عبارات قصيدة ايوة بغير يلقيها الشاعر هشام الجخ
وبقولها
ايوة بغير
لا انا نقصان و لا ضعفان
ولا مسطول و لا سكران و لا زايغ من عيني الضي
ولا حد اقوى منى فشي
بس بغير
واللى قالولك غيرة الراجل
قلة ثقة او قلة فهم .
.
خلق حمير
غيرة الراجل نار فمراجل
نار بتنور مبتحرقش
واحنا صعايدة بنستحملش
شمسنا حامية
وعرقنا حامي
وطبعنا حامي
واللى تخلى صعيدى يحبها
يبقي يا غلبها
اصلنا ناس على كد الطيبة
كلنا هيبة
والنسوان فبلادنا جواهر
طب لو عندك حتة ما س
هتخليها مداس للناس ؟
ولا هتقفلى اوضة عليها بمية ترباس
يمكن حتي تاجرى ليها جوزين حراس
يبقي انا لا انا غافل و لا جاهل
كل الفرق ما بينى و بينك انني صعيدي
ينعل ابو دة اليوم الاكحل الي لا لية احدث و لا اول الي طلعت لقتنى صعيدي
لو كان بايدى كنت اعملك هندي بريش
واقلب شعري كانيش كرابيش
والبسلك سلسلة متدلدلة خرزة و قلب
بس كيف البسلك سلسلة هو انا كلب
ثم العبرة ما هيش فاللبس
اصل المشكلة مش فاللبس
اصل المشكلة عندك
عندك
قلت هسيبها و بكرة تحس
بعدة تحس
بعدة تحس
دة انا لو جبس
كنت زعقت
ماشى صداقة
وماشى زمالة
بس مجتش على الرجالة
ما هي نسوان الدنيا كتير
وانا مبقولش تخاصمى الناس
ولا تتحجبى عن الرجالة
ولا تعتكفى و تسكنى دير
بس يا ريت حبة تقدير
انى بحبك
وانى بريدك
وانى زرعت حياتي فايدك
وانى غزلت فتيات الدنيا عقود على جيدك
وانى تعبت من التفكير
وانى بغير
- هشام الجخ غيرة الراجل مترجمه كامله تحميل