لاتشتكي للناس لاضاق صدرك …. الناس ماتملك مسره ولا ياس
الناس مثلك حالهم مثل حالك…. والكل من مر الليالي شرب كاس
ولا تحسب انك بالتعاسه لحالك…. اعرف ترى عايش معك بالشقا ناس
ارجي السنين المقبله تنصف الحال … عقب السنين اللي مضت لي حزينه
مشيت كل دروب الايام رحال… طال الشقا والحزم طالت سنينه
وكل من نشد ويقول وش هي الاحوال… اجامله بالرد واقول زينه!!
بحجز على لندن تذاكر وترحيل …. واخذ بدل هالقلب قلب صناعي
قلب صناعي مابه احساس ويميل …. وطيفته للدم يعطي اندفاعي
والقلب الاول ارسله لك بمنديل …. واقول خذ هذا السبب في ضياعي
بعض العرب من جور الايام مجروح…. وبعض العرب دله وسالي ومرتاح
مرتاح ماشاف الطباشير واللوح …. ولا راح وقته بين تحضير وصياح
حصه نشاط وبالتعاميم مذبوح …. وبين الاحتياط وبين الاشراف سواح
احلى واجمل اشعار قصيره
شعر قصير ياخد العقل
احلى واجمل شعر قصير
- اشعار قصيره
- احلي اشعار قصيرة
