ما هي البوقالات الحب

ما هي البوقالات الحب

 20160615 1602




البوقالة هي لعبة من التراث الجزائري القديم توراثنها عن اجدادنا حيث النساء يتفنن فابتكار امثال و حكم على الكيفية و اللهجة الجزائرية و كانت و لازالت تلعب خاصة فمناسبات حيث تجتمع النسوة كالافراع و الاعياد و بالخصوص السهرات الرمضانية


التى تنتظم فالعادة داخل البيوت حيث تتكفل احداهن باستضافة جمع من النسوة اغلبهن عازبات حول اطباق الحلوى و الشاي،
وتقوم بتحضير اناء فخارى (يسمي بوقالة) و تضع به قليلا من الماء،
ثم تطلب من جميع واحدة منهن نزع خاتمها و وضعة داخل الاناء،
ثم يتم تغطية الاناء بقماش ناعم.


و تكمن متعة البوقالات حسب اسقاط معاني تلك الاشعار الشعبية او الالغاز التي تلقيها فالعادة عجوز طاعنة فالسن على النسوة الحاضرات،
وتقضى قواعد اللعبة ان تنوى البنات عقد النية على شخص بعدها تعقد اي شئ تملكة خمار او خيط المهم تعقد شئ و تنوى فبالها شخص معين لترى فالها او حظها مع ذلك الشخص ….

 20160711 1125




تقوم العجوز بقول بوقالة و جميع البنات مصغيات فاذا كانت البوقالة رائعة و فالها حلو تجد جميع الفتيات متشوقات حتي يعرفن من صاحبة البوقالة الرائعة و جميع و حدة تتمني تكون هي صاحبتها


واذا كانت البوقالة كلامها فال سىء او حزين فتجد جميع واحدة خائفة من ان تكون هي صاحبة البوقالة ….


بعد الاستماع تظهر احداهن اواحدا البنات الصغيرات خاتما من ااناء-البوقالة،
و تقع البوقالة على صاحبة الخاتم .



هذه اللعبة من تقاليد و التراث الجزائري و لا زالت متداولة حتي الان و فبعض الاعراس اصبحوا يقدمون البوقلات فو ريقات صغار توضع فقفيفة صغار و يوزعنها على البنات و النساء الحاضرات كتسلية فالاعراس و جميع واحدة تقرا فالها


اليكم بعض من البوقالات و جميع واحد ة و فالها الى يفتح اللعبة الاول يترك رد حتي تكون اللعبة من نصيبوا بس اعقدوا بالاول و انويها على شخص سواء قريب منك او بعيد (منقول)

 20160711 1126

بسم الله بديت و على النبى صليت و على الصحابة رضيت،
عيطت يا خالقى يا مولاى يا مغيث جميع مغيث،
كملى فالبوقالات و اش نويت ياربى اعطينا الفال و لاقينا بولاد الحلال.


فال يا فلفال يا فاتح سبع قفال اجبر لى سعدى مهما كان ما الشرق و لا من الغرب و لا من الشمال


قولوا للضاق صبرو يشد فحبال الرجا و علاش يتنكد… يتكل على الله ياك ربى العالى ما يضيع


1 عينيك توت و حواجبك ياقوت بنتكم نديها و الي بغى يموت يموت.


2 و ردة فالكاس يضاربوا عليها بالمواس.

 20160711 1127




3 يا مولات السعد لبيض ربى يكملك،
حوست قاع البلدان ما لقيت مثلك،
ربى يجيب حيلة من السماء و تكون من قسمي.


4 خرجت يوم الجمعة فيدى شمعة خرجت ليا جنية قالتلى ما لكي يالولية حكيتلها ما بيا قاتلى روحى حاجتك راهى مقضية.


5 ياللى طالعين للجبل ادونى معاكم اذا بيكم على الماكلة رانى شبعانة و اذا بيكم على التحواس رانى عيانة و ذاك الشباب زرق العينين ما ندية غير انا.


6 بينى و بينك تويقة ربما الكاس و بينى و بينك كلام و اش و صلو للناس؟
مايصبح الحيط حتي يسبق الساس و ما يرفدو الذل غير فتيات الناس.


7 امك سماتك “علي” و اسم “علي” عالى و يا و اسطة فالعقد يا نقش خلخالي الذل ما نحملو و العز ربانى .



8 العدو و الي طعن الله يخيب مكرو و التراب الي يعطش الله يسقية بمطرو الليل راة مشي و النهار لاح بنورو.


9 درت الحنة فيديا و زدت فرجليا و رانى ندعى فربى و قتاش يفرج عليا.


10 ياللى قاعدة فالرياض و ادور بفوطتها الحسن و الحسين قاعدين قبالتها شافها السلطان قال نديها شافها الوزير قال نغنيها و انا قلت من العين نحميها.


11 غالى غالى و الغالى ربى مهما تروح و تغيب معزتك دايما فقلبي.


12 حب الملوك يا حب الملوك و حب الملوك مصدر فو راقو,
نموت على حبيبي و ما نصبر على فراقو.


13 رحت للسوق نشرى الفلفل و الكمون صبت راجل مذلول قالي: حبيبك راة عليك كى المهبول.


14 يا الي زايدة فعذابي فالنهار انومك و فالليل نترجاك اعطينى كلمة من فمك يرحم الي رباك.


15 نسول عليك يالحبيب و السوال خير من الف هنية ساعة على ساعة نفكر فالزمان و نقول علاش الى تمنيتو ما هو ليا.


16 خرجت و حدى فالليل و خرجات الليل صعيبة انسيت المحنة و الويل اتفكرتك انت يا الحبيبة


17 حب الملوك جانى مغلف فاوراقة انا و حبيبي فبلاد واحدة و القلب مشتاقه


18 عديان الجبال خطبت فتاة الرجال و الى يقول كلمة فالبنية عند الصبح تبان


19 حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلى الحبيب لحبيبو و الي فقلبو حاجة الله يبلغ المقصود.


20 نزلت لقاع البحر خرجت لى جنية قالت لى و شبيك يا لالا مهمومة تكلمى افتحى قلبك ليا قلت لها يا مولاتى هذاك حبيبي اداوة عليا قلبي معاة و قلبو معاها هيا.


21 يا لى جايا من العين و بيدك مليتى القلة سبحان من اعطاك ازين و زاد فبهاك ذيك الحلة.


22 النور يا النور و النور عينيا طبطبوا على الباب و جابو لى الي عزيز عليا رانى نتمني من ربى يجى يطلب يدى من ما ليا.


23 جاز عليا شباب فيدة منديل ازرق و ششيتة معنقرة و لبستة تبرق عليه نسمح فالولد و عليه نطلق و عليه نخلى البلاد و نردها خندق.


24 الشمعة يا لشمعة يا لشمعة الضواية لو كان نعرف و شبيك نمسح هذيك الدمعة من خديك و نرد و جهك مرايا يا ربى يا معبود اقبل دعاية يا رجع لى زهو الزمان و يعيا الحبيب قاعد معايا.


25 اطلعت للسطح و فرشت زربية حرقت حر قوس الذهب و حرقست عينيا افرحى يا يما سعدى و لا ليا نستشفى فالعدو كما استشفي فيا.


26 فاطمة يا فطوم وين ما تكوني نرسلك مرسول اذا سكنتى البحر نرسلك عوامة و اذا سكنتى السماء نرسلك حمامة و اذا سكنتى القبر يحاسبك مولانا.


27 علاش يا لالا التخمام رحمة الله و اسعة و كبار لو كان جات بالكلام نتحدثو و نعطوك تدبيرة بصح جميع شي بالمكتوب و يعيا و الخير يبان و تزول عليك الهموم و تروح الحيرة.


28 اعلمينى يا لالا نهار تروحى لحمامك نرفدلك السلة و نمشي قدامك ندور على يمينك و نزيد على شمالك و نبقي لك خديم و طايع على طول زمانك.


29 السفينة الي جات باش نلاقيها باللوز و السكر نرش سواريها و الورد و الياسمين نهدية للركاب بها و بالمسك و العنبر نعطر اماليها.


30 يا لشمس الضوايا يا العالية فسماك لو كان صبتك مرايا و نشوف و جهى بضواك يعود ربحى و غنايا و يقسم سعدى ذاك.


31 فالساقية الماء يجرى و الحشيش نابت متخالف بالشوك مليت حجرى من هذاك الراى التالف كى غبت و غاب زهرى و لا الي يجينى خايف.


32 اقعدت تحت النخلة قالولى دقلة نور جات ادور اطلعت فوق النخلة و بالعسل رشيت الصور معاة المعيشة تحلي حبيبي الساكن فالقصور.


33 جيت ساميت البحر شفت الحوت يعوم عرفت ما عندي زهر فذا الحظ المحموم كى غاب ضى القمر ما ردت ضى النجوم.

 

  • البوقالات الحب
  • بوقالات الحب
  • بوقالة حب
  • بوقلات حب
  • البوقالات
  • البوقالة
  • بوقالة
  • البوقلات
  • أجمل بقالات حب
  • بوقالة لحبيب


ما هي البوقالات الحب