يوم الإثنين 2:04 مساءً 22 يوليو 2019




متزعليش هشام الجخ قصيدة كامله



متزعليش هشام الجخ قصيدة كامله

صور متزعليش هشام الجخ قصيدة  كامله

متزعليش لو يوم قالولك انه مش باين عليه اثر الفراق
وانة مش بيجيب في سيرتك و انه عادي
لا بان عليه اثر الفراق و لا فيه الم و لا فيه اشتياق

حجاش قصيدة كتبها فيكي
هى دى اللى طلعتى بيها
اما هو خلاص نسيكي
عادتة و لا هيشتريها
واحنا قولنالك زمان مبتسمعيش
فمتزعليش

ثم هو مكنش نقوه
كان بيتاخر عليكى بالساعات
وكان مفلس
وشكلة يعني مكانش هو

كل اصحابك عابوه
اهو غار في داهيه
وبكرة يركع تحت رجلك سيد ابوه

بس يمكن كان حنين حبتين
هما بس حبتين
كان برضة بيسخف عليكي
كنتى فين

 

صور متزعليش هشام الجخ قصيدة  كامله
ورايحة فين

 


وجاية منين

 

بس كان بيبان عليه
لما اسمك ييجى في الكلام
تلمع عليه

بس برضة كان سخيف
مكنش بيقدر ظروفك
كام مرة قولتى مستحيل و يصر برضة انه يشوفك
ومتزعليش
من قساوة الدنيا و عنادها العجيب
انا كنت فاكر نفسي اقوى من النصيب
وكنت بتريق على اللى مكملوش

مين كان يقول ان النهاية تكون فاشوش

 

؟

انا لسة فاكر و قفتك و سط البنات
فاكر هدومك و ابتسامتك و الكلام
حتى السكات

لو كان فراقنا صحي فيكى كام و جع
انا كل ليلة بتدبح من الذكريات

انا عندي ركن بحط فيه كل الحاجات
كل القصايد و الالم
كل البنات
جيت اركنك جواة … رفض
ومكافاكيش
فمتزعليش
وان جم قالولك انه مش باين عليه اثر الفراق
متصدقيش

انا لما ثبتك … كل حاجة اتغيرت
ريحة الشوارع و الدكاكين القديمة و البيوت
كانى ببدا من جديد رحلة حياتي
او بموت

حسيت كانى نهيت حياتي … خنقتها
انا كنت متخانق معاكى و قتها
مكنتش اقصد اقولك امشي مترجعيش
بس انتي كنتى صغيرة ….

 

مفهمتيش

الطبع غلاب و انتي عارفه
كنتى لازم تعذريني
معرفتش اترجاكى و انتي بتدبحيني
ربونا على الهيبه
وع الحب بقيامه
وان لما البت تتقل يوم عليك ….

 

بالسلامه

صدقيهم لو قالولك اني عصبي
او فالاتي
وانى بعرف الف واحدة و قلبي بيغير يوماتي
صدقيهم لو قالولك اي كدبة عن حياتي
بس اوعى تصدقيهم لو قالولك انه كان كداب معاكى محبكيش

وان جم قالولك انه مش باين عليه اثر الفراق

متصدقيش

  • هشام الجخ متزعليش
  • كلمات قصيدة متزعليش
  • هشام الجخ متزعليش كلمات
  • متزعليس كاملة
  • متزعليس كلمات
  • قصيدة كنتي صغيرة مفهمتيش لهشام الجخ
  • سمعنا هشام الجخ متزعليش
  • قصيدة متزعليش هشام الجخ مكتوبة
  • صور كتابات هشام الجخ عليها عبارات
  • هشام الجخ مكتوبة كاملة


2٬554 views

متزعليش هشام الجخ قصيدة كامله