدرت اوصل الموضوع تمام .
