يارب لطفك – الشاعر احمد المنتشري
بسم الله الرحمن ربي فالق الحب والنوى
سبحانه الله / مالك للملك واليه المصير
رب برا ذا الكون بامانه وبالعرش استوى
بامره تصاريف الزمان وبيده الخير الكثير
يارب عفوك ياكريم الجود يا شديد القوى
ماعظم صفاتك يا اله الكون والرب المجير
يا ربي اجعل كل حرف من قصيدي للسوى
والهمني التقوى وحسن لي خواتيم المسير
و يا قصيدي اوقف الونات واهات الهوى
واعمل لما ينفعك في يوم عبوس ن قمطرير
يالله عبدك لك سجد وجه وقلبه والتوى
بحبال عفوك ياسخي الكف والعفو الوفير
ما ينفع الجناي ماتجني يديه وماطوى
ياكود ما تحمل يمينه حين هب الزمهرير
وش حيله ابن ادم ليا اشتدت لواهيب الكوى
في ويل والا في سقر خلد وساء به المصير
يارب لطفك / كيف نقواها وهي سود الضوا
تشبه سواد قلوب خلقك ساعه يموت الضمير
يارب صرنا في زمن يشوى عبادتنا شوا
والناس ما تنهي عن المنكر ولا تامر بخير
نسهر / مثل ماقالوا العشاق ياليل الغوى
نلعب ونلهوا والفجر نومه يحليها السرير
والعمر حقه منتهك / والليل ذيبه لي عوى
تبدا المعاصي يالله الغفران وذنوب تغير
دام اصبح ابن ادم خوي الجوف وبقلبه خوا
لا خير في دنياه/ يهنابه /ولا طاب الاخير
حليله / اللاهي / ليا اشتدت تباريح النوا
يبلش مع منكر ليا ناداه / ويساره نكير
واليا بعدنا / ولا بقي معنا لوقفتنا روا
في يوم ما ينفع معه هذا غني وهذا امير
فيها انتساوا عند رب الكون نتحاسب سوا
والكل شاخص بالبصر للي بكل شي قدير
ياهييه اصحوا واتقوا عن يوم نزاع الشوا
غلت يدينه من نسى ربه ويصلاه السعير
الحال مبكي / ولا يداوي قلوبنا / ايه دوا
ياكود نرجع نقتفيها سنه الهادي البشيري
