مميزات وعيوب لانسر شارك

مميزات و عيوب لانسر شارك

وعيوب مميزات لانسر شارك 7de340da62f9f8253756046183f0105a

العيوب


الشنطة ضيقة بشكل ملحوظ جدا جدا من جهة العمق .
.
انما الطول و العرض عادي


عزل العربية سيء جدا جدا .
.
صوت الموتور و اضح جدا جدا جوة العربية .
.
انما مع السلانسية مفيش صوت خالص .
.
ولو دخلت فشوية طينة او حصى بتسمع صوتهم بيخبطو فالرفارف من جوة


الاضاءة الحمرا بتاعت شاشة المعلومات فالتابلوة مش روعة .
.
احنا اتعودنا ان النور الاحمر بيصبح تحذيرى .
.
متعودناش عليه شغال كدة على طول .
.
مزعج جدا جدا و خصوصا فالسفر بالليل و الدنيا ضلمة .
.
اضطريت اخفف اضاءة التابلوة خالص عشان ميضايقنيش

وعيوب مميزات لانسر شارك 20160620 140




الباور تقيل بشكل ملحوظ .
.
فين الباور الكهربا و الدلع بتاعة .
.
حتي لما تحرك الدركسيون و هي و اقفة سلانسية تلاقى الار بى ام بيزيد دليل على تحميل طرمبة الباور عالموتور .
.
دة فالعربيات القديمة مبيحصلش كدة .
.
اكتر حاجة يمكن تحصل انك لما تكسر عالاخر الار بى ام ينزل سنة و تسمع زنة .
.
انما حركة الدركسيون ترفع الار بى ام بالشكل دة .
.
فية حاجة غلط


التوكيل مش كويس .
.
لازم تبقي مصحصح معاهم .
.
عند غيار زيت الالف كم حطو ال4 لتر 5w30 و زود النص لتر الاخير 5w40 .
.
هى مش مشكلة بس دة يخوفك لما تيجى تعمل عندهم حاجة كبار .
.
ويديك دليل على عدم احترافيتهم و دقتهم .
.
قررت مروحلهمش تاني

وعيوب مميزات لانسر شارك 20160620 141




الكاسيت و السماعات على قدهم خالص .
.
السماعات فالبيبان الاربعة بس .
.
مفيش و را .
.
اللى هي بتبقي اهم سماعات و بتعمل لك البيز و الدوم المحترمة نتيجة فراغ الشنطة .
.
ومفيش يو اس بي


واجهة العربية غريبة اوى .
.
شكلها بالتاكيد جامد مفيش كلام .
.
بس الاكصدام ما لوش لازمة لانة مش اكتر حاجة بارزة من قدام .
.
يعني لو ريحت بالعربية على حاجة قدامك اول حاجة هتتلمس الشنب العلوى مش الاكصدام .
.
ودة الاسباب =ان العربية لما بتقدم شوية بتلاقى شكلها وحش من الترييحات الامامية .
.
انا بعتبرها عربية بدون اكصدام


مفيش مسند خلفى و لا كونسول امامي برغم انها اشياء مش مكلفة و مش دة الي المفروض يفرق بين فئة و فئة

وعيوب مميزات لانسر شارك 20160620 18

المميزات


واسعة من جوة .
.
من و را و من قدام .
.
حتي مع الديناصورات امثالى .
.
مرتاح جدا جدا فيها


عالية عن الارض بشكل محترم و لا مجال لاى حك فالمطبات حتي مع التحميل لغاية 5 اشخاص


عفشة متميزة و هي الانسب لمصر و مطباتها .
.
انزل نام تحتها و اتفرج عالمقصات الخلفية و انت تفهمني


مقاس الكاوتش و الجنط جميل .
.
باختصار جميع مكونات تعليق العربية هي الانسب لمصر و لساكنى القاهرة خصوصا


الموتور قوي و الفتيس حلو مفيهوش مشاكل .
.
العربية جابت ال 180 كم/ ساعة بسهولة و بسرعة و كان بها لسة كتير بس معرفتش اجرب اكتر من كدة .
.
الطريق كان زحمة .
.
والثبات بتاعها محترم .
.
تحس على السرعة دى انك راكب اوروبى .
.
برغم انها عالية .
.
بس تصميم الايروديناميك و العفشة بها .
.
ابداع


واضح جدا جدا الاهتمام بقوة و صلابة الاجزاء المهمة بالعربية .
.
انزل اتفرج على مفصلات الشنطة و جوز المساعدين الي بها و ميكانيزم الحركة بتاعها و انت تفهم قصدي


كفاية انك تعرف ان العربية دى نفسها فالخليج نازلة بمحرك 2000 سى سى و فالغرب موتور 2400 سى سى .
.
يبقي البودى بتاعك متصمم كيف و لحاماتة عاملة اية .
.
دى كانك عامل اساسات عمارة تشيل 20 دور و بنيت عليها العمارة 10 ادوار بس .
.
تبقى عمارة قوية و لا لا

وعيوب مميزات لانسر شارك 20160620 142




الكونسول الامامي منظم و شيك اوى بدءا من الكاسيت نزولا الى تحكم التكييف و الولاعة و عصاية الفتيس و الهاند بريك .
.
مفيش اشياء تضايقك زي عربيات كتير بتلاقى بها غباوة تصميمية فالحتة دى بالذات


التكييف حلو .
.
استلمت العربية فاول 9 .
.
ملحقتش اجربة فنار الصيف بتاعت 7 او 8 .
.
بس و اضح انه هيبقى تلاجة


الفرامل روعة جدا جدا برغم ان مفيهاش اي حاجة زيادة و لا اية بى اس و لا اي بى دى و لا يحزنون .
.
انا شخصيا الاية بى اس مبقتنعش بية اوى طالما العربية لاستعمال داخل المدينة و مشاكلة و عيوبة و الاصوات الي بيطلعها تخليك تكرهة متحبوش .
.
بالتاكيد هتختلفو معايا .
.
عموما الشتيمة حرام


استهلاك البنزين حلو مش وحش بالنسبة للقوة الي بتاخدها من العربية


سعر العربية حلو جدا جدا قياسا بامكانياتها .
.
وهي الاروع فهذه الفئة السعرية بلا منافس .
.
شوف الريو بكام و الاكسنت بكام و الالنترا و السيراتو .
.
تهريج .
.
مع كامل احترامي لملاكهم

وعيوب مميزات لانسر شارك 20160620 143

 

  • عيوب لانسر شارك 2015
  • عيوب ميتسوبيشي لانسر 2015
  • تقييم سيارةلانسر2017
  • مميزات وعيوب لانسر شارك 2017 باور كهربا


مميزات وعيوب لانسر شارك